#Milliy_qadriyatlar_targ‘iboti 🎯 “SO‘ZNI DAVOM ETTIR” — MILLIY QADRIYATLAR TARG‘IBOTI YO‘LIDA O‘zbekiston Respublikasi Bosh vaziri o‘rinbosarining 2026-yil 29-oktabrdagi 24/1-3454-son topshirig‘i ijrosini ta’minlash maqsadida joriy yilning 10–15-noyabr kunlari respublika miqyosida “So‘zni davom ettir” interfaol loyihasi o‘tkazilmoqda. 📚 Mazkur loyiha doirasida Zarbdor tumani 17-son madaniyat markazi kutubxonachisi D. Ergasheva tomonidan xalq maqollari va hikmatli iboralarni davom ettirishga qaratilgan interfaol tadbir tashkil etildi. Tadbir davomida ishtirokchilarga xalq maqollarining boshlang‘ich qismi aytilib, ularning davomini topish yuzasidan qiziqarli savol-javoblar tashkil etildi. Ushbu interfaol jarayon orqali xalq og‘zaki ijodining boy merosini keng targ‘ib qilish, yosh avlodning milliy qadriyatlarimizga hurmatini oshirish, xalq maqollarini o‘rganish va kundalik hayotda qo‘llashga bo‘lgan qiziqishini kuchaytirishga alohida e’tibor qaratildi. 🏛 Zarbdor tumani Madaniyat bo‘limi

📣 E’LON! ⚡️O‘zbekiston xalq artisti, “G‘ijjak cholg‘u ijrochiligi” ijodiy birlashmasi raisi Abduhoshim Ismoilov ishtirokida ijodiy uchrashuv tashkil etiladi. Uchrashuv doirasida quyidagi tadbirlar o‘tkaziladi: 🎼 Yosh ijodkorlar bilan ochiq muloqot; 🏆 “G‘ijjak cholg‘u ijrochilari” Respublika ko‘rik-tanlovining viloyat bosqichi; 🎻 G‘ijjak cholg‘usi ijrochiligi bo‘yicha mahorat darsi (master-klass). ✔️Mazkur uchrashuv yosh iste’dod egalari uchun o‘z bilim va mahoratlarini oshirish, tajriba almashish hamda taniqli san’atkor bilan yaqindan muloqot qilish uchun ajoyib imkoniyatdir. Barcha musiqa va san’at ixlosmandlarini ushbu ijodiy uchrashuvga taklif etamiz! 🗓2026-yil 13-noyabr ⏰ Soat 8:00 🏛Jizzax ixtisoslashtirilgan san’at maktabi 📍 Manzil: Jizzax shahri, H. Nosirov ko‘chasi, 4-uy. Ijtimoiy tarmoqlarni kuzatib boring: YouTube | Facebook | Telegram| Instagram | Veb-sayt

🎶 YANGIOBOD MAHALLASIDA MADANIY KONSERT DASTURI 🎤 Zarbdor tumani Madaniyat bo‘limi tomonidan mahallalarda aholi uchun madaniy tadbirlar va konsert dasturlarini tashkil etish ishlari davom ettirilmoqda. 📍 2026-yil 7-noyabr kuni “Yangiobod” MFY aholisi uchun navbatdagi konsert dasturi namoyish etildi. 🎵 Tadbir davomida 17-son madaniyat markazining badiiy havaskorlik jamoalari tomonidan ijro etilgan kuy-qo‘shiqlar, dilrabo taronalar va Vatanparvarlik ruhidagi musiqiy chiqishlar tomoshabinlarga xush kayfiyat ulashdi. ✨ Ko‘tarinki ruhda o‘tgan konsert dasturi mahalla aholisiga bir olam quvonch bag‘ishlab, ularning madaniy hordiq chiqarishiga xizmat qildi. 🇺🇿 Madaniyat va san’at — insonlarni ezgulikka chorlovchi, qalblarga quvonch ulashuvchi ma’naviyat ko‘zgusidir! 🏛 Zarbdor tumani Madaniyat bo‘limi 🔹 Telegram 🔹 Instagram 🔹 Facebook 🔹 YouTube