🏴 *نخوة في التوسل بالسيد موسى المبرقع ابن الإمام الجواد عليه السلام* 🏴 ● طور : *الما يلطم على حسين* . . . *يا سيَّد إجيت أنخاك .. نخوه ابجدك الكاظم* 〰〰〰 يا باب الكرم والعز والشيم جينه بابك اندگه .. هالليله ابدمع ساجم 〰〰〰 يا ابن الجواد يا باب المُراد بابك دوم للوفاد .. أدري منفتح دايم 〰〰〰 وابحق الرضا وَيَّه المرتضى والكاظم أبو طلبه .. وكل سادة بني هاشم 〰〰〰 حِل المشكلة وهاي المعضله ما تصعب عليك أدري .. وتنظر قلبي متألم 〰〰〰 فرِّح مهجتي واشفي علتي ابحق اللي بقى عطشان .. و ابحر الرمل نايم 〰〰〰 يا موسى الغريب لكل عله طبيب الليله ابچفك امرادي .. يالبيك القلب هايم 〰〰〰 واللي ابحيرته اقضي حاجته واللي شايل اهمومه .. وقلبه عالفرح صايم 〰〰〰 ما خاب النخه يا أهل العبه بيكم ساداتي والله .. وانتوا سادة العالم 〰〰〰 تمت بحمد الله تعالی ✒بقلم الشاعرة/ فاطمہ كريم •••• الكويت •••• *نسألكم الدعاء لتعجيل الفرج* *يــــــــــا أبا عبـــــــــــــــدالله* قناة دمعة فاطمة انوار في طريق الحق انشر تؤجر https://t.me/dam3tfatima4

قصيدة للمراد لمولاتي فاطمة { مستهل القصيدة } اوزع چاي بثواب الزچيه واقره الفاتحه الها هديه كل مجلس انصبه ثواب الچاي اشربه بااسم الزهره اوزعنه بديه واقره الفاتحه الها هديه •───✧◐🕊◐✧───• اوزع چاي واحضر بالمجالس وأول واحد انه يكون جالس مجالس فاطمة صارت مدارس منها ناخذ ادروس هيه تطيب النفوس يلتحضر عزاء الفاطمية اقره الفاتحه الها هديه •───✧◐🕊◐✧───• بأسمها لچاي يحله وينطي امراد هاي ام الحسن ماترد كصاد بمجلسها الحوائج كلها تزداد يالمتعني وتريد تنطي مراد بالأيد انه وياك ننخاها المسيه اقره الفاتحه الها هديه •───✧◐🕊◐✧───• نقره الفاتحه ونبچي لهضمها هاي ام الحسن كثران همها وينه المعتني وحس ابألمها ساعدها بونينك واذرف دمع عينك دين بدين دمعك للزچيه اقره القاتحه الها هديه •───✧◐🕊◐✧───• تحضر بالعزه فاطمة البضعه يهنياله الذكرها وسال دمعه على حسين الذي كطعو اصبعه يهنيال اليحضرون بالمجلس يونون عالظل نايم بكاع الوطيه اقره الفاتحه الها هديه •───✧◐🕊◐✧───• اخذو مرادكم من الحنينه الزهره من كرمها تحن علينه منجازيها لو من دم بچينه قليله دمعة العين الصبيناها لحسين تنطينه ام حسن اجر العزيه اقره الفاتحه الها هديه •───✧◐🕊◐✧───• #2023 بقلم المله والشاعره ام علي الأماره غير مبري الذمه اليحذف اسم الشاعره وينسب الكلام له العمل مهدات الى مولاي صاحب الزمان عج https://t.me/um_ali313

قصيدة للزهراء حال السيدة زينب من ديوان #انوار_الشفاعة_الجزء_الأول { مستهل القصيدة } أظلم صفه البيت من شالت امي مهضـومـة ظليت كثران همــي مـا ينحمل فركاهـا مااكدر امي انساها مهضومـه ضليت كثران همـي •───✧◐◐✧───• زغيرونه عافتني ومشت مااكدر بلياها زينب اكلها يم حسن حن كلبي الملكاها يالشالت باأول عمر وكليبي راح وياها تدريني مااحمل هجر عافتني امي من الصغر مايرحم البين زيدلي هضمي •───✧◐◐✧───• مصلاية أمي امتربه وغرفتها وحشه چانت تصلي للصبح كعدتها غبشه ماحسبت بااول عمر والدتي تنسه وتروح عني بـالعجـل والفركه ابد ماتنحمل فراك المشت نار حاركلي دمي •───✧◐◐✧───• ياكل بروحي فراكها وسهرانه ليلي من نومي افز واحتاجها تشفي دليلي شالت الزهرة من وكت وانهدم حيلي شيعودها يـا الغربت وعني بسرعه تبعدت ولو حنت الروح اتمنه يمي •───✧◐◐✧───• يمه ارد اسولف عالهجر سمعيني مره طفله وتفارك من وكت والفركه جمره وشلون لو فكدت بشر عاش اعله عطره من ينكطع ياذيها ذاك الحنان البيها رديلي يايمه صحت اذاني حلمي •───✧◐◐✧───• يافاطمه افراكچ صعب خلالي عله زغيرونه مو مالت تعب مكدر احمله شلتي ييمه من وكت بس دمعي اهله واعليچ عميانه العين من ضلعچ انتي تونين من عملة الباب ماشيل هدمي •───✧◐◐✧───• بقلم المله والشاعره ام علي الأماره غير مبري الذمه اليحذف اسم الشاعره وينسب الكلام له العمل مهدات الى مولاي صاحب الزمان عج 🚫لايجوز حذف اشكال الذمه من القصيدة https://t.me/um_ali313