هذا أول جوال من هونر يجي ببطارية 11,000mAh مع سطوع شاشة يصل 10,000nits 🔥 تبي باور بانك ؟ جوال HONOR X9e Pro موجود تبي كشاف ؟ جوال HONOR X9e Pro موجود سلسلة X9 تعودنا عليها من هونر .. ومع كل جيل جديد نشوف صلابة أعلى وميزات أرهب المراجعة قريباً باذن الله فخليكم متابعين .. كيف أجهزة هونر معكم ؟ #HonorX9ePro ‌‎🏷 Https://t.me/yassertgnya

موظف مستشفى يتسبب في تسريب بيانات 3,182 مريض لأنه استخدم الـ AI. مستشفى Johns Hopkins Bayview في أمريكا بدأ يبلّغ المرضى إن بياناتهم الصحية ممكن تكون انكشفت والسبب هو ان أحد الموظفين رفع جدول بيانات فيه معلومات المرضى على أداة ذكاء اصطناعي عامة، والأداة تعتبر غير معتمدة من المستشفى. الملف يغطي مرضى تنوّموا وتعالجوا بين مايو وسبتمبر 2026، وفيه الأسماء وتواريخ الدخول والعلاج وأرقام الملفات الطبية وأرقام الحسابات والقسم المعالج والأدوية وأسماء الأطباء حسب كلامهم، الملف ما فيه أرقام ضمان اجتماعي ولا تفاصيل حسابات مالية لكن بالتأكيد، ما زالت فيه مخاطر احتيال اذا وصلت للأشخاص الخطأ. عشان كذا .. قبل ما ترفع أي ملف فيه بيانات حساسة لأداة ذكاء اصطناعي، تأكد إنها معتمدة من جهة عملك. #تقنية ‌‎🏷 Https://t.me/yassertgnya

واتساب بدأت تتيح جدولة الرسائل في النسخة التجريبية على iOS طريقة الاستخدام انك تضغط بشكل مطول على زر الإرسال، وتختار التاريخ والوقت وتقدر تجدول من 10 دقايق لين أسبوعين قدام سواء في المحادثات الفردية والقروبات، وتدعم النصوص والروابط والصور والفيديو .. بس الوسائط تتجدول وحدة وحدة حالياً الرسالة توصل في وقتها حتى لو التطبيق مقفل أو جوالك مو متصل بالانترنت. الرسائل المجدولة تظهر في قسم خاص داخل معلومات المحادثة، وتقدر تحذفها قبل الإرسال، والطرف الثاني ما يدري إنك جدولتها ولا يوصله إشعار لو حذفتها وفي القروبات، الرسالة توصل بس للأعضاء اللي كانوا موجودين وقت الجدولة واتساب للآن ما أعلنت متى توصل للجميع .. بس ميزة جميلة وكانت منتظرة. #تقنية