Telegram-канал

Пост от 01.04.2026 08:59

323

0

April-1

▪️၂၂ ဘီး တွဲကားယာဥ်မောင်းက နိုင်ထက်စီးနင်းလုပ်သည်ဟု ဆိုကာ ယာဥ်နောက်လိုက်က တူဖြင့်ထုပြီး ကတ်ကြေးနှင့်ထိုးသတ်မှု အင်းတကော်တွင် ဖြစ်ပွား

၁.၄.၂၀၂၆
Written by KL

၂၂ ဘီး တွဲကားယာဥ်မောင်းက ဆဲဆိုခြင်းအပါအဝင် နိုင်ထက်စီးနင်းများပြုလုပ်ခဲ့သည်ဟုဆိုကာ ယာဥ်နောက်လိုက်က တုဖြင့်ထုပြီး ကတ်ကြေးဖြင့် ထိုးသတ်မှု မတ်လ ၃၀ ရက် ည ၁၁ နာရီခန့်က ပဲခူးမြို့နယ်၊ အင်းတကော်မြို့အမှတ်(၁)ရပ်ကွက်၊ ဆယ်မိုင်ကုန်း၊ ရန်ကုန်-မန္တလေးလမ်းဘေးတွင် ဖြစ်ပွားခဲ့ကြောင်း ရဲတပ်ဖွဲ့နှင့်နီးစပ်သူတစ်ဦးထံမှ သိရသည်။

အသတ်ခံရသူယာဥ်မောင်းမှာ အသက် ၃၁ နှစ်အရွယ် ကိုမိုးမြင့်ဦးဖြစ်ပြီး မြစ်သားမြို့နယ်တွင် နေထိုင်သူဖြစ်ကာ ၂၂ ဘီးတွဲကား၏ ခေါင်းခန်းတွင် အိပ်ပျော်နေစဥ် အသတ်ခံရခြင်းဖြစ်သည်။

ယာဥ်မောင်းဖြစ်သူ ကိုမိုးမြင့်ဦးက အသက် ၂၂ နှစ်အရွယ် ကိုသန်းကျော်ကို ဆဲဆိုခြင်း၊ လည်ပင်းညှစ်ခြင်း၊ နိုင်ထက်စီးနင်း ပြောဆိုခြင်းများအပေါ် မကျေနပ်သဖြင့် ဆီဆိုင်တွင် ကားဆီဖြည့်ရန် ညအိပ်ရပ်နားထားချိန် သတ်ခဲ့ခြင်းဖြစ်သည်။

Изображение

🤔 5

Пост от 01.04.2026 08:58

321

0

April-1

▪️အဖွဲ့အတွင်း ကြီးနိုင်ငယ်ညှဉ်း အနိုင်ကျင့်ဖမ်းဆီးသတ်ဖြတ်မှုတွေနဲ့ တပ်မတော်ရဲ့ တန်ပြန်ထိုးစစ်ဆင်မှုအောက်မှာ ထိခိုက်သေဆုံးမှုများကာ စိတ်ဓာတ်ကျ စိတ်ပျက်ကုန်ကြတာကြောင့် PDF အကြမ်းဖက်တော်တော်များများ ထွက်ပြေးကုန်ကြသလို လက်နက်ချ အလင်းဝင်တဲ့သူတွေလည်း အများကြီးပဲ...
-
ဒီတော့ တောထဲမှာ ကျန်နေသေးတဲ့ PDF အကြမ်းဖက်တွေနဲ့ ထွက်ပြေးသွားကြတဲ့ PDF အကြမ်းဖက်တွေအနေနဲ့ ဘဝကို အေးအေးချမ်းချမ်းမိသားစုနဲ့အတူဖြတ်သန်းဖို့ နီးစပ်ရာလုံခြုံရေးတပ်ဖွဲ့တွေထံ ဆက်သွယ်ချိတ်ဆက်ပြီး အလင်းဝင်ကြဖို့ ဖိတ်ခေါ်တိုက်တွန်းချင်ပါတယ်။။။

တိုက်ပွဲသတင်းစုံ

Изображение

❤ 1

Пост от 01.04.2026 08:58

225

0

❝စစ်ကိုင်းတောင်ရိုးရှိ ဆွမ်းဦးပုညရှင်စေတီတော်မြတ်ကြီး ရတနာစိန်ဖူးတော်နှင့် ငှက်မြတ်နားတော် တင်လှူပူဇော်ခြင်းမင်္ဂလာအခမ်းအနားကျင်းပ❞

𝙈𝙃𝙏𝙉𝙀𝙒𝙎《𝘼𝙋𝙍～𝟏》

မန္တလေးငလျင်ကြီးကြောင့် ထိခိုက်ပျက်စီးခဲ့သည့် စစ်ကိုင်းတောင်ရိုးရှိ ဆွမ်းဦးပုညရှင်စေတီတော်မြတ်ကြီး ရတနာစိန်ဖူးတော်နှင့် ငှက်မြတ်နားတော် တင်လှူပူဇော်ခြင်းမင်္ဂလာအခမ်းအနားကို သာသနာတော်နှစ် ၂၅၆၉ နှစ်၊ ကောဇာသက္ကရာဇ် ၁၃၈၇- ခုနှစ်၊ တန်ခူးလပြည့်နေ့၊ ၂၀၂၆ ခုနှစ်၊ ဧပြီလ(၁)ရက်၊ နံနက် ၈ နာရီတွင် အဆိုပါ စေတီတော်ရင်ပြင်၌ ကျင်းပပြုလုပ်ခဲ့ကြောင်း သိရသည်။

ဦးစွာ “နမောတဿ” သုံးကြိမ်ရွတ်ဆို ဘုရားကန်တော့၍ အခမ်းအနားဖွင့်လှစ်၍ တက်ရောက်လာကြသော ဧည့်ပရိတ်သတ်များက နိုင်ငံတော်ဩဝါဒါစရိယ၊ အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ် များ၏အဓိပတိ ကျေးဇူးတော်ရှင် သီတဂူဆရာတော်ကြီးထံမှ ငါးပါးသီလခံယူ ဆောက်တည်ကြသည်။

Изображение

Пост от 01.04.2026 08:54

231

0

အွန်လိုင်းလိမ်လည်မှု (Telecom Fraud)နှင့် ဒုစရိုက်မှုလုပ်ငန်းများတွင် ဆက်စပ်ပါ ဝင်ခဲ့ကြသည့် ပြည်ပနိုင်ငံသားသုံးဦးအား သက်ဆိုင်ရာနိုင်ငံများသို့ထပ်မံ လွှဲပြောင်းပေး အပ်နိုင်ခဲ့ပြီး အိန္ဒိယနိုင်ငံသားတစ်ဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့
နေပြည်တော် မတ် ၃၁
ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံ အတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီ-ရွှေကုက္ကိုလ်နယ်မြေတွင် တရားမဝင် အွန်လိုင်းလောင်းကစားမှုများ၊ အွန်လိုင်း လိမ်လည်မှုများ၊ ဒုစရိုက်မှုများ ကျူးလွန်ခဲ့ကြသည့် ဖိလစ်ပိုင်နိုင်ငံသား နှစ်ဦးနှင့် ဘင်္ဂ လားဒေ့ရှ်နိုင်ငံသား တစ်ဦး၊ စုစုပေါင်း ပြည်ပနိုင်ငံသားသုံးဦးတို့အား ယနေ့တွင် မြန်မာ-ထိုင်း အမှတ်(၂)ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများသို့ လူသားချင်း စာနာ ထောက်ထားမှုနှင့်နိုင်ငံအချင်းချင်းချစ်ကြည်ရင်းနှီးမှု တို့ကိုရှေးရှု၍ ဥပဒေလုပ်ထုံး လုပ်နည်းများနှင့်အညီ ပြည်နှင်လွှဲပြောင်းပေးအပ်ခဲ့ပြီး အိန္ဒိယနိုင်ငံသားတစ်ဦးကို ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေးစစ်ဆေးနိုင်ခဲ့သည်။
ထိုသို့ ပြည်နှင်လွှဲပြောင်းပေးအပ်ရာတွင် မြဝတီခရိုင် စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ခရိုင်ဦးစီးမှူးနှင့် တာဝန်ရှိသူများ၊ ထိုင်းနိုင်ငံဆိုင်ရာ ဘင်္ဂလားဒေ့ရှ်နိုင်ငံသံရုံးမှ အုပ်ချုပ်မှုအရာရှိနှင့် တာဝန်ရှိသူများ၊ ထိုင်းနိုင်ငံဆိုင်ရာ ဖိလစ်ပိုင်နိုင်ငံသံရုံးမှ တာဝန်ရှိသူများ၊ ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေး ဦးစီးဌာနမှတာဝန်ရှိသူများတက်ရောက်ခဲ့ကြပြီး မြန်မာ နိုင်ငံမှ တာဝန်ရှိသူတို့က သက်ဆိုင်ရာနိုင်ငံများမှ တာဝန်ရှိသူများထံသို့ ပြည်နှင်လွှဲပြောင်း လက်ခံရေးဆိုင်ရာ အထောက်အထား စာရွက်စာတမ်းများကို စနစ်တကျ လွှဲပြောင်း ပေးအပ်သည်။
ထို့အတူ ကရင်ပြည်နယ်၊ မြဝတီမြို့အနီးတွင် တရားမဝင် လမ်းကြောင်းမှ တစ်ဆင့် ဝင်ရောက်နေခဲ့သည့် အိန္ဒိယနိုင်ငံသားတစ်ဦးထပ်မံဖော်ထုတ်ထိန်းသိမ်းနိုင်ခဲ့ပြီး ပြည်နှင် နိုင်ရေးစစ်ဆေးနိုင်ခဲ့သည်။
၂၀၂၅ ခုနှစ်၊ ဇန်နဝါရီလ ၃၀ ရက်မှ ၂၀၂၆ ခုနှစ်၊ မတ်လ ၃၁ ရက်အထိ မြဝတီမြို့နယ် အတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၁၄၆၁၇ ဦး ထိန်းသိမ်းနိုင်ခဲ့ကြောင်းနှင့် ယင်းနိုင်ငံသားအားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၃၄၀၄ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေ လုပ်ထုံး လုပ်နည်း များနှင့်အညီ စနစ်တကျ ပြည်နှင်လွှဲပြောင်းပေးခဲ့ပါသည်။

👍 2

Пост от 01.04.2026 08:54

233

0

အွန်လိုင်းလိမ်လည်မှု (Telecom Fraud)နှင့် ဒုစရိုက်မှုလုပ်ငန်းများတွင် ဆက်စပ်ပါ ဝင်ခဲ့ကြသည့် ပြည်ပနိုင်ငံသားသုံးဦးအား သက်ဆိုင်ရာနိုင်ငံများသို့ထပ်မံ လွှဲပြောင်းပေး အပ်နိုင်ခဲ့ပြီး အိန္ဒိယနိုင်ငံသားတစ်ဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့

Изображение

👍 2

Пост от 01.04.2026 08:51

245

0

၂နှစ်ကြာ ပိတ်ထားရသည့် မြဝတီ-ကော့ကရိတ် အာရှလမ်း ပြန်ဖွင့်မည်

ထိုင်း-မြန်မာနယ်စပ် ကုန်သွယ်ရေးလမ်းကြောင်း၏ အဓိကအရေးပါဆုံးဖြစ်သည့် မြဝတီ-ကော့ကရိတ် အာရှလမ်းမကြီးကို မနက်ဖြန် (ဧပြီ ၂) တွင် ပြန်လည်ဖွင့်လှစ်မည် ဖြစ်ကြောင်း သိရသည်။

“ညှိနေကြတာ ကြာပြီ၊ လမ်းပြန်ဖွင့်ဖို့ကို၊ ဝမ်းသာပါတယ်၊ ဒီသတင်းကြားရတာ” ဟု ယင်းလမ်းကို အသုံးပြုခဲ့ဖူးသည့် ကုန်သည်တစ်ဦးက ပေါ်ပြူလာကို ပြောသည်။

မနက်ဖြန်၌ လမ်းဖွင့်ပွဲ ပြန်လည်ပြုလုပ်မည်ဖြစ်ပြီး သက်ဆိုင်သည့် ပြည်နယ်အာဏာပိုင်များက ဖွင့်လှစ်ပေးမည်ဟုလည်း ကနဦးရရှိသောသတင်းများအရ သိထားရသည်။

မြဝတီ-ကော့ကရိတ်အာရှလမ်းမကြီးကို ၂၀၂၃ ဒီဇင်ဘာ ၁ ရက်နေ့၌ နှစ်ဖက် တိုက်ပွဲများကြောင့် အသုံးပြုခြင်းကို ပိတ်ထားခဲ့ရခြင်း ဖြစ်သည်။

Изображение

👍 2

Пост от 01.04.2026 06:43

328

0

Aya ခွေးဘဏ်က ၂၄ နာရီ ဝန်ဆောင်မှုဆိုပြီ အခုလို ပြသာနာတက်နေ သူပြောတဲ့ ဝန်ဆောင်မှုတွေ လုံးဝမရ

ရခစ

Изображение

😁 5

❤ 1

Телеграм канал «ပုလဲမြေ»

Настройки интерфейса