بكُل مره لازم اكون بيها فرحانه، يكون نصيبي الدموع غالباً الفرح ما مكتوب الي ؏َ العموم فرحتي وحدي تكفيني مو محتاجه احد ثاني، بَس ؏َ الاقل مو محتاجه دموع تخرب فرحتي .

أحاول ويا نفسي ؏َ اشياء اني متعوده اسويها، بَس ببساطة اني متغيره وكُلشي متغير أقل تفاصيلي متغيره، حتى الأكل اللي جنت احبه صايره ماحبه، والاشياء اللي جنت احبها صرت ماحبها بكُل بساطة، أحاول ارجع ذكرياتي ويا شي جنت احبه بَس مااحس بمَشاعر تجاه شي، اكثر شي احبه هسه صرت اشوفه مُجرد شي عادي، شنو اللي اختلف؟ ليش ببساطة اني تغيرت تجاه كُلشي! وأولاً تجاه نفسي، هو الانسان يتغير ويا الايام؟ صرت متعوده اخلص يومي وحَدي أو ويا اهلي، غالباً اني هيج بَس هالفتره اكثر مِن كُل مره .