◼️‌‌‌ရန်ကုန်၊ ရဲတပ်ရင်း ၈ မှ ရဲတပ်သား တီးတိန်မှာတာဝန်ကျစဉ် အထက်အရာရှိက သတ်ပစ်မယ်ခြိမ်းခြောက်လို့ အလင်းဝင် ၁၀ နိုဝင်ဘာ ||| နွေဦးအသံ ||| ချင်းပြည်နယ်၊ တီးတိန်မြို့နယ်မှာ PDF Zoland ထံသို့ အကြမ်းဖက်စစ်တပ် လက်အောက်ခံ ရဲတပ်ရင်း ၈ မှ ရဲတပ်သားတဦးက ခဲယမ်းအချို့ကို ယူဆောင်ပြီး နိုဝင်ဘာ ၉ ရက်မှာ အလင်းဝင်ရောက်ခဲ့တယ်လို့ အဆိုပါတပ်ဖွဲ့ရဲ့ ထုတ်ပြန်ချက်အရ သိရပါတယ်။ ရန်ကုန်၊ မင်္ဂလာဒုံမြို့နယ်၊ ရဲတပ်ရင်း ၈ မှ ရဲတပ်သား အောင်ဇော်မိုးက ကနေဒီတောင်ရှိ စစ်တပ်စခန်းမှာ တာဝန်ကျနေစဉ် လက်နက်မပါဘဲ MA သေနတ်ကျည် ၁၃ တောင့်ကို ယူဆောင်လာပြီး အလင်းဝင်ရောက်ခဲ့ကြောင်း PDF Zoland နဲ့ ဒေသသတင်းရင်းမြစ်တွေက ဖော်ပြထားတာပါ။ အဆိုပါရဲတပ်သားဟာ အဓမ္မစစ်မှုထမ်းဖမ်းဆီးခံခဲ့ရပြီးနောက် ရှေ့တန်းမလိုက်ရဖို့အတွက် စစ်ကောင်စီရဲတပ်ဖွဲ့ထံသို့ ဝင်ရောက်ခဲ့သူဖြစ်သလို အရက်သောက်ပြီး ခိုက်ရန်ဖြစ်ပွားရာမှာ အထက်အရာရှိက သတ်ပစ်မယ်လို့ ခြိမ်းခြောက်လာတာကြောင့် ထွက်ပြေးလာတာဖြစ်တယ်လို့ အသိပေးထားတာ တွေ့ရပါတယ်။ Photo | PDF Zoland ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌‌ခန္တီးခရိုင်၊ ဟုမ္မလင်းမြို့နယ်မှာ ပကဖ ရဲဘော်သစ် ၂၀၀ ကျော်တက်ရောက်ခဲ့တဲ့ အခြေခံ စစ်သင်တန်း ပြီးစီး ၁၀ နိုဝင်ဘာ ||| နွေဦးအသံ ||| စစ်ကိုင်းဒေသ၊ ခန္တီးခရိုင်အတွင်း ပြည်သူ့ကာကွယ်ရေးအဖွဲ့ (ပကဖ) ရဲဘော်သစ် ၂၀၀ ‌ကျော် တက်ရောက်ခဲ့ကြတဲ့ အခြေခံစစ်ပညာသင်တန်း အပတ်စဉ် ၁/၂၀၂၆ သင်တန်းဆင်းပွဲ အခမ်းအနားကို နိုဝင်ဘာ ၁၀ ရက်မှာ ကျင်းပပြုလုပ်ခဲ့တယ်လို့ ဟုမ္မလင်းမြို့နယ် (ပကဖ) ရဲ့ ထုတ်ပြန်ချက်အရ သိရပါတယ်။ သင်တန်းကို ဟုမ္မလင်းမြို့နယ် တိုက်နယ် ၁၊ ၂၊ ၃၊ ၄၊ ၅ ပကဖ တိုက်ခိုက်ရေး ရဲဘော်တွေ၊ ရပ်ကျေး ပကဖ တာဝန်ခံနဲ့ ပကဖ ရဲဘော်တွေ၊ မြို့နယ် ပကဖ ရဲဘော်တွေ၊ ခန္တီးခရိုင် ပကဖ ရဲဘော်တွေ စုစုပေါင်း ၂၁၅ ဦး တက်ရောက် သင်တန်းဆင်းခဲ့တယ်လို့ ဖော်ပြထားပါတယ်။ အဆိုပါ အခြေခံစစ်ပညာသင်တန်းမှာ ထူးချွန်တဲ့ သင်တန်းသားတွေကိုလည်း သင်တန်းဆင်းပွဲမှာ ဂုဏ်ပြုဆုတွေ ချီးမြှင့်ပေးအပ်ခဲ့တယ်လို့ ဟုမ္မလင်းမြို့နယ် ပြည်သူ့ကာကွယ်ရေးအဖွဲ့ (ပကဖ) က အသိပေးထားတာ တွေ့ရပါတယ်။ Photo | ဟုမ္မလင်းမြို့နယ် ပကဖ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။