Телеграм канал «💎 ViPBuilder»

🚀 Kutish tugadi: ViBot’ning yangi "Kunlik to'lov" tizimi sinovdan o'tmoqda!

Biz foydalanuvchilarimizning takliflarini inobatga olib, botlarni boshqarish tizimini butunlay yangiladik. Eng katta o'zgarishlardan biri — biz "Tarif" tushunchasidan butunlay voz kechdik! Nega deysizmi?

⚙️ Nega "Tarif" emas, aynan "PRO rejim"?
Rostini aytsak, tizimdagi bu erkinlikni qanday nomlash ustida ancha bosh qotirdik. "Tarif", "VIP" yoki "ELITE" deylik desak... bu so'zlar allaqachon eskirgan va odamga qandaydir majburiyat yoki tugab qoladigan limitlarni eslatardi. Biz esa botingiz quvvatini qandaydir chalkash nomlarga qamab qo'yishni istamadik.
Endi botingiz yo oddiy test rejimida, yoki barcha imkoniyatlari ochilgan maksimal quvvatda ishlaydi. Shuning uchun hamma uchun eng sodda va tushunarli bo'lgan "PRO rejim" nomida to'xtaldik!
(Eslatma: Barcha eski VIP va ELITE botlaringiz avtomatik tarzda eng yuqori PRO rejimga o'tkazildi! Hech narsa yo'qotmaysiz).

🔄 Faqat ishlagan kuniga to'laysiz (Atigi 1 kunga ham yoqish mumkin!)
Endi botni ishlatish uchun birdaniga 1 oylik katta to'lov qilib, pulingizni "muzlatib" qo'yish shart emas. Botingizni atigi 1 kunga ham PRO rejimida sinab ko'rishingiz mumkin. Kerak payti yoqasiz, kerakmas payti bitta tugma bilan "To'xtatish" qilasiz — server xarajati faqat yoniq bo'lgan kunlar uchungina balansingizdan arzongina bo'lib yechiladi.

⏸️ To'xtatsangiz, pulingiz kuymaydi
Agar to'lovni to'xtatsangiz, xavotir olmang! Oldindan to'lab qo'yilgan kuningiz oxirigacha botingiz maksimal quvvatda ishlayveradi. Muddat tugagach esa avtomatik sekin (bepul) rejimga tushadi, balansingizdan ortiqcha pul yechilmaydi.

🗓 30 kunlik paket (Katta botlar uchun chegirma)
Agar botingiz tinimsiz, minglab odamlarga xizmat qilsa va siz har kunlik yechimlar haqida o'ylashni xohlamasangiz, arzonlashtirilgan 30 kunlik paketni xarid qilishingiz mumkin. Bu alohida kunlik to'lashdan ko'ra ancha yoningizga qoladi.

🛠 Fikringiz biz uchun muhim!
Tizim hozirda sinov (beta) rejimida ishlamoqda. Barcha yangiliklarni ko'rish uchun bot sozlamalariga kiring va "⚡️ Quvvat / Limitlar" bo'limini tekshirib ko'ring!

Ortiqcha atamalardan xoli bo'lgan yangi tizim sizga ma'qul keldimi? Fikr-mulohazalaringiz va savollaringizni pastda izohlarda qoldiring 👇

📢 ViBot v8.0: Yangi bosqich — Barqarorlik va Adolatli tizim sari!
Assalomu alaykum, hurmatli ViBot foydalanuvchilari!

Har bir texnologik loyiha rivojlanish jarayonida o‘z modelini qayta ko‘rib chiqadi. Biz ham ViBot platformasini yanada barqaror, tezkor va professional darajaga olib chiqish uchun tizimli islohotlarni boshladik.

🛠 Asosiy o‘zgarishlar va yangilanishlar:
1. Tariflar unifikatsiyasi: VIP + ELITE birlashuvi 💎
Biz ortiqcha murakkablikdan voz kechamiz. Endi VIP va ELITE imkoniyatlari bitta kuchli paketga birlashadi. Bu sizga barcha professional funksiyalardan bitta qulay paket doirasida foydalanish imkonini beradi.

2. Limitlar haqida ochiq gaplashamiz 📈
Shuni ta’kidlashimiz kerakki, texnik resurslar cheksiz emas. Shuning uchun "mutloq cheksiz" limitlar avval ham bo‘lmagan va kelajakda ham bo‘lmaydi. Biroq, yangi tizimda bazaviy limitlar sezilarli darajada kengaytiriladi.
* Eslatma: Juda yirik, "korporativ" darajadagi botlar uchun alohida, maxsus resurslarni kuchaytirish imkoniyati yaratiladi.

3. Kunlik hisob-kitob (Daily Billing) 💸
Endi birdaniga bir oylik katta to‘lovni amalga oshirish shart emas. Tizim balansingizdan faqat botingiz aktiv bo‘lgan kunlar uchun kichik miqdorda yechib olish modeliga o‘tadi. Bu sizga xarajatlarni 100% nazorat qilish imkonini beradi.

🤝 Eski ELITE foydalanuvchilarimizga alohida e’tibor
Biz uchun har bir mijozning ishonchi qadrli. Eski modelda ELITE tarifini sotib olganlar bilan alohida ishlaymiz:

— Mavjud ELITE muddatlari saqlab qolinadi yoki yangi tizimga o‘tishda hisob-kitob qilinib, VIP narxidan oshiqcha summa foydalanuvchi balansiga (hamyoniga) qaytariladi. Hech kim zarar ko‘rmaydi!

🙏 Uzr va tushunish
Hozirgi arzon narxlarga o‘rganib qolgan va yangi tizim biroz qimmatroq tuyulishi mumkin bo‘lgan foydalanuvchilarimizdan uzr so‘raymiz. Biz startapmiz va tizim yashashi, serverlar barqaror ishlashi uchun narxlarni bozor va resurs talablariga moslashga majburmiz. Bu — sifatli xizmat ko‘rsatishning yagona yo‘li.

🔥 Tez kunda:
— 💰 Referral & Earn (Pul Bot): Takliflar tizimi va mablag‘ yechish imkoniyati bilan.
— 🎥 AnimeBot Update: To‘liq yangilangan va tezkor talqin.

ViBot v8.0 — bu sifat, shaffoflik va uzoq muddatli hamkorlik demakdir.

💬 Savollaringiz bo‘lsa, izohlarda qoldiring. Biz har bir foydalanuvchi bilan muloqotga tayyormiz!

#ViBot #Update #Startup #Transparency #TelegramBot

📢 Telegram'dagi yangi "Managed Bots" funksiyasi haqida

Kecha Telegram'da bot yaratishning yangi va oson yo'li paydo bo'ldi — endi @BotFather'ga bormasdan ham bot ochish mumkin. Biz ushbu funksiyani ViBOT tizimiga integratsiya qilishni rejalashtirgan edik, biroq test jarayonlaridan so'ng hozircha rad etishga qaror qildik.

Nima uchun? (Asosiy sabablar):

1. Majburiy Brending: Ushbu usulda ochilgan har qanday botning "Info" (ma'lumot) qismida "@phpBuilderBot orqali ochilgan va boshqariladi" yozuvi doimiy ko'rinib turadi. Bu esa professional loyihalar va pullik tariflarimiz uchun mos emas.

2. Cheklangan Boshqaruv: @BotFather orqali olingan tokenlar bot ustidan 100% nazorat beradi. Yangi usulda esa ba'zi muhim sozlamalar (masalan, to'liq o'chirish yoki transfer qilish) cheklangan bo'lishi mumkin.

3. Maxfiylik: Biz har bir foydalanuvchining boti mustaqil va o'z brendiga ega bo'lishini xohlaymiz.

Xulosa:
ViBOT foydalanuvchilari uchun eng xavfsiz va professional yo'l baribir @BotFather orqali token olish bo'lib qoladi. Biz interfeysni soddalashtirishda davom etamiz, lekin sifat va brending masalasida murosaga bormaymiz.

🚀 O'z botingizni hoziroq professionallar kabi yarating: @appvibot
———
UPD: 😐 Adashibmiz, bot infosidagi reklama faqat adminda ko'rinar ekan! Shu sababli ushbu qulaylikni qo'shish masalasini qayta ko'rib chiqamiz — yangiliklarni bir necha haftadan keyin kuting. 😉🚀

🚀 ViBOT: Yangi nom — cheksiz imkoniyatlar!

Aziz foydalanuvchilar va hamkorlar!

Loyiha boshlanganidan buyon bizning maqsadimiz — Telegram botlar yaratishni hamma uchun oson va professional darajaga olib chiqish edi. Yillar davomida biz o'sdik va @phpBuilderBot nomi bizning bugungi keng ko'lamli imkoniyatlarimiz uchun biroz "torlik" qila boshladi.

Ushbu o'zgarishga biz uzoq vaqt tayyorgarlik ko'rdik. E'tibor bergan bo'lsangiz, hatto CLICK to'lov tizimidagi integratsiyamiz ham ancha avval ViBOT nomi bilan rasmiylashtirilgan edi. Bu bizning brendimizni yangilash yo'lidagi puxta o'ylangan qadamlarimizdan biri edi.

Biz endi shunchaki "PHP Builder" emasmiz. ViBOT — bu Finlandiya va Niderlandiyadagi zamonaviy server infratuzilmasida ishlovchi, Node.js, PHP 8.3, Golang va Python kabi kuchli texnologiyalarni o'zida mujassam etgan, yuqori yuklamalarga chidamli yirik SaaS ekotizimidir.

Shu munosabat bilan:
✅ Asosiy botimiz @appvibot manziliga ko'chdi.
✅ Barcha balansingiz, ochilgan botlaringiz va ma'lumotlaringiz yangi botga avtomatik tarzda integratsiya qilindi.
✅ Kelgusidagi barcha yangilanishlar va yangi shablonlar faqat @appvibot orqali taqdim etiladi.

🌐 Bizning rasmiy landing sahifamiz: vibot.uz

Eski bot hozircha ishlab turibdi, lekin qulaylik va yangiliklar uchun hoziroq yangi manzilga o'tib olishingizni tavsiya qilamiz.

👉 Boshqaruvni davom ettirish: @appvibot

🆙 AnimeBot shablonida yangilanishlar boshlandi
Yuqoridagi bayram tabrigimizga qo'shimcha ravishda shuni ma'lum qilamizki, platformamizdagi AnimeBot shablonini texnik jihatdan yangilash ishlarini boshladik.

Bu jarayon shablonning umumiy ishlash sifatini oshirish va kelajakdagi yangi imkoniyatlar uchun poydevor bo'lib xizmat qiladi.

⚠️ Nimalarga e'tibor berish kerak?
— Yangilanish ishlari davomida shablon faoliyatida qisqa muddatli uzilishlar kuzatilishi mumkin.
— Ushbu o'zgarishlar yakunlangach, bosqichma-bosqich boshqa shablonlarimizni ham yangilab boramiz.

Keltirilgan vaqtinchalik noqulayliklar uchun uzr so'raymiz. Biz bilan qolganingiz uchun rahmat!

@phpBuilderBot

🌙 Hayit ayyomingiz muborak bo'lsin!
Aziz foydalanuvchilar, barchangizni ulug' Ramazon hayiti hamda Navro'z bayrami bilan samimiy muborakbod etamiz. Ushbu qutlug' kunlarda xonadoningizga tinchlik va baraka tilaymiz.

Bayram munosabati bilan botimizda maxsus aksiya e'lon qilinadi:

📅 20, 21 va 22-mart kunlari amalga oshirilgan barcha to'lovlar uchun 50% miqdorida bonus qo'shib beriladi. To'lov amalga oshirilishi bilan qo'shimcha mablag' avtomatik tarzda balansingizga taqdim etiladi.

Fursatdan foydalanib, xizmatlardan yanada manfaatli shartlarda foydalanishga shoshiling. Bayramona kayfiyat hamrohingiz bo'lsin!

👉 Botga o'tish: @phpBuilderBot