Телеграм канал «Вясна / Правы чалавека ў Беларусі»

Гомельская пракуратура дабілася прызнання «экстрэмісцкімі» некалькіх песень У паведамленні ведамства гаворыцца, што мастацтва «па вызначэнні павінна быць па-за палітыкай», аднак «асобы, якія ажыццяўляюць экстрэмісцкую дзейнасць, ажыццяўляюць спробы маніпуляцыі грамадскай думкай у мэтах дэстабілізацыі сітуацыі». Адным з такіх спосабаў, на думку пракурораў, з'яўляецца «сачыненне і распаўсюд музычных кампазіцый адпаведнай тэматыкі, якія наўпрост ці ўскосна распаўсюджваюць экстрэмісцкія ідэі сярод людзей». Пракуроры выявілі «дзве песні расійскага выканаўцы, якія змяшчаюць у сабе абразы прэзідэнта Рэспублікі Беларусь, загадзя ілжывыя звесткі аб сацыяльнай і палітычнай сітуацыі ў дзяржаве, заклікі да гвалтоўнай змены канстытуцыйнага ладу ў краіне». Яны былі напісаны ў 2020 годзе. Іх назвы не пазначаны.

У «экстрэмісцкі» спіс дадалі Instagram-старонкі салідарнасці з Марфай Рабковай Гаворка пра старонкі «freemarfa» і «free_marfa». Адпаведнае рашэнне было прынятае судом Маладзечнанскага раёну 6 жніўня. Нагадаем, каардынатарка Валанцёрскай службы «Вясны» была затрымана 17 верасня 2020 года і з таго часу знаходзіцца за кратамі.

Чарговае папаўненне «Спіса экстрэмісцкіх матэрыялаў» У яго трапілі: 📍Telegram-каналы і чаты «MTN DEW», «Uмлаўт», «МАЛОРИТА | NEWS»; 📍Старонкі ў Instagram «freemarfa», «free_marfa», «annajay.bу», «amialeshka», «freedomwomenbel», «listy.warszawa», «belpride.wro», «lenatrizno», «belfilmacademy», «studfreedombelarus», «hanna_slip_», «cascade, forever», «Karalina Tsiarentsyeva», «ihar.sluchak»; 📍Старонкі ва «Укантакце» «Медиа Полесье», «Каролина Терентьева»; 📍Старонкі ў «Аднакласніках» «Татьяна Сидорович», «игорь маньковский», «Сергей Гавриленко», «Берёза и Белоозёрск», «АНТИМАИДАН и нас миллионы», «Александр В», «Za Novuiu Belarus!»; 📍TikTok-старонкі «Еурарадыё.Лайт», «BIELARUSKI SAL», «Андрiй Миколайович».

78-гадовая актывістка Ніна Багінская падала заяву ў міліцыю Першамайскага раёну Мінску аб тым, што ў будынку РУУС у яе ўпотай забралі гадзіннік, паведамляюць крыніцы @belsat. Інцыдэнт здарыўся ўчора, 18 жніўня. У РУУС было шмат людзей, якія адбылі пакаранне ці знаходзяцца на "хатняй хіміі" па палітычных справах і прыйшлі, каб адзначыцца ў журнале нагляду. Па словах суразмоўцы «Белсату», Ніну Багінскую даставілі ва ўпраўленне супрацоўнікі міліцыі на машыне і адвялі на трэці паверх. Праз нейкі час актывістка спачатку выйшла з міліцыі, а потым туды вярнулася і паведаміла, што з кішэні курткі знік яе гадзіннік. Ёй удалося прайсці ў той кабінет, дзе з ёй гутарыў чалавек у цывільным. Ён сказаў жанчыне, што гадзіннік не верне, бо яго адправяць на экспертызу. Выдаць Багінскай які-небудзь дакумент ці хаця б распіску аб тым, што ён забраў гадзіннік, адмовіўся.

📍Палітвязня Вадзіма Гулевіча збіраюцца пераводзіць на турэмны рэжым Фігуранта справы «Атрадаў грамадзянскай самаабароны Беларусі» ўтрымліваюць у зняволенні ўжо больш за чатыры гады. Мужчыну асудзілі да 18 гадоў пазбаўлення волі. Палітвязня неаднаразова змяшчалі ў ШІЗА, а цяпер утрымліваюць у памяшканні камернага тыпу (ПКТ). Па інфармацыі "Вясны", Вадзіму хочуць узмацніць пакаранне і ў хуткім часе перавесці ў магілёўскую турму № 4. Падрабязнасці 👉 https://spring96.org/be/news/118501

🗣Катаванні і дыскрымінацыя жанчын у Беларусі: "Прававая ініцыятыва" звярнулася ў CEDAW з патрабаваннем пачаць расследаванне Беларуская праваабарончая арганізацыя "Прававая ініцыятыва" пры падтрымцы Праваабарончага цэнтра "Вясна", Беларускага Хельсінкскага Камітэта, Respect-Protect-Fulfill, Human Constanta, Беларускага ПЭНа заклікае Камітэт ААН па ліквідацыі дыскрымінацыі ў дачыненні да жанчын (CEDAW) распачаць міжнароднае расследаванне сістэмных катаванняў і дыскрымінацыі жанчын у беларускіх турмах. У 2009 і 2020 гадах CEDAW ужо прызнавала рэжым вінаватым у парушэннях правоў жанчын у зняволенні, аднак сітуацыя толькі пагоршылася. ✊Нам важная максімальная агалоска! Калі вы прадстаўнік_ніца НКО, эксперт_ка ў галіне правоў чалавека або палітык_еса — падтрымайце наш зварот, падпісаўшы адкрытую форму, а таксама падзяліўшыся гэтым пастом. Поўны тэкст звароту і спасылку на форму вы можаце знайсці 👉 https://spring96.org/be/news/118497 #JusticeForBelarusWomen

🇪🇺Дзве дэпутаткі нямецкага бундэстага і два чальцы Еўрапейскага парламента сталі "хроснымі" палітвязняў у Беларусі У рамках кампаніі #WeStandBYyou Катрын Уліг і Ціна Вінклман (абедзве з партыі "Саюз 90/Зялёныя", Германія), Ційс Ройтэн (Еўрапейскі парламент, "Зялёныя левыя — Партыя працы", Нідэрланды) і Габрыэле Бішоф (Еўрапейскі парламент, "Сацыял-дэмакратычная партыя Германіі") сталі "хроснымі" Дзмітрыя Кубарава, Ірыны Суржык, Ірыны Такарчук і Людмілы Шчамялёвай. "Як прадстаўніца Еўрапейскага парламента, я прыхільная дэмакратыі, правам чалавека і вяршэнства закона — не толькі ў Еўрапейскім Саюзе, але і ўсюды, дзе гэтыя прынцыпы знаходзяцца пад пагрозай". Чытаць па спасылцы 👉 https://spring96.org/be/news/118496 ✊#WeStandBYyou. Распавядаем, хто такія «хросныя» палітвязняў і чым яны займаюцца