Har safar yomg'ir yog'ganda meni eslashingni xohlayman, chunki men yomg'irni sen o‘ylaganingdan ham ko‘proq yaxshi ko'raman 🌚🌧

​​Menga nimadir yoz. Hamon tirikman va yashab yuribman bir ilinj bilan. Kunlarimni asrab o'taman bilsang Sen jilmayib turgan xotiralardan. Bebaxt lahzalarning kechishi mushkul Intiho izlayman kun-u oy osha. Balki baxtning umri qisqaroq edi Men yetmagan manzil — peshonanggacha. O, kimning ko'zida ko'rindim bekam, Yashash osonmidi ich-etimni yeb?! Yaxshiman, deb o'zni aldashim uchun Menga nimadir yoz omonmisan, deb. Hilola Jo'raqulova

Bugun ko'rishaylik, yomg'irni qara, Suvga bo'kkan mushukdek shahar. Osmon yaylovlari bulutga qaram, Ko'ngil tashrifinga yo'q dema faqat. Bugun ko'rishaylik, xiyobonni qo'y, Soyabon ko'tarib yurish ham mahol. Yo'qsin peshonamga g'aribgina uy, Unga ikki olam sig'ar bemalol. Hislar chiqsin mayli quyishqonidan, Xo'mray taqiqlarga yelib kel, gulim. Sen qahva ichasan oyna yonida, Men unsiz chekaman senga termulib. Bugun ko'rishaylik, ikkilanma hech, Urunma boshqa kun fursat topishga. Piyoda yo'lga tush, avtolar sotqin, Nozik badaninga chippa yopishgan, Jiqqa ho'l libosda ko'zimga botgin, Dovdirab eshikka suyanib qolay. Yomg'irda ivigan qora sochlaring Uchidan chakillab tomgancha sharbat, Dildirab uyga kir dod iforingdan, Shilq etib yiqilay sarhush-u sarmast. Kel! Kel, hozir ko'ksimning ichi to'la ganch, Yor uni, yor uni yorug' nurdanam. Kechikma, befoyda yomg'ir to'xtagach, Aylanib qolaman sovuq murdaga. Bugun ko'rishaylik, yomg'irni qara. Jontemir Jondor