Телеграм канал «UZQUIZ»

🏆 Бугун — 🔠🔠🔠🔠🔠🔠 2025-йил «Қизил мавсум»нинг финали! Ушбу видео — ўтган йиллардаги чемпион жамоалардан тузилган ролик. Уни томоша қилиб, бугунги финал ҳам UZQUIZ тарихида яна бир қизил ҳарфлар билан ёзиладиган саҳифа бўлишига ишонамиз. «Қизил мавсум»нинг барча финалчиларига омад тилаймиз! Келинг, бугун ҳам UZQUIZ тарихини бирга ёзамиз! ❤️

Фаррух Рафиқов ўз фикрини бошқаларни эшитмасданоқ ўзи тасдиқлаш бўйича ҳатто ҳокимлардан ҳам ўтиб кетади. Ёки бирорта ҳокимни «Умумий мавзуда очамизми?» деб савол сўраб, сония ўтмасданоқ «Ҳа, майли, очмаймиз», деб ўзи жавоб берганини кўрганмисиз? Низомиддин ака нари борса 15 ёки 20 та жамоа капитанини танийди. Лекин квизга ҳомийлик эҳтимолини билдирган 43 та фирманинг 43 та маркетологини рақамигача ёддан билади. Абдуллажон Югай ўзбек тилини ўрганяпти. Бу ишдан унинг бош мақсади — Фаррух Рафиқов ҳар гал ўйинда “прожарка” айтиб таништирганида, Югай бошловчига қараб соф ўзбек тилида “Кулгилимас” деб айтмоқчи. Агар Низомиддин ака ҳақида теленовелла олинса, у “Шу стулни буларга бериб туринг, ўйинчингиз келгунича бошқа келтириб берамиз деб қорасини кўрсатмай кетган ташкилотчи” деб номланган бўларди. Фаррух Рафиқовга аппеляцияда фақат битта ҳарфга бехосдан адашиб кетилганини тушунтирмоқчи бўлсангиз, уни Заррух Рафиқов эканлигига ишонтиролишингиз керак. Низомиддин ака машинасини UzQuiz иштирокчилари кўрмаслиги учун узоқроқ жойда парковка қилади. Ўтган ўйинда шунчалик узоққа кетдики, машинасини Маззанинг парковкасига қўйиб келибди. Фаррух Рафиқов UzQuizда энг кўп такрорлайдиган гаплари рейтинги: 1. UzQuizнинг навбатдаги ўйинига хуш келибсиз. 2. Низомиддин сизларни кутяпти. 3. Агуэронинг берган ваъдаси нима бўлди? Мабодо Низомиддин ака ҳақида маълумот керак бўлиб, Google’га Низомиддин Ниғмонов деб қидирув берсангиз, Google сизга: “Бугун Низомиддин йўқ эдилар, Жамшид бор” деб чиқариб беради.

InterQuiz Ие, шунақа ҳам жамоа бор экан. Сал қолса унутиб юборишимиз мумкин эди. InterQuiz жамоасидан яхши рақобатли ўйин кутишимиз учун Uzquiz да MilanQuiz деган жамоа ташкил этишга тўғри келади, шекилли. Бу жамоа агар кино бўлганида, IMDB’даги рейтингига ҳавас қилиб бўлмас эди. InterQuiz жамоаси ҳақида маълумотлар шунчалик камки, бу жамоа ҳар ўйинда якка тартибда рўйхатдан ўтадиган билимдонлардан ташкил топган бўлса керак. InterQuiz’ни давлат университетларига ўхшатсак — рейтинги етмайди, хусусий университетга ўхшатсак — пули.

👑Бугун Котта болла жамоаси аъзоси Аьлохоннинг туғилган кунлари. Табриклаймиз! Барча эзгу ниятларингиз рўёбга чиқсин!🎉🎁

Котта болла классик ўйиндан кейин ҳеч қачон гуруҳга натижаларни ташланглар дейишмайди, сабаби жадвал расмида барибир 20-ўриндан пасти кўринмайди. Мавзули квизларда улар кучли, футболда уларга етадигани йўқ, ҳатто классикада ҳам улар ҳар гал нимадир олиб кетади: ҳасад тўла нигоҳлар, нафрат, ичида сўкинишлар... Қизиқ факт: Котта Болла жамоаси Эркаклар (яхшиликка етаклар) жамоасини тарк этган ўйинчилар томонидан тузилган. Эркаклидан болаликка бир қадам. Котта Болла асосан битта сулола вакиллари ва қариндошлардан, плюс 3–4 та қўзивойдан иборат. Қўзивойларнинг биттаси малла соч Михаил — уруш туфайли биз томонларга келиб қолган, а ля «Сен етим эмассан». Жамоа охирги футбол квизида ўзига жуда ҳам қийин челленж қабул қилган ҳолда ҳам чемпион бўлиб кетди. Яъни Бoситхонга бу жамоада ўйнашга рухсат беришди. Қойил қолиш керак. Котта Болла классик ўйинларни совринга қора «Жентра» қўйилсагина ютишаркан — демак, ҳеч қачон юта олишмайди.

Lui de Finance жамоаси банкирлардан иборат жамоа. Жамоада иқтисодий-молиявий муаммолар кўзга ташланмайди. Интеллектуал ёрдамга эса муҳтож, бун и яширишга ҳаракат қилишади. Лекин умумий жадвал бунга рози эмас. Бу банкирлар жамоаси пул билан боғлиқ масалаларни шунчалик яхши кўришадики, танаффус пайтида квиз жамоаларини санаб, ташкилотчиларга тахминан қанча сумма йиғилишини ҳисоб-китоб қилиб ўтиришади. Жамоа номидан тушуниш мумкиндирки, улар молиявий ҳисоб-китобларни ва француз киносини ёқтиришади. Бундан хулоса: уларнинг энг севимли фильми — «1+1». Финални 25 да эмас, 23 да қилишимиздан энг кўп қувонган жамоа ҳам шулар. Чунки ойнинг охири яқинлашган сари банкирларда бўш вақт ва квизда очко йиғиш муаммо бўлиб боради. Айтганча, бу жамоада иккинчи фактор макон-замон танламайди.

Зер0 жамоа номида ноль сони қатнашган жамоа, зеро ки жамоа номини креатив бўлишини хоҳлаган. Нолни бу жамоа ўзига ном қилиб олишини билганида Ал-Хоразмий уни ўйлаб топмаган бўларди. Зер0 жамоаси креатив бўлиши учун ўз номига 0 сонини қўшган. Жамоа O ни 0 га айлантириш учун бутун жамоа бўлиб brainstorming қилган. Бу натижага келишга 2 кун вақт кетган. Зер0 Gay Guy’да зўр ўйнайди. Чунки ўша пайтда жамоа аъзоси Боситхон жамоада бўлмайди. Боситхоннинг квиздаги бошловчилигидан кейин квизга келадиганлар Фаррух Рафиқовга кўпроқ саломатлик тилаб, дуо қилиб қўйишга одатланишди.