⌛ Меҳнаткашлар эътибор ва эъзозда 11-ноябрь-— Ўзбекистон касаба уюшмалари куни муносабати билан Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш марказий аппарати ходимлари учун байрам тадбири ташкил этилди. Тадбирда Ўзбекистон агросаноат мажмуи ходимлари касаба уюшмаси Республика Кенгаши ва Тошкент шаҳар бирлашган қўмитаси вакиллари иштирок этиб, марказ ходимларини байрам билан самимий муборакбод этдилар. Тадбир давомида меҳнаткашларнинг ижтимоий-иқтисодий манфаатлари ва меҳнат ҳуқуқларини ҳимоя қилиш, уларни ҳар томонлама қўллаб-қувватлаш ва муносиб рағбатлантириш касаба уюшмаларининг устувор вазифаларидан бири экани алоҳида таъкидланди. Байрам муносабати билан ўз меҳнати, фидойилиги ва масъулияти билан жамоа ҳурматини қозонган 4 нафар ходим тармоқ касаба уюшмаси Республика Кенгаши томонидан муносиб рағбатлантирилди. Шунингдек, яна бир нафар ходимга соғлиғини тиклаши ва мазмунли ҳордиқ чиқариши учун бепул санаторий йўлланмаси тақдим этилди. Бундан ташқари, марказнинг барча ходимларига маданий ҳордиқ чиқаришлари ва уларга байрамона кайфият улашиш мақсадида Тошкент шаҳридаги Халқлар дўстлиги саройида бўлиб ўтадиган концерт дастурига бепул чипталар топширилди. Ушбу эътибор ва рағбатлантиришлар марказ ходимлари учун байрам туҳфаси бўлиб, уларнинг меҳнатга бўлган иштиёқи ва жамоадаги ҳамжиҳатлигини янада мустаҳкамлашга хизмат қилади. Дарҳақиқат, инсон қадрини улуғлаш, ҳалол меҳнатни муносиб қадрлаш ва ходимларга ғамхўрлик кўрсатиш — касаба уюшмалари фаолиятининг энг муҳим мезонларидандир. 📱web-site| 📱facebook | 📱telegram| 📱YouTube |📱Instagram

🌳 «Касаба уюшмалари» боғида «Яшил макон» тадбири бўлиб ўтди Бугун хоразмлик касаба фаоллари Урганч туманидаги «Касаба уюшмалари боғи»га 1750 туп арча ва терак экдилар. 👥 Тадбир «Яшил макон» умуммиллий лойиҳаси доирасида ташкил этилди. Унда Федерациянинг Хоразм вилояти Кенгаши ходимлари, тармоқ касаба уюшмалари вакиллари, фаоллар ва фахрийлар иштирок этди. 🎤 Кенгаш раиси Гулсара Қурбонбоева лойиҳанинг аҳамияти ҳақида сўзлаб, мақсад боғни обод масканга айлантириш, экологик муҳитни яхшилаш ва келажак авлод учун муносиб табиий муҳит яратиш эканини таъкидлади. 🌱 Бугун экилган ҳар бир ниҳол — келажакка қаратилган эътибор ва обод юртга қолдириладиган муносиб мерос. 📌 Боғ ҳақида: 🟤 Майдони — 20 гектар 🟤 Ўтган йили 35 минг тупдан зиёд кўчат ва 3 минг донадан ортиқ атиргул экилган 🟤 6 км юриш ва югуриш йўлакчалари, 60 та ўриндиқ, 3 та айвон 🟤 Болалар ва спорт майдончалари, автотураргоҳ Қисқа фурсатда боғ аҳоли дам оладиган ва турли тадбирлар ўтказиладиган сўлим масканга айланди. 📱web-site| 📱facebook | 📱telegram| 📱YouTube |📱Instagram

🤝 Нукусда Касаба уюшмалари куни муносабати билан учрашув ўтди Самарқанд давлат ветеринария медицинаси, чорвачилик ва биотехнологиялар университети Нукус филиалида Федерация ва агросаноат касаба уюшмаси вакиллари ходимлар билан учрашди. 💬 Муҳокама қилинган масалалар: ➡️ Касаба уюшмаларининг устувор вазифалари ➡️ Ходимларнинг ижтимоий-иқтисодий манфаатлари ва меҳнат ҳуқуқлари ➡️ Жамоа шартномалари ижроси ➡️ Ходимларнинг таклиф ва мурожаатлари 🎁 Бир гуруҳ ходимлар ташаккурнома ва эсдалик совғалари билан тақдирланди. Батафсил 📱web-site| 📱facebook | 📱telegram| 📱YouTube |📱Instagram