NASIMAGA DEGANIM Yoʻq, hali hammasi oʻtganmas, Koʻp hali hayotdan nasibam. Bu dardim bezarar, hech gapmas, Borini koʻraman, Nasimam, Yoʻq, hali hammasi oʻtganmas! Oldimda kutadir imtihon – Men ogʻir janglarda boʻlarman. Nasima! Bu kungi issiq qon, O, balki toʻkilur… oʻlarman… Oldimda kutadir imtihon! Oʻylanib koʻzingga qarasam, Ikkita dengizday koʻrinur… Nasima! Ichaman rost qasam, Olovdek lovullab dil yonur, Baxtliman janglarga yarasam! ​​Usmon Nosir @usmonosphere

Urush tugaydi. Qoʻmondonlar qoʻl berib koʻrishadi. Mushtipar ona urushda juvonmarg ketgan oʻgʻlini kutishda davom etadi. Suluv qiz sevgan yorining yoʻliga mushtoq boʻladi. Goʻdaklar qahramon otalarining kelishini kutib koʻzlari toʻrt boʻladi… Xullas, Vatanni kim sotganini bilmadim. Lekin badalini kim toʻlaganini koʻrganman. Mahmud Darvish, shoir Usmonip tarjimasi @usmonosphere

Koʻzlarining rangi qanaqa? Bilmayman! Chunki har gal uning koʻzlariga tikilsam, xotiramdan judo boʻlaman. Mahmud Darvish, shoir Usmonip tarjimasi @usmonosphere