O‘quvchilar baho uchun o‘rganmoqda ❗️ Ko‘p joyda o‘rganishning asl maqsadi sekin yo‘qolib, o‘rnini baho egallagan. O‘quvchi: “tushundimmi?” deb emas “necha baho bo‘ladi?” deb o‘ylaydi Bu esa: - qisqa muddatli xotira - yodlash - tez unutishga olib keladi 👉 Agar baho maqsadga aylansa, bilim vositaga aylanadi — bu esa xavfli. P/s: Bu sertifikat tizimida ham koʻzga tashlanyapti.Bilim( fanni toʻla oʻzlashtirish, mutaxassislikni maqsad qilish) emas, sertifikat talabini bajarish asosiy maqsadga aylangan. Bunga 2 oyda sertifikat oling deb oʻzim ham hissa qoʻshib turibman, afsuski🫤 Mayli zamon talabini bajaring, lekin faqat bugun bilan yashamang, kelajakda kerak boʻladigan bilimlarni ham , albatta, oʻrganing.

⏳ Umrni sotib olib bo‘lmaydi, lekin vaqtni sotib olish mumkin. Ko‘p odamlar umr va vaqt bir narsa deb o‘ylaydi. Aslida esa farq bor: Umr – bu sizga ajratilgan chegaralangan hayot muddati. Uni ortga qaytarib, uzaytirib bo‘lmaydi. Vaqt – bu umr ichidagi boshqariladigan resurs. Siz uni sotib olishingiz, pul evaziga tejashingiz mumkin. Misol uchun: ▪️Taksi chaqirish – vaqt sotib olish. ▪️Yetkazib berish xizmati – vaqt sotib olish. ▪️Yordamchi yollash – vaqt sotib olish. Vaqtingizni sotib olish orqali siz umrni emas, umr ichidagi hayot sifatini oshiryapsiz. Chunki sifatli yashash — bu vaqtni oqilona sarflay olishdir. Vaqtni sotib olish uchun 3 narsa kerak: 1️⃣ Pul – chunki ko‘pchilik xizmatlar sizning o‘rningizga ish bajarishga tayyor, ammo tekin emas. 2️⃣ Aql – qaysi vazifalarni topshirish, qaysilarini o‘zingiz bajarish kerakligini bilish uchun. 3️⃣ Tizim – vaqtni sotib olganingizdan keyin uni to‘g‘ri yo‘naltirish uchun rejali hayot bo‘lishi kerak.