⚠️ Is gazi: isitish mavsumida xavfsizlik qoidalariga rioya qiling! ❄️ Sovuq kunlar boshlanishi bilan aholi isitish moslamalaridan faolroq foydalana boshlaydi. Biroq nosoz gaz uskunalari, qo‘lbola isitish moslamalari va tiqilib qolgan mo‘rilar is gazidan zaharlanish hamda fojiali oqibatlarga olib kelishi mumkin. ⚡️ So‘nggi kunlarda is gazidan zaharlanish oqibatida insonlarning halok bo‘lishi xavfsizlik qoidalariga rioya qilish naqadar muhim ekanini yana bir bor eslatmoqda. Is gazi rangsiz va hidsiz bo‘lgani sababli inson xavfni o‘z vaqtida sezmasligi mumkin. ⚠️ O‘zingizni va yaqinlaringizni himoya qilish uchun quyidagi qoidalarga amal qiling: 🔹 Faqat sertifikatlangan va soz holatdagi isitish moslamalaridan foydalaning. Qo‘lbola uskunalarni o‘rnatmang. 🔹 Isitish mavsumi boshlanishidan oldin gaz uskunalari va isitish tizimini malakali mutaxassislarga tekshirtiring. 🔹 Mo‘rilar va shamollatish kanallarini muntazam ravishda tekshiring hamda tozalatib turing. 🔹 Xonalarni isitish uchun gaz plitasidan foydalanmang — bu hayot uchun xavflidir. 🔹 Shamollatish kanallarini berkitmang va xonada zarur havo almashinuvini ta’minlang. 🔹 Ishlayotgan isitish moslamalarini qarovsiz qoldirmang va ishlab chiqaruvchi ko‘rsatmalariga rioya qiling. 🚨 Zaharlanishning dastlabki belgilari — bosh og‘rig‘i, bosh aylanishi, ko‘ngil aynishi yoki holsizlik kuzatilsa, darhol toza havoga chiqing. Imkon bo‘lsa, boshqalarning ham xavfli hududni tark etishiga yordam bering va favqulodda xizmatlarga qo‘ng‘iroq qiling. Xavfsizligi tasdiqlanmaguncha binoga qayta kirmang. ‼️ Yodda tuting: is gazini hididan yoki tashqi ko‘rinishidan aniqlab bo‘lmaydi. Isitish uskunalari va mo‘rilarni tekshirtirishni e’tiborsiz qoldirmang. ❤️ O‘zingizni va yaqinlaringizni asrang! https://t.me/teplomaster1

Котел қуватини пасайтириш буйича қулланма