ពិធីបើកវគ្គបណ្តុះបណ្តាលគ្រូបង្គោលស្តីពីការអនុវត្តថវិកាសេវាសង្គម និងអនាម័យបរិស្ថាន នៃមូលនិធិក្រុង ស្រុក និងឃុំ សង្កាត់ ប្រកបដោយការចូលរួម និងឆ្លើយតបនឹងតម្រូវការរបស់កុមារ ————————— ខេត្តមណ្ឌលគិរី៖ នាព្រឹកថ្ងៃពុធ ២កើត ខែកត្តិក ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែវិច្ឆិកា ឆ្នាំ២០២៦ លោក សុខ សុផាន់ណា អនុប្រធាននាយកដ្ឋានបណ្តុះបណ្តាល នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញចូលរួមជាគណៈអធិបតីក្នុងពិធីបើកវគ្គបណ្តុះបណ្តាលគ្រូបង្គោលស្តីពីការអនុវត្តថវិកាសេវាសង្គម និងអនាម័យបរិស្ថាន នៃមូលនិធិក្រុង ស្រុក និងឃុំ សង្កាត់ ប្រកបដោយការចូលរួម និងឆ្លើយតបនឹងតម្រូវការរបស់កុមារ ក្រោមអធិបតីភាពលោក ហ៊ាញ ប៊ុណ្ណា អភិបាលរងនៃគណៈអភិបាលខេត្តមណ្ឌលគិរី សម្រាប់ក្រុមគោលដៅជាគ្រូបង្គោលនៃរដ្ឋបាលខេត្តមណ្ឌលគិរី ខេត្តក្រចេះ ខេត្តព្រៃវែង ខេត្តរតនគិរី និងខេត្តព្រះវិហារ ដែលមានសិក្ខាកាមសរុបចំនួន៤០រូប ស្ត្រី១៤រូប។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៦ ................ ភ្នំពេញ៖ ព្រឹកថ្ងៃអង្គារ ១កើត ខែកត្ដិក ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែវិច្ឆិកា ឆ្នាំ២០២៦ លោកស្រី ជី ច័ន្ទរស្មី នាយករងសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញចូលរួមកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៦ ក្រោមអធិបតីឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ នៅសណ្ឋាគារឯករាជ្យ ខេត្តព្រះសីហនុ។ កិច្ចប្រជុំនេះមានការអញ្ជើញចូលរួមឯកឧត្តម លោកជំទាវ លោក លោកស្រី ជាប្រធាន ឬតំណាងគណៈកម្មាធិការប្រយុទ្ធនឹងជំងឺអេដស៍ ក្រសួង ស្ថាប័ន រាជធានី ខេត្ត និងក្រុមការងារប្រយុទ្ធនឹងជំងឺអេដស៍ក្រសួង ស្ថាប័ន ព្រមទាំងប្រធាន ឬតំណាង លេខាធិការដ្ឋានប្រយុទ្ធនឹងជំងឺអេដស៍ រាជធានី ខេត្ត អង្គការជាតិ អន្តរជាតិ និងអង្គការសង្គមស៊ីវិល សរុបចំនួន២០៧នាក់។ កិច្ចប្រជុំនេះ រៀបចំឡើងក្នុងគោលបំណងពិនិត្យមើលរួមគ្នានូវវឌ្ឍនភាព សមិទ្ធផល និងប្រសិទ្ធភាព ក្នុងការប្រយុទ្ធនឹងមេរោគអេដស៍និងជំងឺអេដស៍សម្រាប់រយៈពេល៦ខែ ចុងឆ្នាំ២០២៦ ព្រមទាំងធ្វើការពិភាក្សាប្រមូលធាតុចូលផងដែរ៕ » Facebook »Telegram »YouTube » Website

ពិធីបិទវគ្គបណ្តុះបណ្តាលចំនួន២ ————————— រាជធានីភ្នំពេញ៖ ថ្ងៃសុក្រ ១១រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែវិច្ឆិកា ឆ្នាំ២០២៦ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញចូលរួមជាអធិបតីក្នុងពិធីបិទកម្មវិធីវិក្រឹតការមូលដ្ឋាន ជំនាន់ទី១០ (វគ្គ៣) និងកម្មវិធីលេខាធិការរដ្ឋបាល ឆ្នាំ២០២៦ (វគ្គ៣) សម្រាប់ក្រុមគោលដៅជា មន្ត្រីរាជការស៊ីវិលក្របខ័ណ្ឌ “ក” ក្របខ័ណ្ឌ “ខ” និងឬមន្ត្រីមានមុខតំណែងជាប្រធាន ឬអនុប្រធានការិយាល័យ ដែលបម្រើការនៅរដ្ឋបាលខេត្ត និងជាមន្ត្រីរាជការ ស៊ីវិលក្របខ័ណ្ឌលេខាធិការរដ្ឋបាល និងឬមន្ត្រីមានមុខតំណែងជាប្រធាន ឬអនុប្រធានការិយាល័យដែលបម្រើការ នៅរដ្ឋបាលក្រុង ស្រុក ខណ្ឌ ដែលមានសិក្ខាកាមសរុប ៨០រូប ស្រី២៧រូប ។ សូមជម្រាបថា វគ្គបណ្តុះបណ្តាលទាំងពីររៀបចំឡើងដោយសាលាជាតិរដ្ឋបាលមូលដ្ឋាន សម្រាប់មន្រ្តីរាជការនៅរដ្ឋបាលខេត្តព្រៃវែង ខេត្តស្វាយរៀង ខេត្តរតនៈគីរី ខេត្តមណ្ឌលគីរី ខេត្តព្រះវិហារ និងខេត្តស្ទឹងត្រែង សរុបចំនួន ៨០រូប ស្រី ២៧រូប។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website