Телеграм канал «SamATI | Rasmiy kanali»

🤓Institut Ma’naviyat va ma’rifat kengashining yig‘ilishi bo‘lib o‘tdi

😊Samarqand agroinnovatsiyalar va tadqiqotlar institutida Ma’naviyat va ma’rifat kengashining navbatdagi yig‘ilishi bo‘lib o‘tdi. Yig‘ilishni Kengash raisi, institut rektori Sh.Hasanov olib bordi.
✅Yig‘ilishda institutda ma’naviy-ma’rifiy ishlarni yanada takomillashtirish, talaba-yoshlar bilan ishlash samaradorligini oshirish, belgilangan vazifalarning o‘z vaqtida va sifatli bajarilishini ta’minlash hamda ijro intizomiga qat’iy rioya etish masalalari muhokama qilindi. Shuningdek, topshiriqlar ijrosini tizimli nazoratga olish va mas’ullarning vazifalarini aniq belgilash bo‘yicha tegishli vazifalar belgilandi.

🤓 SamATI Axborot xizmati

📱Website 📱Telegram 📱Facebook
📱 Instagram 📱 YouTube

#Qonunchilik_yangiliklari

❗️14 ta pedagogika va Ixtisoslashtirilgan ta’lim muassasalari agentligi tizimidagi 3 ta oliygoh Oliy ta’lim, fan va innovatsiyalar vazirligi tizimiga o‘tkazildi

🔰Prezident “Ayrim davlat oliy taʼlim muassasalarining boshqaruv tizimini yanada takomillashtirish chora-tadbirlari toʻgʻrisida” 2026-yil 2-oktyabrdagi PQ–358-son qarorni imzoladi.

➡️ Qaror bilan quyidagilar belgilandi:

✔️Maktabgacha va maktab ta’limi vazirligi hamda Ixtisoslashtirilgan ta’lim muassasalari agentligi tizimidagi 17 ta oliy ta’lim muassasasi Oliy ta’lim, fan va innovatsiyalar vazirligi tizimiga o‘tkazildi.

💠 O‘zbekiston milliy pedagogika universiteti Nizomiy Ganjaviy nomidagi O‘zbekiston milliy pedagogika universiteti deb qayta nomlandi.

✳️ Maktabgacha va maktab ta’limi vazirligining pedagog kadrlar tayyorlash sohasidagi quyidagi vazifalari Oliy ta’lim, fan va innovatsiyalar vazirligiga yuklatildi:

▪️yagona konseptual yondashuv asosida oliy ma’lumotli pedagog kadrlar tayyorlash siyosatini yuritish;

▪️pedagogik taʼlim sohasini rivojlantirishning asosiy yoʻnalishlarini belgilash;

▪️pedagogik taʼlimning uzviyligi va uzluksizligini, taʼlim-tarbiya jarayoniga ilgʻor pedagogik va axborot texnologiyalari joriy etilishini taʼminlash;

▪️pedagogika sohasida ilmiy-tadqiqot va innovatsion faoliyatni rivojlantirish;

▪️ pedagogika sohasida kadrlar tayyorlaydigan oliy taʼlim muassasalarining boshqaruv tizimini takomillashtirib borish.

Facebook | Instagram | YouTube | Telegram

#SamATI #Ustozlar_kuni #Videolavha

📌Ustozga ehtirom - yuksak qadriyat

😊Samarqand agroinnovatsiyalar va tadqiqotlar institutida 1-oktabr - Ustoz va murabbiylar kuni munosabati bilan professor-o‘qituvchilar uchun bayram dasturxoni tashkil etildi.

🤓 SamATI Axborot xizmati

📱Website 📱Telegram 📱Facebook
📱 Instagram 📱 YouTube

⚠️ Pensionerlar xavf ostida!

So‘nggi paytlarda pensionerlarning plastik kartalaridan noqonuniy pul yechib olish holatlari ko‘paymoqda. Bunga keksalarning zamonaviy telefonlardan to‘g‘ri foydalana olmasligi yoki yosh bolalarning zararli ilovalarni yuklab olishi sabab bo‘lmoqda.

Nima qilish kerak?
Telefon qurilmasini zararli ilovalardan tozalash uchun, “Play market”dan “Apk qo‘riqchi” ilovasini o‘rnatish yoki mahalla profilaktika inspektori yohud hududiy ichki ishlar bo‘limiga borish va telefon qurilmasini texnik ko‘rikdan o‘tkazish kifoya.

📞 Savollarga mas’ul mutaxassisdan javob olishingiz mumkin.

Samarqand IIB Kiberxavfsizlik: 55-701-00-07

Telegram | Instagram | Youtube

Senat 14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosini ma’qulladi

Oliy Majlis Senatida 2-oktabr kuni bo‘lib o‘tgan yalpi majlisda “Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonuni ko‘rib chiqildi va ma’qullandi.

✅ 25 yilgacha yoki umrbod ozodlikdan mahrum qilish

Qonun bilan 14 yoshga to‘lmagan shaxsning nomusiga tekkanlik hamda unga nisbatan jinsiy ehtiyojni zo‘rlik ishlatib g‘ayritabiiy usulda qondirganlik uchun uzoq muddatli 25 yilgacha yoki umrbod ozodlikdan mahrum qilish jazosi joriy etilmoqda.

Shuningdek, bolalarning jinsiy daxlsizligiga qarshi sodir etilgan o‘ta og‘ir jinoyatlar bo‘yicha javobgarlikka tortish va hukmni ijro etish muddatlarining o‘tib ketganligi qo‘llanilmaydi.

Bolaning o‘limiga sabab bo‘lgan qasddan sodir etilgan jinoyatlar uchun shartli hukm qilish va jazodan muddatidan ilgari shartli ozod qilish butunlay taqiqlanmoqda.

✅ Bepul yuridik yordam va tergovni yozib olish

Jinsiy zo‘ravonlikdan jabrlangan yoki unga guvoh bo‘lgan bolalarga protsessual harakatlarga jalb etilgan ilk daqiqalardan e’tiboran davlat hisobidan bepul malakali yuridik yordam ko‘rsatish tizimi joriy etilmoqda.

Zo‘ravonlikdan jabr ko‘rgan voyaga yetmaganlarni so‘roq qilish jarayonini videoyozuv orqali qayd etish, jinsiy erkinlikka qarshi jinoyat qurboni bo‘lgan bola va gumon qilinuvchi, ayblanuvchi yoki sudlanuvchi o‘rtasidagi yuzlashtirishni maxsus tartib bo‘yicha o‘tkazish, jabrlanuvchi bola va ayblanuvchi o‘rtasidagi yuzlashtirishni faqat tergovchi, prokuror qarori yoki sud ajrimi asosida o‘tkazish belgilanmoqda.

Agar zo‘ravonlik oila a’zolari yoki yaqin qarindoshlar tomonidan sodir etilgan bo‘lsa, protsessual jarayonlarda vasiylik va homiylik organi vakilining ishtiroki majburiy qilib qo‘yilmoqda.

✅ Ta’lim muassasalari xodimlari zo‘ravonlik uchun ishdan bo‘shatilishi mumkin

Mehnat kodeksiga kiritilayotgan qo‘shimchaga ko‘ra, ta’lim va tarbiya muassasalarida bolani tarbiyalash va unga ta’lim berish borasidagi majburiyatlar o‘z zimmasiga yuklatilgan ta’lim tashkiloti xodimining bolaga nisbatan zo‘ravonlik sodir etganlik uchun javobgarlikka tortilganligi munosabati bilan uning mehnat shartnomasi ish beruvchining tashabbusi bilan bekor qilishga asos bo‘ladi. Bunday shaxslarning kelgusida bolalar bilan ishlashiga cheklov qo‘yiladi.

Shu bilan birga, ota-onalarning bolalarga g‘amxo‘rlik ko‘rsatmasligi, ularning asosiy ehtiyojlarini qasddan qanoatlantirmasligi, nikoh yoshi to‘g‘risidagi qonunchilikni buzishi, shuningdek, bolalarni sog‘lig‘iga zarar yetkazuvchi axborotdan himoya qilmaganlik uchun ma’muriy javobgarlik choralari kuchaytirilmoqda.

Tazyiq va zo‘ravonlikka uchragan xotin-qizlar va bolalar qayta zo‘ravonlikka uchrashdan qo‘rqib murojaat qilishga ikkilanmasligi uchun, ularning so‘roviga asosan yashash manziliga yozma yoki elektron javob xati yubormaslik tartibi joriy etilmoqda.

“Bu oilaviy nizolarning yanada avj olishi va qayta zo‘ravonlik sodir etilishining oldini olishga xizmat qiladi”, — dedi senator.

Facebook | Instagram | YouTube | Telegram

#Qabul2026 #Qoraqalpoq_yoshlari #Natija

❗️Qoraqalpog‘istonlik abituriyentlar uchun muhim yangilik!

Qoraqalpog‘istonlik abituriyentlar uchun qo‘shimcha 6 500 ta qabul parametri bo‘yicha tanlov natijalari e’lon qilindi

Qoraqalpog‘iston Respublikasidan 6 500 nafar abituriyentning hududlardagi davlat oliy ta’lim tashkilotlarining bakalavriat ta’lim yo‘nalishlariga to‘lov-kontrakt asosida qo‘shimcha qabul parametrlari bo‘yicha o‘qishga qabul natijalari e’lon qilindi.

Mazkur qo‘shimcha qabul parametrlari davlat oliy ta’lim tashkilotlarining bakalavriat ta’lim yo‘nalishiga abituriyent sifatida ro‘yxatdan o‘tgan, ro‘yxatdan o‘tish davrida doimiy yashash hududi Qoraqalpog‘iston bo‘lgan hamda shu yerdagi umumiy o‘rta, o‘rta maxsus va kasbiy ta’lim tashkilotlarini tamomlagan, kirish imtihonlari natijalariga ko‘ra 56,7 ball va undan yuqori ball to‘plagan, biroq talabalikka tavsiya etilmagan abituriyentlar hisobidan shakllantirildi.

Bunda abituriyentlarning to‘plagan ballari ketma-ketligiga qat’iy rioya qilindi.

Tanlov natijalari bo‘yicha qaydnomalar tegishli oliy ta’lim tashkilotlariga belgilangan tartibda rasmiylashtirish uchun yuboriladi.

Abituriyentlar natijalarini my.uzbmb.uz orqali shaxsiy kabinetdan yoki mandat.uzbmb.uz orqali ID raqamini kiritgan holda bilishlari mumkin.

Facebook | Instagram | YouTube | Telegram

Diqqat! Vazir nomidan soxta xabarlar yuborilmoqda
 
Telegram ijtimoiy tarmogʻi orqali Oliy taʼlim, fan va innovatsiyalar vaziri Qoʻngʻirotboy Sharipov nomidan turli shaxslarga sohta  xabarlar yuborilayotgani kuzatilmoqda.
 
Ushbu xabarlarni vazir yubormayotganini va va suratda koʻrsatilgan akkaunt vazirning shaxsiy Telegram akkaunti emasligini maʼlum qilamiz.
 
Shu munosabat bilan fuqarolardan bunday xabarlarga ishonmaslik, ularga javob bermaslik, telefoniga kelgan kodlarni hech kimga yubormaslik yoki aytmaslik  hamda shaxsiy maʼlumotlar, hujjatlar yoki boshqa maʼlumotlarni taqdim etmaslik soʻraladi.
 
Oliy taʼlim, fan va innovatsiyalar vazirligi faoliyatiga oid rasmiy maʼlumotlar vazirlikning rasmiy axborot kanallari orqali eʼlon qilinadi.
 
Feyk xabarlarga ishonmang va ularni tarqatmang!
 
Oliy taʼlim, fan va innovatsiyalar vazirligi Axborot xizmati

Facebook | Instagram | YouTube|Telegram