Телеграм канал «Operativ Məlumat Mərkəzi»

🚨“Qarabağ” – “Neftçi” futbol oyunu ərəfəsində və oyundan sonra insident törətməyə cəhd göstərən 19 nəfər polis tərəfindən müəyyən edilərək saxlanılıb.

🇦🇿 Xudafərin körpüsünün azad edilməsindən 6 il ötür

💪 2020-ci il oktyabrın 18-də Cəbrayıl rayonunda yerləşən tarixi Xudafərin körpüsü erməni işğalından azad edilib. Həmin gün Hacılı və Hacı İsaqlı kəndləri də işğaldan qurtulub.

🌉 Araz çayı üzərində, Azərbaycan-İran sərhədində yerləşən Xudafərin körpüləri Azərbaycan memarlığının tarixi nümunələrindəndir. XI–XII əsrlərə aid edilən 11 tağlı körpünün uzunluğu təxminən 130 metrdir. XIII əsrə aid edilən 15 tağlı körpünün uzunluğu isə 200 metrə yaxındır.

🇦🇿 Xudafərin körpüsü Azərbaycanın zəngin tarixi-mədəni irsinin rəmzlərindən biridir.

🇦🇿 Bu gün Müstəqilliyin Bərpası Günüdür!

🎉 Azərbaycanın dövlət müstəqilliyini bərpa etməsindən 35 il ötür.

📜 1991-ci il oktyabrın 18-də Ali Sovet “Azərbaycan Respublikasının dövlət müstəqilliyi haqqında” Konstitusiya Aktını qəbul edib. Sənəddə Azərbaycan Xalq Cümhuriyyətinin varisliyi təsbit olunub.

🇦🇿 2021-ci ildə qəbul edilən qanunla 18 Oktyabrın adı dəyişdirilərək Müstəqilliyin Bərpası Günü elan edilib.

🇹🇷⚠️ Türkiyədə uşaq hüquqları ilə bağlı qalmaqallar – ARAŞDIRMA

📌 Türkiyədə dini icmaların nəzarətindəki yataqxanalarda uşaqlara qarşı cinsi istismar, erkən nikahlar və təhsil hüququnun pozulması ilə bağlı qalmaqallar uzun illərdir müzakirə olunur.

🚨 Ensar Vəqfi ilə bağlı qalmaqal, İsmailağa icması ilə əlaqəli kursda uşaqlara qarşı istismar iddiaları və erkən nikahla bağlı mübahisəli təşəbbüslər materialda diqqətə çatdırılır.

🏫 Araşdırmada Türkiyədə dünyəvi təhsil modelinə münasibət və dini qurumların ictimai həyata təsiri də təhlil olunur.

🇦🇿 Məqalədə vurğulanır ki, Türkiyədə bu problemlər müzakirə olunduğu halda, bəzi siyasi dairələrin Azərbaycanın məktəbli forması qaydalarına irad bildirməsi ölkənin daxili qərarlarına müdaxilə kimi qiymətləndirilir.

⚽️🇦🇿 “Qarabağ” son dəqiqələrdə məğlubiyyətdən xilas oldu — 3:3!

🔥 Azərbaycan Premyer Liqasının VIII turunda “Qarabağ” və “Neftçi” arasında keçirilən derbi heç-heçə ilə başa çatıb.

🏟 Tofiq Bəhramov adına Respublika stadionunda baş tutan qarşılaşmada “Neftçi” Qustavo Klismanın 11 və 34-cü, Draqolyub Saviçin isə 52-ci dəqiqədə vurduğu qollarla hesabda önə keçib.

⚡️ “Qarabağ”dan Aleksey Kaşuk 18-ci, Renaldo Sefas 89-cu, Kadi Borges isə 90+5-ci dəqiqədə fərqlənərək hesabı 3:3 edib.

📊 Hər iki komandanın 17 xalı var. “Neftçi” ikinci, ehtiyatda bir oyunu olan “Qarabağ” isə üçüncü pillədə qərarlaşıb.

🚨 Gəncədə teatr mühafizəçisini 15 yaşlı yeniyetmə bıçaqlayıb

📍 Hadisə Gəncə Dövlət Kukla Teatrının qarşısında baş verib.

⚡️1976-cı il təvəllüdlü Zaur Mustafayev bıçaq xəsarətləri ilə xəstəxanaya yerləşdirilib. Onun teatrda mühafizəçi işlədiyi bildirilir.

⚠️ İlkin məlumata əsasən, mühafizəçini 15 yaşlı yeniyetmə bıçaqlayıb. Faktla bağlı araşdırma başlanılıb. (Qafqazinfo)

⚡️Biləsuvarda minik avtomobili aşıb, 2 nəfər ölüb, 3 nəfər xəsarət alıb.

📍Hadisə Biləsuvar-Bəhrəmtəpə yolunun Səmədabad kəndindən keçən hissəsində baş verib.

📢Faktla bağlı araşdırma aparılır.