Телеграм канал «Operativ Məlumat Mərkəzi»

🇦🇿🇬🇪Azərbaycan XİN-i Gürcüstan Patriarxlığının Azərbaycanın ərazisində yerləşən Kürmük məbədi ilə bağlı son açıqlamasına münasibət bildirib.

📌 XİN qeyd edib ki, Azərbaycanın ərazisində yerləşən coğrafi və tarixi toponimlərin digər adlarla təqdim edilməsi qəbuledilməzdir.

⚠️ Nazirlik bildirib ki, Gürcüstan Patriarxlığının yanaşması Azərbaycanın ərazi bütövlüyü və suverenliyinə münasibətdə ərazi iddiaları ehtiva edir və bu, iki ölkə arasındakı strateji tərəfdaşlıq münasibətlərinin ruhuna uyğun deyil.

🤝 XİN dini qurumları Azərbaycan və Gürcüstan xalqları arasında formalaşmış tarixi dostluq və mehriban qonşuluq münasibətlərinə xələl gətirə biləcək yanaşmalardan çəkinməyə çağırıb.

🏛 Bəyanatda vurğulanıb ki, Azərbaycan ərazisindəki bütün tarixi, mədəni və dini abidələr Azərbaycan xalqının və dövlətinin milli irsinin ayrılmaz hissəsidir.

🎖 Xüsusi Rabitə Xidmətinin hərbçiləri təltif edilib

Prezident İlham Əliyevin sərəncamı ilə Xüsusi Rabitə və İnformasiya Təhlükəsizliyi Dövlət Xidmətinin bir qrup hərbi qulluqçusu təltif olunub.

🏅 “Vətən uğrunda” medalı:

• Polkovnik Abbas Abbasov

🎖 “Hərbi xidmətlərə görə” medalı:

• Polkovnik-leytenant Anar Məmmədov
• Mayor Fariz Əliyev
• Mayor Musa Hüseynov
• Mayor Vahid Quliyev
• Mayor Seymur Şirinov

Xüsusi Rabitə və İnformasiya Təhlükəsizliyi Dövlət Xidməti rəisinin müavini general-mayor Allahverən İbiş oğlu İsmayılova "general-leytenant" ali hərbi rütbəsi verilib.

Naxçıvan Muxtar Respublikasına yeni təhsil naziri təyin edilib.

Elxan Tarqulu oğlu Nəcəfov Naxçıvan Muxtar Respublikasının təhsil naziri vəzifəsindən azad edilib, bu posta Ovni Mehbalı oğlu Muradov təyin olunub.

🏡"Kənd yerində 500 manatlıq iş olsa, heç kim Bakıya gəlməz" - MÜSAHİBƏ

Milli Məclisin İnsan hüquqları komitəsində kəndlərdən şəhərlərə köçün qarşısının alınması üçün qaz və işıq qiymətlərinin 3 dəfə ucuzlaşdırılması təklifi müzakirələrə səbəb olub.

🗣 Keçmiş deputat Tahir Kərimli bildirib ki, kommunal xidmətlərin ucuzlaşdırılmasını dəstəkləyir, lakin əsas problem kəndlərdə işsizlik və gəlir imkanlarının məhdud olmasıdır.

📌 Onun təklifləri:
• kəndlərdə yeni və yüksək maaşlı iş yerlərinin yaradılması;
• vergilərin və kommunal xərclərin azaldılması;
• fermerlərə subsidiyalar və 5–10 illik faizsiz kreditlərin verilməsi;
• kənd təsərrüfatı, heyvandarlıq, baramaçılıq və quşçuluğun dəstəklənməsi;
• sosial ödənişlərin artırılması.

💬 Tahir Kərimli hesab edir ki, kənddə 500 manatlıq sabit gəlir əldə etmək imkanı yaradılsa, insanlar daha yüksək maaş üçün Bakıya köçməyə maraqlı olmaya bilərlər.

🤝 Bakıda keçirilən II Azərbaycan Beynəlxalq İnvestisiya Forumu (AIIF 2026) çərçivəsində müxtəlif sahələri əhatə edən 11 sənəd imzalanıb.

📌 Sənədlər əsasən bu istiqamətləri əhatə edir:

🏗 Tikinti və inkişaf
💻 Rəqəmsal iqtisadiyyat
☀️ Günəş və külək enerjisi
⚙️ Silisium və silisium karbid istehsalı
🌱 Plantasiya və emal müəssisələri
🐔 Ağdam quşçuluq layihəsi
💉 Baytarlıq peyvəndlərinin istehsalı
💊 Əczaçılıq müəssisəsinin yaradılması
🏦 Azərbaycan-Oman Birbaşa İnvestisiya Fondu ilə “Azər-Türk Bank” arasında əməkdaşlıq
💧 SOCAR, ADSEA və “Esyasoft” arasında əməkdaşlıq
🇦🇿🇺🇦 Azərbaycan və Ukrayna arasında investisiyaların təşviqi sahəsində əməkdaşlıq

🏎🌳 Formula 1-də maraqlı an: trasa ağac budağı düşüb

Bakıda keçirilən Formula 1 Azərbaycan Qran-prisinin üçüncü sərbəst yürüşündə maraqlı hadisə yaşanıb.

🌿 Yürüş zamanı trasa ağac budağı düşüb.