Телеграм канал «Operativ Məlumat Mərkəzi»

🇦🇿🇹🇷 Dövlət Bağçalı: “Hər zaman Azərbaycanın yanındayam”

MHP sədri Azərbaycanın Türkiyədəki səfiri Rəşad Aslanovla görüşündə bildirib ki, Azərbaycan-Türkiyə qardaşlığının qorunması və həmrəyliyin gücləndirilməsi Türk dünyasının ortaq gələcəyi üçün strateji əhəmiyyət daşıyır.

🤝 Səfir Prezident İlham Əliyevin salamlarını və qardaşlığın müdafiəsinə verdiyi dəstəyə görə təşəkkürünü Bağçalıya çatdırıb.

Bağçalı da Azərbaycan Prezidentinə salamlarını çatdırmağı xahiş edib, iki ölkə arasında münasibətlərin etimad və qardaşlıq əsasında inkişaf edəcəyinə əminliyini bildirib.

🇦🇿🇹🇷Türkiyənin Milliyyətçi Hərəkat Partiyasının (MHP) sədri Dövlət Bağçalı Azərbaycanın Türkiyədəki səfiri Rəşad Aslanovu qəbul edib.

⛽️ SOCAR-dan Şimal bölgəsində yanacaq qıtlığı iddialarına CAVAB

📌 Sosial şəbəkələrdə Quba, Xaçmaz, Xudat, Qusar, Şabran və Siyəzəndə “Azpetrol” istisna olmaqla, digər yanacaqdoldurma məntəqələrinə yanacaq verilməsinin dayandırıldığı barədə məlumatlar yayılıb.

🗣️ “SOCAR Petroleum” QSC-dən APA-Economics-ə bildirilib ki, yayılan məlumatlar həqiqəti əks etdirmir. Şirkətin Xaçmaz Neft Terminalı Bazasında kifayət qədər yanacaq ehtiyatı var və bölgədəki yanacaqdoldurma məntəqələri adi rejimdə, fasiləsiz təmin olunur.

☑ Şirkət yanacaq verilişinin dayandırılması və ya məhdudlaşdırılması ilə bağlı iddiaları əsassız adlandırıb. Bildirilib ki, tədarük zəncirində gecikmə və ya çatışmazlıq müşahidə olunmur.

⚡️Qəzza üçün yığılan zəkatı birja fondlarına yatırıb, zərər edən Türkiyə Dəyanət Vəqfinin (TDV) baş direktoru İzani Turan və onun iki müavini - Rəcəb Şükrü Balkan və Fatih Kayacan vəzifələrindən azad ediliblər.

⚡️ Rumıniya sahillərində Azərbaycan vətəndaşlarının olduğu gəmi dron hücumuna məruz qalıb

🚢 Azərbaycan Xarici İşlər Nazirliyinin məlumatına görə, Rumıniyanın Konstansa limanından 13 dəniz mili məsafədə “KHORYV” adlı xarici yük gəmisi dron hücumuna məruz qalıb.

🇦🇿 Gəminin 13 nəfərlik heyətində olan 3 Azərbaycan vətəndaşının hamısı xilas edilib. Onlardan yüngül xəsarət alan 1992-ci il təvəllüdlü Rufan Xaliq oğlu Əhmədov tibbi müayinədən keçirilib və mehmanxanaya yerləşdirilib.

📌 XİN bildirib ki, məsələ ilə bağlı Azərbaycanın Rumıniyadakı səfirliyi və aidiyyəti qurumlar koordinasiyalı şəkildə işləyir. Vətəndaşlarımıza konsulluq dəstəyinin göstərilməsi üçün zəruri tədbirlər görülür.

🇷🇺🇺🇸 Rusiya dizeli ABŞ-yə göndərilir – 2022-ci ildən sonra ilk dəfə

🚢 Ən azı iki yük gəmisinin Rusiya istehsalı olan dizel yanacağı ilə ABŞ-yə doğru hərəkət etdiyi bildirilir. Bu barədə "Financial Times" "TankerTrackers" monitorinq şirkətinin məlumatlarına istinadən yazıb.

📌 Nəşrin məlumatına görə, bu, 2022-ci ildə Co Bayden administrasiyasının Rusiya enerji resurslarının idxalına qadağa qoymasından sonra belə ilk tədarüklərdir.

ℹ️ "Reuters"in məlumatına görə, ilk tanker təxminən 40 min ton dizel yanacağı daşıyır və noyabrın 7-də Nyu-Yorka çatacağı gözlənilir.

Prezident İlham Əliyev Xalq rəssamı Fərhad Xəlilova “İstiqlal” ordenini təqdim edib.

Təqdimetmə mərasimində maraqlı dialoq yaşanıb. Fərhad Xəlilov ordenin eskizini hazırlayarkən bir gün onu alacağını düşünmədiyini deyib.

Fərhad Xəlilov: “Bu ordenin şəklini hazırlayanda heç fikirləşməzdim ki, bunu alacağam”.

İlham Əliyev: “Sən özün düzəltmisən. Bunun müəllifi də sizsiniz”.