Телеграм канал «Sirdaryo Live | OAV»

🗣ЯНГИЕР ШАҲРИДАГИ МАКТАБЛАРДА «БИЗ ГИЁҲВАНДЛИККА ҚАРШИМИЗ!» МАВЗУСИДА СУҲБАТ ЎТКАЗИЛДИ

🔵Янгиер шаҳридаги 8-, 3- ва 10-сонли умумий ўрта таълим мактабларида ўқувчилар иштирокида «Биз гиёҳвандликка қаршимиз!» мавзусида профилактик суҳбатлар ташкил этилди.

🔵Суҳбат давомида ўқувчиларга гиёҳвандликнинг инсон саломатлиги, келажаги ва жамият ҳаётига салбий таъсири, зарарли одатлардан йироқ бўлиш ҳамда соғлом турмуш тарзига амал қилишнинг аҳамияти ҳақида тушунчалар берилди.

🔵Тадбирлар Янгиер шаҳар ИИБ ЖХХ ҲПБ ВЕ ва ЁБИГ инспектор-психологи, катта лейтенант Эсанов Ойбек Улуғбек ўғли томонидан ўтказилди.

🔵Бундай профилактик тадбирлар ёшлар ўртасида ҳуқуқбузарликлар ва гиёҳвандликнинг олдини олиш, уларнинг ҳуқуқий саводхонлигини ошириш ҳамда соғлом ҳаёт тарзини тарғиб қилишга қаратилган.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🎞 Мирзо Улуғбек маҳалласида бунёдкорлик ишлари ва аҳоли турмуш шароитини яхшилаш масалалари кўриб чиқилди

🔵Сирдарё вилояти ҳокими вазифасини бажарувчи Дониёр Кадиров Мирзаобод туманидаги Мирзо Улуғбек маҳалласида амалга оширилаётган ободонлаштириш ва бунёдкорлик ишлари билан танишди.

🔵Вилоят раҳбари туман марказидан олисда жойлашган маҳаллада ҳам давлатимиз раҳбари томонидан яратилаётган имкониятлар амалий натижаларда акс этиши лозимлигини таъкидлади. Масъулларга ажратилган маблағлардан самарали фойдаланиш, ишларни сифатли ва ўз муддатида якунлаш ҳамда натижаларини аҳоли кундалик ҳаётида ҳис этишини таъминлаш юзасидан кўрсатмалар берилди.

🔵Ташриф давомида маҳалла еттилиги ва фаол нуронийлар билан аҳоли бандлиги, жиноятчилик ва оилавий ажримларнинг олдини олиш, тинчлик ва осойишталикни мустаҳкамлаш масалалари муҳокама қилинди. Бу борада ҳамкорликни кучайтириш, ҳар бир хонадон муаммосига индивидуал ёндашиш ва аҳоли фаровонлигини оширишга қаратилган ишларни изчил давом эттириш муҳимлиги қайд этилди.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🎞 Дониёр Кадиров ёшларнинг таклиф ва мурожаатларини тинглади

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🗣Вилоят раҳбари Мирзаобод туманида ўрганишлар олиб борди

🔵Сирдарё вилояти ҳокими вазифасини бажарувчи Дониёр Кадиров Мирзаобод туманида бўлиб, дастлаб фуқаролар билан мулоқот қилди. Мулоқот давомида аҳоли вакилларининг мурожаатлари тингланиб, кўтарилган муаммоларни ҳал этиш юзасидан тегишли чоралар кўрилди. Шундан сўнг вилоят раҳбари туман марказининг бугунги қиёфаси, ободонлаштириш ва кўкаламзорлаштириш ишлари ҳолати билан танишди.

🔵Ўрганишлар давомида ҳудудларни обод сақлаш, кўчалар ва жамоат жойларининг озодалигини таъминлаш борасида масъуллар томонидан етарлича эътибор қаратилмагани, айрим ишлар эса талаб даражасида ташкил этилмагани танқид остига олинди. Вилоят раҳбари ободлик шунчаки кўз-кўз қилиш учун бажариладиган мавсумий иш эмас, балки кундалик эътибор, қатъий назорат ва масъулиятни талаб этадиган вазифа эканини таъкидлади.

🔵Туман масъулларига мавжуд камчиликларни қисқа муддатларда бартараф этиш, ободонлаштириш ишларини тизимли йўлга қўйиш, ҳудудларда тозалик ва тартибни таъминлаш ҳамда фуқаролар мурожаатларида кўтарилган масалаларнинг ижросини назоратга олиш юзасидан тегишли кўрсатмалар берилди.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🔓 Ноқонуний GSM-шлюз қурилмаларидан фойдаланиб, сохта Call-марказ ташкил қилган жиноий гуруҳ фош этилди

🚫 Кибержиноятларга қарши курашиш йўналишида ДХХ Сирдарё вилояти бўйича бошқармаси ходимлари томонидан вилоят ИИБ билан ҳамкорликда ўтказилган тезкор-қидирув тадбирлари натижасида ноқонуний ГСМ-шлюз қурилмаларидан фойдаланиб, сохта Call-марказ ташкил қилган ҳамда фирибгарлик орқали ўзлаштирилган пул маблағларини крипто-актив кўринишида чет элга чиқариш билан шуғулланган жиноий гуруҳ фаолиятига чек қўйилди.

Хусусан, Тошкент шаҳри ва Тошкент вилоятида яшовчи, 1989–2005-йиллар оралиғида туғилган 5 нафар шахс Миробод туманидаги нотурар бинони ижрага олиб, сохта Call-марказ ташкил этишган.

Гуруҳ билан алоқадор бўлган, 1989 й.т. фуқаро эса ўзганинг яшаш хонадонини ижарага олиб, Call-марказ фаолиятида фойдаланиш мақсадида ушбу манзилга GSM-шлюз қурилмасини ўрнатган.

Тошкент вилоятида яшовчи, 1979 й.т., муқаддам судланган шахс раҳбарлик қилган жиноий гуруҳ аъзолари орасида нуфузли банклардан бирининг бош офиси киберхавфсизлик бўлими ишчиси ҳам бўлган.

Гуруҳ аъзолари турли банклар номидан фуқароларга қўнғироқ қилиб, гўёки уларнинг номига фирибгарлар томонидан кредит олишга уриниш бўлаётганлигини айтиб, алдов йўли билан жабрланувчиларнинг шахсий маълумотларини қўлга киритиш орқали, уларнинг банк карталаридаги пул маблағларини ўзлаштиришган ҳамда номларига онлайн кредитлар расмийлаштиришган.

💸 Натижада жиноий йўл билан топилган жами 8 млн АҚШ доллари миқдоридаги пул маблағаларини криптовалюта кўринишида сохта МЧЖ орқали хорижий давлатга олиб чиқиб, легаллаштиришган.

❗ Қонунбузарларга нисбатан жиноят иши қўзғатилиб, дастлабки тергов жараёнида уларга алоқадор бўлган 10 нафар шахс аниқланди.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

💧 Ислоҳотлар амалда: Сирдарё тумани маҳаллаларида сув тармоқлари янгиланмоқда!

Сирдарё туманида аҳолини тоза ичимлик суви билан таъминлаш ҳамда коммунал инфратузилмани яхшилаш борасида амалий ишлар олиб борилмоқда.

Амалга оширилаётган бунёдкорлик ишлари аҳоли турмуш фаровонлигини ошириш ва ҳудуд инфратузилмасини янада ривожлантиришга хизмат қилади.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🗣Учтургон маҳалласида 150 ўринли янги боғча фойдаланишга топширилди

⚪️Боёвут туманида мактабгача таълим тизимини ривожлантириш, болажонлар учун замонавий ва қулай шарт-шароитлар яратиш борасидаги ишлар изчил давом этмоқда.

⚪️Бугун туманнинг Учтургон маҳалласида 13-сонли давлат мактабгача таълим ташкилотининг янги биноси фойдаланишга топширилди. Мазкур маскан маҳалла болажонлари учун муносиб таълим-тарбия олиш имкониятларини янада кенгайтиради.

⚪️Ўзбекистон Республикаси Президентининг ПҚ-93-сонли қарори асосида 4,5 миллиард сўм маблағ эвазига барпо этилган, 150 ўринли янги бино замонавий талаблар асосида қурилди. Ташкилотда болаларнинг ҳар томонлама ривожланиши, сифатли таълим-тарбия олиши ва бўш вақтини мазмунли ўтказиши учун зарур шароитлар яратилган.

⚪️Мазкур янги мактабгача таълим ташкилотининг фойдаланишга топширилиши маҳалладаги болаларни мактабгача таълим билан қамраб олиш даражасини ошириш, ота-оналар учун қулайлик яратиш ҳамда келажак авлоднинг билимли ва соғлом бўлиб вояга етишига хизмат қилади.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU