Телеграм канал «I support you»

عارف أخواتك الصغيرين ف سنه كام ؟

بكلمك بجد مش هزار! ، لأن فيه ناس حقيقي من كتر ما هي بعيدة عن إخواتهم نسوا هما أصلا ف سنه كام! ، بوست النهاردة هو مش مختلف أوي عن محتوى القناة سبورت يو ولكن هو نقطه مهمه جدا حبيت افكرك بيها وانك لازم تعيد تفكير في الموضوع، ألا وهي خليك قريب من أخواتك وصاحبهم ويغالي ذاكر معاهم الدرس تاني وشوف مشاكلهم وحلها معاهم ، حقيقي الاستثمار فيهم هتشوفوا بعينك وتقول الحمد لله تعبي جاب نتيجه معاه أو معاها بدل ما وقتك كله مقدسه مع اصحابك وانا هنا مش بنكر ابدا دور الاصحاب في حياتنا لكن اخواتنا اهم تكاد تكون أولوية اهم من اصحابك، الصحاب بتروح وتيجي عادي لكن اخوك هو سندك الوحيد فاستثمر فيه .🤎

أعمل حاجه تخليك مبسوط وتغير مودك " لكن بعيد عن الحرام " ، وبعدها رتب امورك واحدة واحدة كلها هتتحل بس محتاجه صبر واستمرارية ع السعي.🤎

معلش هنفضل نقول معلش كتير ع كثرة وريب الأحداث ، ولكن هتعدي حتماً ، أهدي كدا واعمل كوبايه شاي وروق ع نفسك أنت بطل ومحارب شجاع .🤎

السلام عليك.🤎

معلش بقا هي مكنتش خير ولا كانت ليك أصلا أدعي ربنا يربط ع قلبك ويصبرك ويعينك تقدر تبدأ من الأول تاني

أنت قوي ومحارب شجاع وشاطر عموماً ف متزعلش ع حاجه هي مش ليك وممكن توقف إحساس قلبك شويه لانه ديما بيعكنن علينا بعدم نسيانه لحاجات لازم تتنسي علشان تعرف تبدأ من الأول 😅

الله يعوض صبرنا كله خير .🤎

سبحان الله، كل ما أقرأ في أبواب الطلاق والخُلع، يزداد عندي حساسية وخطورة المسائل دي، وأسبابها في الغالب بتكون جهل تام بالأحكام الشرعية!

لذلك أقسم بالله ما هيتصلح الحال المِجليط دا.. إلا لمّا كل فرد يبدأ بنفسه، والرجل والمرأة -الأسوياء- في أمَس الحاجة إنهم يتعلّموا أحكام الحياة الزوجية من القرآن والسُنة وكتب الفقه والسيرة، ويعرفوا حقوق الزوج وواجباته، وحقوق الزوجة وواجباتها، وماذا قال الله وقال رسوله ﷺ.

كتير من الآباء بيفرحوا بشنب أولادهم وطياشهم، لكن قليل اللي بيعلّمهم الرجولة، والقِوامة، وخُلُق النبي ﷺ مع زوجاته، واحترام الزوجة، والاعتماد على النفس، وقيادة البيت، وتخطّي الأزمات، وكتير من الأمهات بتفرح بخروج بناتهم ولبسها وطبخها، لكن قليل اللي بيعلّمهم الأنوثة، والطهارة، وطاعة الزوج واحترامه، وسيرة الصحابيات، ولماذا أحب النبي ﷺ زوجاته، وكيف تكون زوجة ومُربّية!

ابدأوا يا جماعة؛ ربنا مش هيغيّرنا إلا إذا سعينا للتغيير وطرقنا أبوابه، وأن تأتي متأخرًا، أكيد أخير بكتير من الوضع الحالي، واحتسب نيّة التغيير، واتقي الله حيثما كنت.

#عبدالرحمن_مهدي

أقولك حاجه كدا كدا أنت ماشي وعمرك دا ممكن ينتهي ف أي لحظة وخلاص بقا دنياك خلصت ، أنا ملئ بالتفاؤل والله متاخدش كلامي ع محمل البؤس والتشاؤم 😅
يغالي والله هما يومين هتقعدهم وخلاص بقا هتموت ف عيشهم بهدوء ورزانة ف تصرفاتك واعمل الحاجات اللي بتغير مودك وتسعدك و روق ع نفسك " بس متعصيش ربك بحاجه حرام" ، وهاتلك كل يوم شوكلت وحاجه حلوة واشرب شايك وأقرأ ف كتبك واهتم بمذاكرتك وتطوير ذاتك وروح شغلك ، واقعد مع أهلك واستحمل اخواتك معلش تعالي ع نفسك في دي ، بقولك كل حاجه لوحدك وفكك من الناس بالله فكك منهم هتعيش مرتاح .🤎