⚠️ پزیشکێک کە گوێت لێ نەگرێت، چۆن دەستنیشانی دەردەکەت دەکات؟ ​لە کۆمەڵگەی ئێمەدا کێشەیەکی زۆر گەورە و مەترسیدار هەیە کە رۆژانە دووبارە دەبێتەوە: کەدەچیتە لای پزیشکێک، هێشتا دوو ڕستەت نەوتووە، پێنووسەکەی هەڵگرتووە و دەست دەکات بە نوسینی دەرمان! ​نهێنیی دەستنیشانکردنی نەخۆشی لە دەرمانخانە یان لە ئامێری سۆنەر و فەحسی خوێندا نییە، بەڵکو لە ئاخاوتن و گوێگرتندایە. ​💡 بەڵگەی زانستی چی دەڵێت؟ ​زانستی پزیشکی مۆدێرن سەلماندوویەتی کە بەشێکی زۆری دەستنیشانکردنی راست و دروستی نەخۆشی (Diagnosis) پشتی بەوە بەستووە کە پزیشک چەندە گوێت لێ دەگرێت و چەندە پرسیاری وردت لێ دەکات. ​مێژووی نەخۆشی (Medical History): لە تەندروستیدا یاسایەکی زێڕین هەیە کە دەڵێت: تا ٪٨٠ی دەستنیشانکردنی ڕاستی نەخۆشی، تەنها لەڕێگەی وەرگرتنی مێژووی نەخۆشییەکەوە دەبێت (History Taking)،واتە ئەگەر پزیشک بە وردی پرسیارت لێ نەکات (کەی دەستی پێکرد؟ ئازارەکەی چۆنە؟ بە چی زیاتر دەبێت؟ پێشتر چیت خواردووە؟)، بێگومان ئەگەری هەڵەکردنی لە دەستنیشانکردندا سەد لە سەدە. ​پشکنینی جەستەیی (Physical Exam): پزیشک دەبێت پشکنینت بۆ بکات، گوێ لە لێدانی دڵت بگرێت، پەستانی خوێنت بپێوێت یان شوێنی ئازارەکەت دەستکاری بکات. ​فەحس و دەرمان: تەنها لە قۆناغی کۆتاییدا دێت بۆ پشتڕاستکردنەوەی گومانەکان. ​ئەگەر پزیشکێک قۆناغی یەکەم و دووەم بپەڕێنێت و ڕاستەوخۆ بڕواتە سەر نووسینی دەرمان، ئەوا قومار بە تەندروستیتەوە دەکات، چونکە بێ دەستنیشانکردنی دیاریکراو، دەرمانەکە تەنها ئازارەکەت بۆ دەشارێتەوە نەک نەخۆشییەکە چارەسەر بکات! گرنگترین بەشی بابەتەکەم لێرەوەیە ​🚨 چۆن بزانیت سەردانی پزیشکێکی ھەڵەت کردووە؟ ​ئەگەر چوویتە ژوورەوە و ئەم نیشانانەت بینی: ​⏱️ ڕێگەی نەدا ۳-٥ خولەک بە ئارامی باسی کێشەکەت بکەیت. ​📝 بەبێ ئەوەی سەری هەڵبڕێت یان سەیرت بکات، هەر خەریکی نووسینی ڕەچەتە بوو. ​❓ هیچ پرسیارێکی نەکرد دەربارەی مێژووی تەندروستیت یان ئەو دەرمانانەی پێشتر خواردوتن. 🖐️ پشکنینی جەستەیی بۆ نەکردیت. ​🛑 چی بکەیت لەو دۆخەدا؟ ​تەندروستی و ژیانی تۆ لە هەموو شتێک بەنرخترە. ​ئەگەر هەستت کرد پزیشکێک گوێی لێ نەگرتیت، بە ڕێزەوە داوای ڕەچەتەکەی لێ بگەڕێنەرەوە یان بە کاری مەهێنە، دەستبەجێ بەجێی بهێڵە و سەردانی پزیشکێکی تر بکە کە ڕێز لە تەندروستیت و لە کاتت بگرێت. ​پزیشکی ڕاستەقینە ئەو کەسەیە کە پێش ئەوەی دەست بۆ پێنووس ببات، دڵ و گوێی بۆ ئازارەکانت دەکاتەوە! بۆیە لێرەوە داوادەکەم چیتر چاوکراوەبن و شەرم مەکەن بەرامبەر بە پزیشک و داوای حەق و مافی خۆتان بکەن، چونکە ئێمەی خوێندکاری پزیشکی لە هەموو قۆناغەکانی خوێندنمان جەختمان لێ دەکەنەوە کە دەبێ سەرەتا دەستنیشانکردن بکەی ئەوجا چارەسەر،بەڵام لەداهاتوو کە زۆرینە جێبەجێی ناکەن ،ـئەرکەکە دەکەوێتە سەر تۆی نەخۆش کەدەبێ داوای مافی خۆت بکەی. بەهیوای تەندروستیەکی باش بۆ هەموو لایەک ✍️ئەحمەد ڕەشید خوێندکاری کۆلێژی پزیشکی گشتی زانکۆی کۆیە

شەوی هەینییە سەڵاوات لە بیرمەکەن اللَّهُمَّ صَلِّ عَلَى مُحَمَّدٍ وَآلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَآلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ 💙🕊️