❕Fatvo Markazining SAT Imtihonidagi leak'larga rasmiy munosabati Leak bu imtihon oldidan, shu imtihonda tushadigan, noto'g'ri yo'l bilan olingan va tarqatilgan imtihon materiallari hisoblanadi. Fatvo Markazining javobiga ko'ra, Leak'dan foydalanish, sotib olish va o'sha leak'lar bo'yicha imtihondan oldin o'quvchilarga dars o'tish shariatda taqiqlangan! Yuqoridagi hujjatda O'zbekiston Musulmonlar Idorasi Fatvo Markazining ushbu masalaga javobini o'zingiz o'qib chiqishingiz mumkin. Keyingi safar qaysidir tanishingiz leak oladigan bo'lsa yoki undan ham yomoni o'qituvchingiz sizga leak bo'yicha dars o'tadigan bo'lsa, bu narsa nojoiz ekanligini ularga eslating va yuqoridagi hujjatni dalil qiling. Islom dini insonni har bir ishda rostgoʻy va halol boʻlishga buyuradi, aldovdan esa qatʼiy qaytaradi. Paygʻambarimiz sollallohu alayhi vasallam shunday marhamat qilganlar: Ma’nosi: «Kim bizni aldasa, bizdan emas» (Imom Muslim rivoyati). Shogirdlarini bu yo’lga boshlagan ustozning ham mas’uliyati og’ir. Bu ishning zarari bir kishi bilan cheklanmaydi. Ozchilikning aldovi sabab imtihon bekor qilinsa, joiz yo‘l bilan tayyorlangan koʻplab yoshlar mavjud imkoniyatdan mahrum boʻladi. Bunday ishga yordam bergan, uni oʻrgatgan yoki tarqatgan kishi ham gunohga sherik boʻladi. Zero, Alloh taolo: «Yaxshilik va taqvo yo‘lida hamkorlik qilingiz, gunoh va haddan oshish yo‘lida hamkorlik qilmangiz!», deb buyurgan (Moida surasi, 2-oyat). Bandalarning haqqi faqat tavba bilan kechirilmaydi, buning uchun haq egalarining roziligi ham kerak. Ayniqsa, shogirdlarini bu yoʻlga boshlagan ustozning masʼuliyati ogʻir. Paygʻambarimiz alayhissalom: «Barchangiz masʼulsiz va har biringiz qoʻl ostingizdagilar haqida soʻralasiz», deganlar (Imom Buxoriy va Imom Muslim rivoyati). Hamma qilayapti degani bu siz ham qilishingiz kerak degani emas. Noto'g'ri ishni hamma qilayotgani uni to'g'ri qilib qo'ymaydi. Yuqorida aytilganidek, "Aldovning haromligi hammaga ma'lum". Alloh taolo barchamizni manfaatli ilm va pok rizqqa muvaffaq aylasin, aldov va xiyonatdan Oʻzi asrasin! Vallohu aʼlam. 2026-yil 9-noyabr, 02-01/3734-son, Raisning birinchi o’rinbosari H.Ishmatbekov. Hujjat kodi: UM78868891 (IJRO.GOV.UZ, ERI bilan tasdiqlangan).

Aksar kishilar juda aqlli. Faqat g’azab kelganida emas. Balki shuning uchun, takror va takror uch marta aytib, Payg’ambarimiz solallohu alayhi vasallam bizga g’azab qilmaslikni vasiyat qilgandirlar. @soliefs

Nafsim haqida ogohlantirishdi. Keyin meni nafsim aldadi. Har galgidek. @soliefs