Выступіў на канферэнцыі "Паўночна-Балтыйскі малітоўны сняданак" у Осла, у Гранд-гатэлі, дзе праходзяць нобелеўскія цырымоніі. Удзельнікі - шмат парламентароў, грамадскіх лідэраў і экспертаў з Нарвеіі, Швецыі, Даніі, ЗША, Германіі, Францыі, Латвіі, Эстоніі, Харватыі, Албаніі - карацей, усёй Еўропы і Паўночнай Амерыкі. Распавядаў пра турму, свабоду слова і свабоду веравызнання ў Беларусі. На фота мы разам з дэпутатам шведскага парламента Сары Таніс.

Масква вуснамі Лукашэнкі просіць міру – “няма рэсурсаў, усе стаміліся!” Кіберпартызаны хакнулі Росстат – і гэта сур’ёзна. У Беларусі запусцілі новы калійны камбінат. Няўжо гэта добра? Пасля прамежкавых выбараў у Кангрэс Украіне стане лягчэй? Беларусы ў вольным свеце з размахам адзначылі Дзяды – рэй вядзе Зміцер Дашкевіч. Свежая “Тройца добрых навінаў” з Паўлам Севярынцам па спасылцы.

Свабоду ксяндзу Анатолю Парахневічу! Як піша "Каталікі Беларусі", пробашч рыма-каталіцкай парафіі ў Альковічах Вілейскага раёну ксёндз Анатоль Парахневіч асуджаны па крымінальнай справе за "абразу улады і экстрэмізм". Як даведаліся вернікі, прысуд вынеслі ў кастрычніку (дакладная дата невядомая), а працэс адбываўся ў судзе Вілейскага раёну. Афіцыйна пра гэта не паведамляецца. Паседжанні праводзілі ў закрытым рэжыме, таму ў судовую залю нікога не прапускалі і сутнасць справы застаецца невядомай. Паводле звестак вернікаў, нават кіраўніцтва Курыі не мае інфармацыі, у чым дакладна абвінавачвалі святара. Але, як даведаліся вернікі, па першапачатковым абвінавачванні ў «здрадзе дзяржаве» 66-гадовага ксяндза не змаглі асудзіць (верагодна, не знайшлі доказы) і змянілі артыкул на больш мяккі. Паводле атрыманых звестак, святара абвінавацілі ў «абразе ўлады і экстрэмізме» і прысудзілі 3 гады пазбаўлення волі і буйны штраф. Ксёндз адмовіўся прызнаваць віну і лічыць прысуд несправядлівым. Гэта вынікае з таго, што святар падаў абскарджванне прысуду. Таксама ёсць звесткі пра тое, што парафіяне заступаліся за свайго пробашча і пісалі калектыўны зварот з просьбай вызваліць ксяндза. Ксяндза затрымалі ў сярэдзіне сакавіка 2026 году – з таго часу ён знаходзіцца ў зняволенні, піша "Каталікі Беларусі". Ксёндз Анатоль заўжды гасцінна сустракаў пілігрымаў, якія ішлі з Менску на Будслаў, і рабілі прыпынак у Альковічах. Усе, хто яго ведае, кажуць пра спагадлівы характар, глыбокую веру і адкрытасць да жыцця. Абсурдныя абвінавачанні, вылучаныя супраць ксяндза Анатоля - яшчэ адзін доказ сапраўднага стаўлення сённяшняга рэжыму да хрысціянскай супольнасці Беларусі. Молімся за ксяндза Анатоля і патрабуем ягонага вызвалення!