ЯРИМ КУЧ БИЛАН ИШЛАГАН ЯРИМ НАТИЖА ОЛАДИ Ўзингизга бир савол беринг: бугунги ишимни бор куч билан бажардимми ёки «ўтиб кетса бўлди» қабилидами? Раҳбар қачон чарчайди? Иш кўплигидан эмас, ходимлари ишни охирига етказмаганидан. Ходим қачон қадрли бўлади? Ортиқча савол бермай, вазифани ечими билан қайтариб келганда. Инсоннинг қадрли қиладиган унинг лавозими эмас, зиммасидаги вазифани қай даражада сидқидилдан ва охиригача бажара олиши билан белгиланади. Отам доим айтади: «Ўғлим, ишни ё қилма, ё қилсанг, кўнгил қўйиб қил. Чала иш – қилинмаган ишдан ҳам ёмон». Эртага ишга келганингизда битта вазифани танланг ва уни «Гарсияга мактуб» руҳида, тўлиқ ва бехато якунланг. Натижани ўзингиз сезасиз.