យើងខ្ញុំ សូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ទឹកផ្លែឈើយ៉ូសyos ដែលបានឧបត្ថម្ភទឹកផ្លែឈើចំនួន២៧កេស និងទឹកដោះគោជូរចំនួន១៣ កេស ដល់អនុវិទ្យាល័យទំនប់រលកថ្មី ដើម្បីអបអរសាទរពិធីបើកបវេសនកាលឆ្នាំសិក្សាថ្មី២០២៦-២០២៧។

យើងខ្ញុំ សូមថ្លែងអំណរគុណយ៉ាងជ្រាលជ្រៅចំពោះអ្នកស្រី Norng Thita និងក្រុមគ្រួសារ ដែលបានឧបត្ថម្ភថវិកាចំនួន15 ម៉ឺនរៀល សម្រាប់ទិញសម្ភារៈសិក្សាចែកជូនដល់សិស្សពូកែ និងសិស្សក្រីក្រនៅអនុវិទ្យាល័យទំនប់រលកថ្មី នាបវេសនកាលឆ្នាំសិក្សាថ្មីខាងមុខ។ សូមអ្នកស្រី និងក្រុមគ្រួសារ ទទួលបាននូវសុខភាពល្អ សេចក្ដីសុខ សុវត្ថិភាព និងប្រកបដោយពុទ្ធពរទាំង៤គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

យើងខ្ញុំ សូមថ្លែងអំណរគុណយ៉ាងជ្រាលជ្រៅចំពោះលោក ង៉ាន់ រ៉ាសុី សិប្បកម្មជាងដែក ដែលបានឧបត្ថម្ភតុធំមួយ សម្រាប់ដាក់កុំព្យូទ័រឱ្យសិស្សានុសិស្សរៀន។ សូមលោក និងក្រុមគ្រួសារ មានសុខភាពល្អ សេចក្ដីសុខ សុវត្ថិភាព និងប្រកបដោយពុទ្ធពរទាំង៤គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។