Psalms 92 አማ62 - መዝሙር 12: ጻድቅ እንደ ዘንባባ ያፈራል፥ እንደ ሊባኖስ ዝግባም ያድጋል። 13: በእግዚአብሔር ቤት ውስጥ ተተክለዋል፥ በአምላካችንም አደባባይ ውስጥ ይበቅላሉ። 14: ያን ጊዜ በለመለመ ሽምግልና ያፈራሉ፡ ደስተኞችም ሆነው ይኖራሉ።

‎እንደ ወንጌላውያን አማኞች ሕብረት ቅጠላ ቅጠልን 🌿 የህይወት እና የክርስትና መመዘኛ ካደረግን 10ት አመታት አስቆጥረናል። በ ...ጣ... ም ሰነባብተናል። ስለሆነም የትየለሌ መዘዝ አግኝቶናል ። ‎ ‎ወሬዬ እንዳይረዝም ወደገደለው ልግባ ✍️ ‎ያቺ ምስኪን ለብቻዋ ፋሽን ሾው  የወጣች የምትመስለዋ ዛፍ እንዴት ታሳዝነኛለች መሰላችሁ? አንዳንዴ ምነው ኢየሱስ ባልሆነና ደቀ መዝሙርቱ በሆኑ ኖሮ ቀርበው ያዩአት ብዬ አንጀቴን ትበላኛለች። ‎ ‎ለምን አትሉኝም? ቁንጅናዋ ከእርግማን አላተረፋትም 😢 ተጠግቶ ያያት አምላክ ስለሆነ : ከሩቅ ያሳየችውን ውበት ሲጠጋት ሆና መገኘት  አልቻለችም ! ‎ ‎📖 (የማቴዎስ ወንጌል 21:19 ) ‎በመንገድም አጠገብ በለስ አይቶ ወደ እርስዋ መጣ ፤ ከቅጠልም ብቻ በቀር ምንም አላገኘባትምና። ለዘላለሙ ፍሬ አይገኝብሽ አላት። በለሲቱም ያንጊዜውን ደረቀች። ‎ ‎🌿 በብዙ ቅጠል ራሷን ሸፍና ልታመልጥ ሞከረች ። ነገር ግን ልትሸፍነው ያልቻለችዉ ባዶነት ነበረባት። ‎ ‎👇 👇 👇 👇 ‎🥭 እናማ እያነበባችሁ እዚህ ከደረሳችሁ አይቀር ቅጠል ምን እንደሆነ ልንገራችሁ፡ ‎ ‎🌿 ቅጠል 1 - #መምራት ‎ቤተክርስቲያን መምራት፣ (ፓስተር፣ ወንጌላዊ፣ ነብይ፣  አፖስትል፣ ዘማሪ፣ አስተማሪ፣ ሬቨረንድ፣ ቄስ) ሆኖ መሾም ፣  የተለያዩ የአገልግሎት ክፍሎችን ማስተባበር እና መምራት ፣  የአብያተክርስቲያናት ህብረትን መምራት ፣ ካውንስሉን መምራት ‎ ‎🌿 ቅጠል 2 - #የመድረክ_አገልግሎት ‎በመድረክ ላይ ወጥቶ መስበክ ፣ መዘመር፣ መዝሙር ማውጣት ፣ ፕሮግራም መምራት ፣ ማፀለይ፣ አጋንንት ማውጣት ፣ ትንቢት ማምጣት ፣  የጀማ ስብከት፣ የታመመ መፈወስ ፣ ተከታታይ ትምህርት ማስተማር፣ ቲዮሎጂ መማርና መመረቅ ‎ ‎🌿 ቅጠል 3 - #ማውራትና_መፃፍ ‎መፅሐፍ መፃፍ ፣ የመፅሃፍ ቅዱስ ማብራሪያ ማሳተም፣ ወይም እንደ እኔ ቲክቶክ ላይ መፃፍ ✍️ ፣ ቲክቶክ ላይ ለሊቱን "ሲያገለግሉ" ማደር ፣ ወይም መፅሃፍ ቅዱሳዊ ሃሳቦችን በቪዲዮ ማጋራት ። ‎ ‎ይሄ ሁሉ ቅጠል ከሆነ እና ፍሬው የቱ ነው ? 🤔 🤔 👇 👇 👇 ‎ ‎🥭 ፍሬ 1 - #ተግባራዊ_መውደድ ‎ሰውን በኑሮ ደረጃ ሳይከፋፍሉ መውደድ፣ የጠሉንንም መውደድ ፣ እርስ በርስ መከባበር፣ የሚያሳድዱንን መመረቅ እንጂ አለመርገም ፣ ይቅር ማለት ። ደስ ከሚላቸው ጋር ደስ መሰኘት፤ ከሚያዝኑም ጋር ማዘን ። ችግረኛ ለሆኑ ማካፈል ፣ እንግዶችን መቀበል ። ‎ ‎🥭 ፍሬ 2 - #ራስን_መግዛት ‎ከንዴት፣ ከስድብ፣ ከሐሜትና አሳፋሪ ንግግርን ፣ ለስራ ከመለገም ፣ ከመጠጥ ፣ ከውሸት ፣ ከሌብነት ፣ ከሴሰኝነት ፣ ከዝሙት፣ ከመኩራራት ፣ ለሰው ፊት ከማድላት ፣ ከአድመኝነት ፣ ከስግብግብነት ፣ ከማጭበርበር ........ (ሮሜ 12:9-11, 13-18 )  (ቆላስይስ 3:8) (ገላትያ 5:22) ‎ ‎🥭 🌿  ቅጠል በራሱ ክፋት ባይኖረውም ፍሬ ከሌለው ግን አስመሳይነት ነው። ፍፁም ባዶነት ነው። የአንድ ክርስቲያንም ህይወት መመዘን ያለበት በቅጠል ሳይሆን በፍሬ ነው። ‎ ‎2019 እና የቀረው ዘመናችን ከቅጠላ ቅጠልነት 🌿 ወደ ፍራፍሬነት 🥭 የምንሸጋገርበት ዘመን ይሁንልን! ‎