Телеграм канал «РАМАЗОННИ ҚАРШИЛАБ»

ҚИШ МЎМИННИНГ БАҲОРИДИР   Ҳар бир фаслнинг ўзига яраша фазилатлари бор. Аммо улар ичида қиш фасли алоҳида фазилатга эгадир. Чунки Пайғамбаримиз соллаллоҳу алайҳи васаллам бу фаслнинг мўминлар учун алоҳида фазли борлигини айтганлар. Бу ҳақида ҳадиси шарифда қуйидагича хабар берилган :   Абу Саид Худрий розияллоҳу анҳудан ривоят қилинади : “Расулуллоҳ соллаллоҳу алайҳи васаллам : “Қиш мўминнинг баҳоридир. Кундузи қисқа бўлади, рўза тутиб олади, кечаси узун бўлади (таҳажжудга) туради”, дедилар”. Байҳақий ривоят қилган.   Аскарий раҳматуллоҳи алайҳ ушбу ҳадис шарҳида бундай деган : "Пайғамбаримиз соллаллоҳу алайҳи васалламнинг : “Қиш мўминнинг баҳоридир”, дейишлари баҳор фасли арабларда энг яхши фасл ҳисоблангани учундир. Чунки бу фаслда сувлар ва ўт-ўланлар мўл бўлиши сабабли серобчилик бўлади. Араблар етимларга хайр-эҳсон қиладиган серсаҳоват кишини ҳам "етимларнинг баҳори”, дейишади”. Демак, қиш фасли унда нафл ибодатлар кўп бўлгани эътиборидан ўт-ўланлари сероб бўлган баҳорга ўхшатилган. Шу маънода қиш фасли мўмин киши учун энг яхши фасл ҳисобланади. Чунки бу фаслда бошқа фаслларга қараганда турли нафл ибодатларни кўплаб адо этиш осонлашади. Кечалари узун бўлгани сабабли ҳам уйқуга тўйиш, ҳам енгиллик билан ибодат қилиб олиш имкони туғилади. Кундузлари қисқа бўлгани сабабли рўза тутиб олиш ҳам ниҳоятда енгил бўлади. Шунинг учун ҳам Пайғамбаримиз соллаллоҳу алайҳи васаллам бу фаслни ғанимат билишга ундаб бундай деганлар : Омир ибн Масъуддан ривоят қилинади : “Набий соллаллоҳу алайҳи васаллам :  “Қишда (тутилган) рўза салқингина ўлжадир”, дедилар”. Термизий ривоят қилган. Яъни, одатда ўлжани қўлга киритиш учун тер тўкиб ҳаракат қилинади. Аммо баъзи вақтларда уни тер тўкмасдан, қийинчиликсиз қўлга киритиш ҳам мумкин бўлади. Қиш фасли ана шундай қийинчилик ва машаққатларсиз кўплаб ажр-мукофотларни қўлга киритиш фурсатидир. Бу фасл, айниқса толиби илмлар учун ниҳоятда аҳамиятлиди. Шу маънода баҳор фаслини деҳқонлар учун уруғ қадаш мавсуми бўлганидек, қиш фаслини толиби илмлар учун илм эгаллаш мавсумидир, дейиш мумкин.   Мўминлар баҳори бўлган ушбу фаслни гўзал амаллар билан ўтказиш бахтига Аллоҳ таоло барчаларимизни муваффақ қилсин. "Динимиз аҳкомлари" китобидан. @RamazonniQarshilab

Абу Саид Худрий розияллоҳу анҳудан ривоят қилинади : “Расулуллоҳ соллаллоҳу алайҳи васаллам : “Қиш мўминнинг баҳоридир. Кундузи қисқа бўлади, рўза тутиб олади, кечаси узун бўлади (таҳажжудга) туради”, дедилар”. Байҳақий ривоят қилган. @RamazonniQarshilab

ДУО ИЛҲОМИ ... 🌹 «Аллоҳ таоло бир бандага яхшиликни ирода қилган бўлса, уни дуо ва ёрдам сўрашга илҳомлантиради ва бу ёрдам сўрашини, дуо қилишини унга тақдир қилган яхшилик учун сабаб қилиб қўяди. 🌹 Умар ибнул Хаттоб розиаллоҳу анҳу айтганидай : «Ижобатнинг ғами менинг зиммамда эмас, лекин зиммамда дуо ғамини кўтариш бор». 🌹 Бу гўё Аллоҳ бандага очлик берганда еб-ичишга илҳомлантирганга ўхшайди, яна агар Аллоҳ бирорта бандадан тавбасини қабул қилишни хоҳласа уни тавба қилишга илҳомлантиради ва агар унга раҳм қилиб жаннатга киритишни хоҳласа унга жаннатийлар амалини осон қилиб қўяди. 🌹 Илоҳий хоҳиш мана шу яхшиликларни ва унга битилган сабабларини мавжуд бўлишини ҳам тақазо қилади, худди-ки солиҳ амаллар билан жаннатга кириш вужудга келиши тақазо бўлгандай. Уруғ билан фарзанд вужудга келиши ё таълим билан илм вужудга келиш каби. Ишларнинг бошланиши ҳам Аллоҳдан, ниҳояси ҳам Аллоҳга қайтади». "Кимга дуо илҳом қилинса, батаҳқиқ, унга дуолари мустажоб бўлиши ҳам ирода қилинур". Ибн Қоййим роҳимаҳуллоҳ @RamazonniQarshilab

— Ё Роббим, қанча неъматни менга ато қилдинг, унга шукр қилишим оз бўлди... — Қанча бало билан синадинг, унга менинг сабрим оз бўлди... — Эй неъматларга шукрим оз бўлса ҳам, уларни ман қилмаган Зот ! — Эй, балоларга сабрим оз бўлса ҳам, мени хор қилмаган Зот ! — Эй, масиятларим учун мени шарманда қилмаган Зот ! — Эй, саноғсиз ва туганмас неъматларнинг эгаси ! — Эй, битмас туганмас маъруфларнинг эгаси,  дунёйим билан динимга ёрдам бер ! — Тақво билан охиратимга ёрдам бер ! — Билмаган марсаларимдан мени сақлагин ! — Менинг нафсим истаётган нарсага мени ташлаб қўймагин ! — Эй гуноҳлар зарар қилмайдиган, кечиришлик мулкини камайтириб қўймайдиган Зот ! — Сенга зарар қилмайдиган нарсада мени кечиргин ! — Я Ваҳҳаб ! Сендан яқин енгилликни ва гўзал офиятни сўрайман ! — Жамиийки балолардан офиятни ва офият учун шукрни сўрайман ! @RamazonniQarshilab

🌹🌹🌹 Ассалому алайкум ва роҳматуллоҳи ва барокатуҳ ! Бугун Душанба 1 Декабрь, 2025 10 Жумадус соний, 1447 🌹🌹🌹Аллоҳим ! Ҳар бир кунимизни аввалини салоҳият, ўртасини нажот ва охирини муваффақият қилгин ! 🌹🌹🌹Аллоҳим ! Ҳаётимизни хайрли ва саодатли онларга тўлдир! @RamazonniQarshilab

🌹🌹🌹 Ассалому алайкум ва роҳматуллоҳи ва барокатуҳ ! Бугун  Шанба 29 Ноябрь, 2025 8 Жумадус соний, 1447 🌹🌹🌹Аллоҳим ! Ҳар бир кунимизни аввалини салоҳият, ўртасини нажот ва охирини муваффақият қилгин ! 🌹🌹🌹Аллоҳим ! Ҳаётимизни хайрли ва саодатли онларга тўлдир ! @RamazonniQarshilab