Мен юксак чўққилардан, қирлардан,
Нур шаҳрининг қучоғига жойлансам.
Росулуллоҳ товонини ялаган,
Мадинаниг тупроғига айлансам.

Тонгу Шомда илҳақланиб йўл кўрган,
Ғойибона шивир-шивир ҳол сурган.
Токилса гар товонини тож билган,
Ҳурмосинин япроғига айлансам.

Маҳбуби дил орқа қилиб суянган,
Елкасининг исларидан суюнган,
Кетганида чинқираган, куюнган,
Устуниниг титроғига айлансам.

Мен улуғ булутлару тоғлардан,
Нур шаҳрининг мозийсига жойлансам,
Росулуллоҳ товонига юз тутиб,
Мадинаниг тупроғига айлансам

@RamazonniQarshilab

Иймон келтирганлар ва Аллоҳнинг зикри ила қалблари ором топганлар. Аё, Аллоҳнинг зикри ила қалблар ором топмасми?

ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ طُوبَىٰ لَهُمْ وَحُسْنُ مَـَٔابٍ

Иймон келтирганлар ва яхши амалларни қилганларга хушнудлик ва гўзал маскан бор.

Раъд сураси, 28-29 - оятлар

Зикр бу Аллоҳни эслаш, доим ёдда сақлашдир, биз қанчалик Аллоҳни зикр қилаоляпмиз?...

@RamazonniQarshilab

Унинг Муҳаббати билан тўкилган кўз ёшларингга хурсанд бўлавер.
Ин шаа Аллоҳ, севинчларингга васила бўлгай...
Fаридиддин Аттор

@RamazonniQarshilab

Пайшанба кунининг шом пайтидан бошлаб жума кунининг шом пайтигача бўлган фурсатнинг ҳар бир сонияси шу қадар кўп яхшиликлар хазинасига тўлдирилганки, уларнинг қанчалигини Аллоҳнинг Ўзи билади, холос. Ана шу фурсат оралигида Пайғамбаримиз соллаллоҳу алайҳи васалламга кўп салавот айтинг !
Жума кунининг кечаси бошланди.
Жума куни ва кечаси Расулуллоҳ соллаллоҳу алайҳи васалламга кўп салавот айтиш суннатдир.

Имом Табароний келтирган ривоятда Расулуллоҳ соллаллоҳу алайҳи васаллам шундай дедилар: “Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга у юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади.

Аллоҳумма солли ва саллим ва баарик ала Муҳаммад

@RamazonniQarshilab

​Ким Қуръон ўқиб юрса, Аллоҳ унга шундай бир қувват ато қиладики, унинг қалби одамлардан етадиган жароҳатни кўтара оладиган, улардан етадиган заҳматни табиий деб қарайдиган бўлиб қолади.

Улардан содир бўладиган камчиликни оддий иш деб қабул қилади. Сўнгра уларни кўрмайди, лекин Аллоҳни кўради....

@RamazonniQarshilab

Уч амал борки, Аллоҳ Рамазонда улардан бири сабабли ўтган гуноҳларини кечиради:

— рўза;
— тунги намоз;
— Қадр кечасидаги ибодат;

Ким ушбу уч ибодатни тўлиқ адо қилса, мағфират сабабларини тўлиқ жамлаган бўлади.

Шайх Абдулазиз Тарифий

@RamazonniQarshilab

Қуръонни ўқий олмаяпган ёки хатм кила олмаяпган бўлсангиз Қуръонни бағрингизга маҳкам босиб :
"Аллоҳим, каломингни ҳаққи ҳурматидан Қуръони каримни ўқиб ўрганиб, Унга амал қалб яшаш бахтини менга насиб эт, каломингни муҳаббатини қалбимга жо қилгин" - деб, аср ва шом намозлари орасида бутун вужудингиз билан ёлвориб Аллоҳга дуо қилинг !
Қолган саноқли кунларни ғанимат билиб доимо дуода бардавом бўлинг.
Холис ва чин юракдан қилинган дуо, қатъий қарор ва ҳаракат ин шаа Аллоҳ сизни ниятларингизга етказади !

✍ Заҳро Юсупова

@RamazonniQarshilab

Мадинага бораолмадим....
Мен Росулуллоҳ ﷺга тўя олмадим...

@RamazonniQarshilab

ҚУРЪОНИ КАРИМ ВА РАМАЗОН ОЙИ.

Аллоҳ таолога ҳамду сано, У Зотнинг элчиси Ҳазрати Муҳаммад соллаллоҳу алайҳи ва салламга оила-асҳобларига салоту салом бўлсин !
Қуръони карим рамазонни яхши кўради. Рамазон Қуръонни севади. У икковлари дўстдир. Аллоҳ таоло айтади :
"( У саноқли кунлар) Рамазон ойидирки, бу ойда одамлар учун ҳидоят бўлиб ва ҳидоят Фурқон(ҳақ билан ботилни ажратувчи)нинг очиқ оятлари бўлиб Қуръон нозил қилинган"(Бақара сураси, 185-оят).

Қуръони карим Лавҳул Маҳфуздан дунё осмонига бутун ҳолича рамазон ойида нозил бўлди.
Расулуллоҳ соллалоҳу алайҳи ва саллам Жаброил алайҳиссалом билан рамазон ойида Қуръони каримни ўргандилар, уни эшитдилар, тадаббур қилдилар, тиловат қилдилар, унинг ибратлари ҳақида фикр юритдилар, унинг андозасида яшадилар.
Рамазонда Қуръони каримнинг ўзгача таъми бордир. Рамазонда Қуръони карим шабнам намлиги, насим атридир.

Расулуллоҳ соллалоҳу алайҳи ва саллам дедилар :
"Қуръонни ўқинглар, чунки У Қиёмат Куни эгасини шафоат қилади". Яна айтадилар :
"Сизларнинг яхшингиз Қуръонни ўрганиб, уни бошқаларга ҳам ўргатганингиздир".

Доктор Оиз Қарнийнинг :
"РАМАЗОН ҲИКМАТЛАРИ"
китоби 23-26 бетлар.

@RamazonniQarshilab

УЙҒОТИНГ!!!

Умрни абадий поёнсиз деманг,
Тангрим косамизга ўлчаб солибди.
Сўнгида пушаймон ошини еманг,
Ҳаётни уйғотинг мудраб қолибди!

Отани қадрланг, Онани севинг,
Қондошлик сўзидан қонлар томибди.
Яшаган умрингиз хатосин билинг,
Меҳрни уйғотинг мудраб қолибди!

Ишқни сараламанг, у танхо малак,
Ҳаккадек ҳар шохга қўниб толибди.
Юзлари тилиниб кўзлари ҳалак,
Вафони уйғотинг мудраб қолибди!

Шукур денг бехисоб, санаманг асло,
Қаноат қонмасдан ўтда ёнибди.
Ғафлатнинг кўзлари уйқуда хатто,
Сабрни уйғотинг мудраб қолибди!

Бир оғиз ширин сўз, қанчалар қиммат,
Ёвузлик чаёндек дилни чақибди.
Ҳар тилдан яралар чиройли ҳикмат,
Забонни уйғотинг мудраб қолибди!

Севинг севилинг, муҳаббат қучинг,
Самода кабутар ёлғиз қолибди.
Йиқилманг ерларга, кўкларда учинг,
Юракни уйғотинг мудраб қолибди!!!

@RamazonniQarshilab

🌸Шукр қилиш учун бирор лафз тайин қилинмаган. Ҳар бир инсон ўз билганича шукр айтади. Лекин, Расулуллоҳ соллаллоҳу алайҳи васалламдан шундай тўлиқ лафзлар келтирилганки, биттаси минг марта шукр қилиш фойдасини беради.

Масалан: «Аллоҳумма лакал ҳамду ъадада холқика ва мидаада калимаатика ва зината ъаршика ва ризо нафсика».

Маъноси: «Ё Аллоҳ! Сенга махлуқотларинг адади баробарида ва Сенинг сўзларинг сиёҳи баробарида, Сенинг Аршинг вазни баробарида ва Сенинг ризолигингга мувофиқ ҳамд бўлсин».

@RamazonniQarshilab

Солиҳлар муножоти :

Аллоҳим ! Мен номайи аъмолимни гуноҳлар ила қорайтирдим. Сен эса кун-у тунлар ўтгани сари сочларимни оқартирдинг. Эй, оқ ва қорани яратувчи Зот ! Барокотинг ила мана бу (номайи аъмолимдаги) қораликни баҳридан ўт ! (Сочларимдаги) мана бу оқлик эса Сенинг фазлу карамингдир.

Абу Али Даққоқ.


Қалбларимизга қараганимизда оппоқ ниятлар юзимизни ёруғ қилсин !
Баъзан дилингизга озор берамиз...
Ўшанда бизни кўнглимиз ҳам сиз-ла дард чекар...

@RamazonniQarshilab

ЁМҒИР ЁҒАЁТГАНДА АЙТИЛАДИГАН ДУО

Оиша розияллоҳу анҳодан ривоят қилинади: «Набий соллаллоҳу алайҳи васаллам: «...Агар ёмғир ёғса:

اللَّهمَّ صَيِّبًا نافِعًا

«Аллоҳумма соййибан наафиъан», дер эдилар».
(Бухорий ривояти).

Маъноси:
«Аллоҳим! Фойдали ва нафли қилгин»

@RamazonniQarshilab