Ehson yo‘li bilan keltirilgan asfalt xonadonimizga yotqizilib, bosish ishlari ham yakuniga yetkazildi. Ushbu xayrli va savobli ishda o‘z hissasini qo‘shgan, hasharda qatnashgan, mehnati, yordami va duosi bilan ko‘maklashgan barcha insonlardan Alloh rozi bo‘lsin! Barchangizga mustahkam sog‘lik, oilaviy xotirjamlik, rizq-u ro‘zingizga baraka tilaymiz. Qilgan ehsonlaringiz va xayrli amallaringiz dargohida qabul bo‘lsin. Alloh ajr-u savoblarini ziyoda qilsin! Birlik bor joyda baraka bor! Barchangizga katta rahmat!

EZGULIK VA HAMJIHATLIK NAMUNASI! Quva tumani Sanoatchilar MFY hududida asfaltlanmagan ko‘chalarni obodonlashtirish va asfaltlash ishlari davom etmoqda. Ushbu ezgu ishlar doirasida mahallamizning To‘ptol ko‘chasida yashovchi Mamataliyev Azamjonning xonadoniga ham asfalt yotqizib berilmoqda. Bu xayrli tashabbusni amalga oshirayotgan firma rahbariyati va jamoasiga, shuningdek, hashar yo‘li bilan o‘z mehnati, kuch-g‘ayrati va vaqtini ayamayotgan barcha insonlarga chin qalbimizdan minnatdorchilik bildiramiz. Bunday savobli ishlar xalqimizga bo‘lgan mehr-oqibat, insonparvarlik va mahalla ahlining hamjihatligidan dalolat beradi. El-yurt ravnaqi, insonlar farovonligi yo‘lida qilinayotgan har bir ezgu ishning savobi ziyoda bo‘lsin! Barchangizga katta rahmat! Qo‘llaringiz dard ko‘rmasin, mehnatlaringizning rohatini ko‘ring! Yurtimiz tinch, mahallamiz obod, xonadonlarimiz fayzli bo‘lsin! Hashar — birlik va hamjihatlik timsolidir!

Telegram kanalimiz manzili              👇👇👇👇 🌐 @quva14maktab facebook kanalimiz manzili             👇👇👇👇 https://www.facebook.com/groups/1295352298853474/?ref=share&mibextid=NSMWBT