لا توازيني ارد ردي الثكيل وردي اذا مو من كلب ماينحمل الدنيه ساحه وعاصفه حبك ضياع وانه بين هاي وهاي صافن عل حبل عقلي يكول تركه وكلبي يردله لا شجاب حجي العاقل لحجي الخبل بيه توطنت وتحالف وياك تفاصيل الجسم ويه العقل ليغرك بشر لو شفته فوك يرفع الميزان خفه ومو ثكل لاتضن من اجفاك انساها الوعود انه ابن وادم طبع كول وفعل عمر ردتك وانت لحضه مابقيت وانه من كل لحضه بعدك انكتل باجر يحاجوني وين الجان ذاك ومن فشلتي ما ارد من انسئل ماعرفت السبب عني الغيراك اهتمامي الزايد المابي عقل لو من جنت تزعل واني اجيك واكف بابك صنم مثل الطفل ماتجيني من ازعل وارجع عليك ومايهم عندي عدل لو مو عدل المهم من الكاك يضحكلي الوجود وترجع النجمات ويلتم الشمل لجن مابقيت ليلي والغرام طاحت النجمه وهدم بيت النمل

لا تبتعد ترا الغرگان صوته بچفوفة