Телеграм канал «𝐄𝐗𝐂𝐄𝐋𝐋𝐄𝐍𝐂𝐄 𝐈𝐍 𝐏𝐇𝐀𝐑𝐌𝐀𝐂𝐘»

مرة گاعد بالصيدلية

إجه مريض الطبيب كاتبله حبوب ال Vancomycin تدرون إنتوا هسة حبوب الفانكومايسين صارلها مقطوعة فترة طويلة وصعب تلگاها.
فآني ما عندي حبوب الفانكومايسين بالصيدلية فشلون بهاي الحالة؟
حتى لو المريض راح دور بغير صيدليات، لو يلكة لو ميلگة، وإذا يلكة أكثر شي تهريب وممفحوص

زين بهاي الحالة شنسوي لازم ادبر حبوب؟
فآني خوما أخلي المريض يطلع؟ طبعاً لا.

أخذت الوصفة ولكيت رقم الطبيب مكتوب عالوصفة وخابرته.
السلام عليكم، وعليكم السلام. كلتله دكتور، آني الصيدلاني محمد باسم من الصيدلية الفلانية، أكو مريض بالاسم الفلاني كاتبله حبوب الفانكومايسين، ودكتور إنت حسب متعرف حبوب الفانكومايسين حالياً مقطوعة، ماكو، فالمريض راح كلش يتعب.

فآني عندي طريقة ثانية أجهزلك بيها تجهيزه نفس حبوب الفانكومايسين. كال شنو؟ كلتله دكتور انطي إبر. كال لا، ميحتاج إبر، هو الالتهاب عنده بالأمعاء، آني أريد فد شي مباشرةّ ينزل للأمعاء.
كلتله إي دكتور، الإبر أكدر أنطيهيا عن طريق الفم. كال شلون؟ ليش يصير؟
كلتله إي يصير، جداً طبيعي. كال شلون هيجي؟

كلتله دكتور، الحل سهل، آني راح أجهزلك فد شراب فموي، هو يشربه عن طريق الفم، والمسألة جداً طبيعية. كال شلون راح تسويها؟ كلتله دكتور، المي المقطر مال الإبرة بيه 10 سي سي. نجيب السرنجة، نسحب هاي الـ 10 سي سي، ونحلها بالإبرة مال الفانكومايسين، وبعدين نرج الإبرة، يعني الزجاجة نرجها، بس منرجها كلش قوي، لا نرجها على كيف،
زين، فالمي المقطر راح يذوب ويا الباودر، فصارت عندنا إبرة جاهزة. كال إي.
يعني الفانكوماسيسن بالأبرة هو ٥٠٠ ملغم والمي المقطر ١٠ سيسي فمن خبطناهن سوية صار كل ١ سيسي بي ٥٠ ملغم

كلتله دكتور إنت مثلاً شكد تريد؟ بوقتها الدكتور حددلي الجرعة اللي يريدها فبوقتها كلي أنطيه 125 ملغرام، مادري كلي 500 ملغرام، هيجي شي.

فالمهم، إذا هو الطبيب راد من عدكم 125 ملغرام، فإنت شكد تسحب بالسرنجة؟ تسحب 2 ونص سي سي من الأبرة الحضرتها وتخليها بالفم مال المريض ويشربها، أوكي؟

وإذا كانت الجرعة المطلوبة 500 ملغرام، لازم تسحب الـ 10 سي سي كاملة من الإبرة وتشربها للمريض.

زين أكو بعض المرضى يعني تلعب نفسهم؟ ويصير عندهم غثيان وطعم كلش مر، فشتسوي بهاي الحالة؟

الكمية اللي رادها الطبيب، إنت مو سحبتها بالسرنجة من الإبرة؟
إي، فرغها بكوب نظيف ومعقم، تمام؟
وضيف فوكاها 30 سي سي من المي أو العصير، علمود الطعم شوية يتحسن والمريض يشربه عادي.

واللي بقى بالإبرة شسوي بيه؟ هذا تخليه بالثلاجة لمدة 24 ساعة، من تعبر الـ 24 ساعة بعدها اتخلص من عنده لأن ميفيدك.

المصادر:
موقع Right Decisions (التابع لمنظومة الصحة الوطنية الإسكتلندية NHS)

موقع AboutKidsHealth (التابع لمستشفى SickKids الكندي الشهير)

واكو بعد هواية مصادر تلگوها

الصيدلاني محمد باسم
كورس التدريب الصيفي الأقوى في العراق
الطبقة العليا | مكانك هنا

ميكانيكية العمل

طبعاً هذا العلاج ماكو بالسوگ وولا بالصيدليات
ونادراً متلگونه
وكذلك ممتوفر بالكتب هواية

بس يمي موجود🤨😁
هههههه

هذا العلاج يعتبر علاج استفزازي جداً
وكلش حلوة ميكانيكية عمله وراح تستغربون من عندها
طبعاً هذا مخصص لسرطانات المثانة (الله يحميكم يا رب)

ميكانيكية عمله ⬇️

⚪️المضادات الحيوية من كورس الطبقة العليا | مكانك هنا.
للتدريب الصيفي

اتونسوا بيهن وصيروا صيادلة باحثين

〽️الجزء الأول

https://youtu.be/ibk8ynn8At0?si=x1VJZZ_yQMJ5pPFn

〽️الجزء الثاني

https://youtu.be/eTynY9q5j8A?si=y9gARWlAt7DhhR__

〽️الجزء الثالث

https://youtu.be/O-T483Wyja4?si=jbjr3YNnET89yk9j

ريل بي حالة طبية مهمة نزلته إلكم⬇️

https://www.instagram.com/reel/DcKQsQfsqB-/?igsh=MXVvdXVsN2FzZXloYw==

سامع بلڤل الوحش؟
هو هذا لڤل الوحش

من تناطح قامة من قامات الصيدلة العالمية وبروفيسور عالمي ودكله اكو غلط بكتابك اللي أنت مألفه وكتابك يعتبر مرجع عالمي بدول العالم
ويجي بنفسه ويجاوبك ويكلك صحيح وجان عندي عدم دقة بنقل التقارير وراح تتصحح بالطبعة الجاية ويوجهلك شكر وتقدير بنفسه لأن طلعت هالغلط

هذا انجاز عظيم وفخر للعراق


الپروفيسور باول روتر
الأستاذ في جامعة بورتسموث ببريطانيا ويعد من ابرز الأكاديميين العالميين ومن الباحثيين العالميين بالرعاية الصحية الصيدلانية الأولية وشارك في تأسيس وأدارة عدة برامج ومناهج لكليات الصيدلة
ومؤلف كتاب ال community phrmacy اللي يعتبر المرجع الأساسي الرسمي ببريطانيا بمعظم جامعاتها لطلبة الصيدلة وبرامج التدريب السريري الصيدلي

وبأستراليا ونيوزلندا اللي تعتمد نفس الكتاب بس بي تعديلات في ما يوافق سياساتهم بصرف الأدوية

والدول الأوروپية ودول الشرق الأوسط ودول أخرى

هذا الأنجاز العلمي لا يقدر بثمن
وإنك بنفسك باول روتر يعترفلك ويكلك صح آني غلطان وراح يتعدل الغلط

ومحد يگدر ينسب هالخطأ لنفسه لأن اسم الملف والقضية بأسمي والرقم الخاص عندي ومسجل بأسمي: محمد باسم

صفحة ٣١ و ٣٢ راح يصير بيها تعديلات عالطبعة الجديدة إن شاء الله
وبعد اكو صفحات هم راح يصير بيهن تعديل


والأنجاز الأقوى إنه بعد أكو اربع مصادر راح يصير بيهن تعديل أيضاّ فيما يخص الكتاب العالمي الخاص بمادة الأدڤانس وال Drug delivery وال pharmacotherapy ومصدر ال symptoms

الحمد لله والشكر على هاي الأنجازات العظيمة
جداّ فخور بنفسي

إن كان بلدي ميدعمني وشعبه يسقط بيه وميقدملي الدعم العلمي اللازم فراح اتوجه بهالعلمية للدول العربية والأوروپية وأساهم بتطوير قسم الصيدلة عندهم إن شاء الله

الكفاءة العلمية تندثر بالعراق
فالغرب أولى بيها.

الصيدلي محمد باسم.