⭕️ نقطه مذكوره في الهيكل ⭕️ مكتوب ان قانون كولوم بينطبق على الجسيمات او الشحنات النقطية بس يعني الأجسام الي نقدر نهمل لها نصف قطرها او تقول نصف قطرها تقريبا صفر معلومة زياده ليك عشان تبقا فاهم الفكرة طيب ماذا لو كان جسم كبير كرة عليها شحنات ؟! ينفع استخدم كولوم للأجسام الأكبر بس هستخدم تكامل او تراعي في الاستخدام اهم نقطه بنبه عليها دايما ( الحث الكهربي ) لو خدت بالك هنا في الصفحة دي مذكور مثالين الاول لو كرتين عليهم شحنات موجبه إذا كانت المسافه بين مركزي الكرات اكبر من أنصاف أقطارهم هنا حث الكرتين هيكون ضعيف على بعضهم البعض ف توزيع الشحنات ما زال منتظم اقدر أطبق كولوم و بالتالي لو المسافه بينهم كبيره الكرتين بيشوفو بعض انهم اجسام نقطيه زي لو انت شخصيا بتشوف حاجة على مسافه كبيره هتشوفها صغيره جدا لكن عند تقريب الكرات من بعضهم الحث بيبقا موثر و المسافه الي هنعوض بيها مش هي المسافه بين مركزي الكرة زي ما هو موضح مجرد توضيح نظري للفكرة مش هيقولك ف الامتحان سوال حسابي و تحسب المسافه لا تقلق