Телеграм канал «DOLZARB TV | Расмий хабарлар»

🌤 ХАЙРЛИ ТОНГ! Ассалому алайкум! Пайшанба тонги муборак бўлсин. Бугунги бошланаётган янги кунингиз файзли бўлсин! Сиз ва яқинларингизни яхши кайфият тарк этмасин!

Жорий йилнинг ўзида 2 миллион 700 минг аҳолига ижтимоий хизмат ва ёрдамлар кўрсатилган 17 сентябрь куни Наманганда “Камбағалликдан фаровонлик сари” III халқаро халқаро форумида Президент Шавкат Мирзиёев “Камбағалликдан – фаровонлик сари” дастури мазмун-моҳиятига тўхталиб, инсон салоҳиятини тўлиқ намоён қилишга қаратилган устувор йўналишларни қайд этди. Аҳамиятли натижалар: 140 минг камбағал оилага шифокор бириктирилиб, йилига комплекс тиббий кўрикдан ўтказилмоқда; Кафолатланган тиббий хизматлар кенгайтирилиб, камбағал оилаларнинг соғлиқ учун сарфлари икки баробарга камаймоқда. Уларга бепул дори-дармон ва хизматлар пакети берилади; Ижтимоий ҳимоя миллий агентлиги ташкил этилди, ҳар бир туман ва шаҳарда “Инсон” марказлари фаолият кўрсатмоқда; Жорий йилда 2,7 миллион нафар фуқаро ижтимоий хизмат ва ёрдамлардан фойдаланган. 50 минг меҳнатга лаёқатли шахс қайта иш фаолиятига жалб этилди. Шунингдек, Жаҳон банки билан ҳамкорликда 100 миллион долларлик лойиҳани амалга ошириш бошланди. Имконияти чекланган болаларни таълим ва касбий тайёргарлик билан қамраб олиш учун алоҳида дастурлар ишга туширилади. Форумдаги ташаббуслар юртимизда инсон фаровонлиги йўлида амалга оширилаётган ишлар тизимли ва изчил давом этаётганини намоён қилди.

Kecha Raqamli sog‘liqni saqlash markazi tibbiyot sohasidagi innovatsion loyihalarini taqdim etdi. Shu kungacha DMED yagona tizimiga 33 million fuqaroning elektron tibbiy kartalari kiritib bo‘lingan va bu shifokorlarning ishini yengillashtirib, bemorlar bilan muloqotga ko‘proq vaqt ajratish imkonini bermoqda. Shuningdek, qaysi shifokorning qay darajada bandligi va tibbiy jihozlar holatini real vaqt rejimida ko‘rsatib turadigan, shu yo‘l bilan resurslarni samarali taqsimlashga ko‘maklashadigan Situatsion markaz ham tashkil etildi. Yurtimizda yetti yildan buyon faoliyat olib borayotgan “Ko‘ngil ko‘zi” loyihasi sun’iy intellekt yordamida yangi bosqichga ko‘tarilgani meni ayniqsa quvontirdi. Endilikda muddatidan oldin tug‘ilgan chaqaloqlarda hayotining ilk kunlaridanoq retinopatiyani aniqlash mumkin. Bu esa minglab go‘daklarning ko‘rish qobiliyatini saqlab qolishga yordam beradi! Yangi texnologiyalar bilan bolalarda 90 foizgacha ko‘rlik holatlarining oldini olish mumkin bo‘ladi. Bu — minglab oilalarda umid tug‘iladi, deganidir! Shuningdek, insult va ko‘krak bezi saratonini vaqtida aniqlash texnologiyalari hamda boshqa ko‘plab yangiliklar taqdim etildi. Shubhasiz, sun’iy intellekt professional shifokorlarning o‘rnini bosolmaydi, ammo ularning ishonchli yordamchisiga aylanib, mutaxassislarning vaqti va kuchini tejashga xizmat qiladi. Raqamli sog‘liqni saqlash markaziga tilagim bitta — millat salomatligini asrashga yordam beradigan ushbu loyihalar muvaffaqiyatli amalga oshib, xalq uchun manfaatli bo‘lsin! Sizga tashakkur bildiraman!

🌤🍁Aссалому алайкум. Чоршанба тонги муборак бўлсин😊👍 🍂 Асл саодат нафас олиб турган ҳар онимизга шукр қила олишдир... 🍂 Шукр ва зикрга бой кун бўлсин! 🍂 Янги кунингиз мазмунли ўтсин 🤲 🍁 Соғ–саломат уйғотган Роббимизга ҳамдлар бўлсин!

✅ Саида Мирзиёева: «Фарзандларимизнинг таълим-тарбияси, демакки, мамлакатимиз келажаги айнан муаллимларга боғлиқ» Давлатимиз раҳбари Ўқитувчи ва мураббийлар кунига бағишланган тадбирда таълим тизими ходимлари билан учрашди. Унда Президент Администрацияси раҳбари Саида Мирзиёева ҳам иштирок этди: «Фидойи ўқитувчилар давлатимизнинг юксак мукофотлари билан тақдирланди. Шунингдек, қатор имтиёзлар ва давлат томонидан қўллаб-қувватлаш чоралари эълон қилинди: ипотека кредитлари бўйича ёрдам, ўқитувчиларнинг фарзандлари учун шартнома тўловининг 30 фоизини қоплаш, компютер техникасини харид қилиш учун имтиёзли кредитлар, жаҳоннинг ТОП-300 олий ўқув юртларига кириш учун таълим кредитлари ва бошқа кўплаб имкониятлар. Бугунги кунда ўқитувчилик чиндан ҳам нуфузли ва муносиб маош тўланадиган касбга айланмоқда. Фарзандларимизнинг таълим-тарбияси, демакки, мамлакатимиз келажаги айнан муаллимларга боғлиқдир», — дейилади расмий саҳифадаги постда.

Муҳандислик танлови ғолиблари ва “Эл-юрт умиди” стипендияси совриндорлари муносиб тақдирланди Мамлакатимизда илмий-амалий тадқиқотларни рағбатлантириш ва ёш муҳандисларни қўллаб-қувватлаш мақсадида 2024-2025 ўқув йилидан бошлаб жорий этилган «Энг яхши ғоя», «Энг яхши лойиҳа» ва «Энг яхши ихтиро» республика кўрик-танлови ғолиблари ҳамда «Эл-юрт умиди» стипендияси совриндорларини тақдирлаш маросими бўлиб ўтди. Муҳандислик танлови 2025 йилнинг май-июль ойларида уч босқичда ташкил этилди ва унда 40 ёшгача бўлган 1262 нафар ёш муҳандислар иштирок этиб, ҳар бир йўналишда уч тоифада — «Талаба», «Ўқитувчи» ва «Амалиётчи муҳандис» кесимида ўтказилиб, жами 28 нафар ғолиб аниқланди. Улар орасида тўққизта йўналиш ва тоифа бўйича биринчи, иккинчи ва учинчи ўрин соҳиблари ҳамда «Барқарор ривожланиш учун энг яхши ихтиро» махсус номинацияси ғолиби бор. Тадбирда тўққиз нафар биринчи ўрин ғолибларига замонавий BYD Чазор электромобиллари топширилди. Шунингдек, иккинчи ўрин соҳибларига ва «Барқарор ривожланиш учун энг яхши ихтиро» номинацияси ғолиби бўлган ёш муҳандисга ривожланган давлатларга барча харажатлари қопланадиган стажировка йўлланмаси топширилди. Учинчи ўрин ғолиблари эса 37,5 миллион сўмлик пул мукофотлари билан тақдирланди. Бундан ташқари, тадбирда «Эл-юрт умиди» стипендияси совриндорлари ҳам тақдирланди. Форум давомида жаҳоннинг энг нуфузли университетларига ўқишга кирган ёшлар ўз режалари ва мақсадларини сўзлаб беришди. Маълумот учун: 2025 йилда 173 нафар номзод “Ўзбекистон Республикаси Президентининг «Эл-юрт умиди» стипендияси совриндори” деб эътироф этилди. Улар орасида 25% — хотин-қизлар ташкил этади.

☀️ ХАЙРЛИ ТОНГ! Ассалому алайкум! Сешанба тонги муборак бўлсин Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин!