🎀💗 سؤالي ممكن يخليك تكتشفي حاجة على نفسك… تخيّلي لو طلبت منك نكتبي قائمة باحتياجات زوجك وأولادك… غالبًا راح تعرفي واش يحبوا، واش يفرحهم، واش يقلقهم، وواش يحتاجوا منك. ❤️ 🫵لكن لو طلبت منك تكتبي قائمة باحتياجاتك أنتِ… هل راح تلقاي الإجابة بسهولة؟؟؟ 🤔 هل تعرفي واش يريحك؟ واش يفرحك؟ واش ينقصك؟ وواش تتمنّي يتغيّر في حياتك؟ - أحيانًا نقدرو نفهمو الآخرين، لكن ماتعطيش نفس الاهتمام باش تفهمي روحك ... 🌷 حابة نعرف رأيك: هل تعرفي فعلًا واش تحتاجي في هاذ المرحلة من حياتك؟ 1️⃣ نعم، نعرف احتياجاتي بوضوح. 2️⃣ نعرف بعضها، لكن ما نقدرش نلبيها. 3️⃣ بصراحة، ما نعرفش حتى واش محتاجة. 4️⃣ نعرف واش نحتاج، لكن تعوّدت نأجل نفسي. 💗 اختاري الإجابة اللي تشبهك، بلا أحكام ولا لوم.

🍂💗 حتى أنتِ تستحقّي عطلة… نعرف بلي عطلة الأطفال ما تعنيش دائمًا الراحة للأم! 😅 الأولاد في الدار، الحركة والطلبات ما توقفش، الأكل والترتيب والاهتمام بيهم… وممكن تلقاي روحك من الصباح حتى الليل ما قعدتيش حتى 10 دقائق مع نفسك. لكن حابة نقولك حاجة: 💗 ما تستنايش حتى يكمل كل شيء باش ترتاحي، لأن مسؤوليات البيت غالبًا ما تكملش. خذي لحظة صغيرة لنفسك، اشربي قهوتك بهدوء، اقعدي شوية بلا هاتف، أو ديري حاجة تحبيها. 🌷 أنتِ أيضًا إنسانة عندها احتياجات، ماشي فقط أمًّا وزوجة ومسؤولة عن الجميع. وسؤال خفيف ليكِ: واش أكثر حاجة تتمنّاي تديريها في هاذ العطلة لنفسك، حتى لو كانت صغيرة ؟ 🎀

تمرين تطبيقي من اللايف 📝 اطلبي من كل امرأة تكتب إجاباتها لنفسها، وماشي ضروري تشاركها: واش الحاجة اللي راهي تتعبني في حياتي وولّيت نعتبرها عادية؟ علاش ما رانيش نعطيها أهمية؟ هل بسبب التعود، الخوف، الشعور بالذنب، أم ظروف حقيقية؟ لو كنت نعتبر احتياجي مهمًا، واش أصغر خطوة واقعية نقدر نديرها هذا الأسبوع؟ مثال: «أنا محتاجة للراحة، لكن نستنى حتى نكمل كل شيء. الخطوة اللي نقدر نديرها هي نحدد 15 دقيقة للراحة، ونشوف واش من مسؤولية نقدر نطلب فيها المساعدة👌