Bu yil Qozog’istonga bir nechta safar uyushtirdik. Bozorni o’rganish, tanishish va bir investitsion loyihani amalga oshirish uchun. Esingizdami yozgandim, Qozog’istonda narxlar bizdan sezilarli baland. Shu bilan birga moliya infrastrukturasi va investitsiyon imkoniyatlar ham qo’shnilarimizda kengroq. Masalan, ularda bir necha yildan beri islom moliyasidagi investitsiyon instrument - sukuk chiqarish va bu instrument orqali loyihalarga sarmoya jalb qilish mumkin. Shularni hisobga olib, Qozog’iston bozorini Alif uchun investitsion loyihalarni amalga oshirishga munosib deb bildik. Va region va umuman butun dunyo bozori uchun noyob bo’lgan Muzoraba Sukuki ustida ishlashni boshladik. Sukukning o’ziga xos jihati shundaki, uni ommaviy qilsa bo’ladi va bu bilan ommani o’z biznes loyihalaringizda sherik qilib olasiz. Sukukimizni investorlar uchun yaxshi qiymat beradigan va mahalliy investitsiya imkoniyatlari bilan bemalol raqobat qiloladigan qilib tayyorladik. Dunyoda ham eng zo’rlaridan biri qilib chiqarishga harakat qildik. Biz uchun esa bu sarmoya jalb qilishning institutsional ko’rinishi. Birinchi transh bilan 10 mln dollar jalb qilishni reja qilganmiz. Bunday loyihaning ahamiyati faqat Alif yoki mahalliy investorlar bilan cheklanmaydi. Mahalliy investorlar uchun qiziq bo’lgan sukuk loyihasini chiqarish - mintaqamiz uchun ham foydali bo’ladi deb o’ylayman. Xalqaro investorlar uchun ishonch va e’tibor tortish vazifasini bajarishi kerak bunday loyihalar. Ayniqsa, bunday instrumentlar ommalashgan Ko’rfaz investorlari va Janubi-Sharqiy Osiyodan yangi investorlarni mintaqamizga jalb qilgani yordam beradi degan umiddaman. Mana, bugun, nihoyat sukukimiz regulyator tekshiruvidan o’tib, birjaga joylandi.

Alifda ishlayotganimga bugun 6 yil bo’libdi. 2020 yil 19 oktabr kuni ish boshlagandim. Alif men uchun nima yoki qanday joy? - rizqimni topadigan ishxonam; - jamoam - do’stlarim, hamkasblarim, ustozlarim va shogirdlarim; - 20-30 yoshimning katta qismini o’tkazgan joyim - 6 yil bo’libdi; - xizmat qilishimga yordamchi eng katta vositalarimdan - 300 dan ziyod salohiyatli hamkasblarim, 7000+ hamkorlar va 2,3 mln dan ziyod foydalanuvchilarga chiqish yo’li; - o’zimni qurish uchun imkoniyat; - mas’uliyat; - ishonamanki, amal daftarimning anchagina sahifasi ham;

O’zgarishlar kamdan kam qulay yoki oson, lekin ko’pincha yaxshilikka bo’ladi Moslashgan muhitingni o’zgartirish ketidan yangi muhitga o’rganish zahmati keladi Shu zahmat o’sishimizga asos bo’ladi