အစ္စရေးနိုင်ငံအတွင်းရှိ အာရပ်နိုင်ငံရေးပါတီများကို ငွေကြေးထောက်ပံ့ပေးခြင်းဖြင့် ကာတာနိုင်ငံသည် အစ္စရေးရွေးကောက်ပွဲတွင် ဝင်ရောက်စွက်ဖက်နေသည်ဟု အစ္စရေးဝန်ကြီးချုပ် နေတန်ယာဟု၏ လီကွဒ် (Likud) ပါတီက စွပ်စွဲလိုက်သည်။

နည်းပညာကုမ္ပဏီကြီးတွေက သေနတ် အီမိုဂျီ (gun emoji) ကို ရေသေနတ်အဖြစ် ပြောင်းလဲခဲ့ကြပေမဲ့ အီလွန်မက်စ် ရဲ့ X (ယခင် တွစ်တာ) ကတော့ သေနတ်အစစ်ပုံစံအတိုင်း ပြန်လည်ဖန်တီးလိုက်ပါတယ်။ အက်ပဲလ် (Apple) က ၂၀၁၆ မှာ ရေသေနတ်ပုံစံကို စတင်ပြောင်းလဲသုံးစွဲခဲ့ပြီး နောက်ထပ် ပလက်ဖောင်းကြီးတွေကလည်း ၂၀၁၈ အရောက်မှာ အလားတူ လိုက်ပါပြောင်းလဲခဲ့ကြပါတယ်။ ဒါပေမဲ့ X ကတော့ ၂၀၂၄ မှာ သေနတ်ပုံစံအတိုင်း ပြန်လည်သုံးစွဲခဲ့တာ ဖြစ်ပါတယ်။ အီလွန်မက်စ် က ရေသေနတ်အဖြစ် ပြောင်းလဲသုံးစွဲကြတဲ့ ရေစီးကြောင်းဟာ "woke mind virus" (နိုင်ငံရေးနှင့် လူမှုအသိုင်းအဝိုင်းတွင် အစွန်းရောက်လစ်ဘရယ်ရောဂါ) နဲ့ ဆက်စပ်နေတယ်လို့ ခိုင်းနှိုင်းပြောဆိုခဲ့ပါတယ်။

ဘရာဇီးသမ္မတ ရွေးကောက်ပွဲတွင် အမေရိကန်လိုလားသူ ဘိုလ်ဆိုနာရို ရှုံးနိမ့်ခဲ့ပြီးနောက် အမေရိကန်သမ္မတထရမ့်က အဆိုပါရွေးကောက်ကွဲနှင့်ပတ်သက်ပြီး "ဒီရွေးကောက်ပွဲဟာ ဘရာဇီးပြည်သူတွေအတွက် အလွန်ပင် ရှက်ဖွယ်ရာ ကောင်းလှပါတယ်။ ကျွန်တော် ဘက်မလိုက်ခဲ့ပါဘူး၊ ဒါပေမဲ့ ဘရာဇီးမှာ ဖြစ်ပျက်ခဲ့တာတွေကို ကြည့်လိုက်ရတဲ့အခါ ပြောမပြနိုင်အောင်ကို ဆိုးရွားလွန်းပါတယ်" ဟုပြောကြားခဲ့သည်။