Телеграм канал «نادرة الكـونـيٰ-NaderaAløken»

مش كل صورة يرسمها الناس عليك تكون هي حقيقتك.

كل شخص يشوفك من المكان اللي واقف فيه، ومن التجربة اللي عاشها معاك، ومن الشعور اللي يحمله ناحيتك؛ في واحد يشوف طيبتك، وواحد يفسرها ضعف، وواحد يشوف هدوءك نضج، وواحد يحسبه تكبّر.

ولو قعدت تحاول تصلّح صورتك عند كل شخص، حتتعب وتضيع بين آراء ما تخلصش.

خليك مهتم إنك تكون واضح مع ربك، وصادق مع نفسك، وتحاول تصلح أخلاقك ونواياك؛ أما كلام الناس، مرات ما تقدرش تتحكم فيه حتى لو كنت أحسن ما يكون.

اللي يعرف حقيقتك كاملة هو الله، واللي يحاسبك عليها هو الله، لذلك ما تخليش حكم عابر يهز ثقتك بنفسك، ولا تخلي سوء فهم شخص يلغي كل الخير اللي فيك.

مش مهم كل الناس تفهمك؛ المهم ما تكونش عارف حقيقتك وتخالفها.

إذا كنتَ كلّما ضغطت عليك الظّروف فكّرت بالانسحاب، فلن يكمُل لك شيء وستكون أشتات بدايات.

- بدر آل مرعي.

بين ما تعرفه، وما تستطيع تطبيقه..

أن تعرف كيف تحسب الاحتياجات الغذائية شيء
وأن تجلس أمام حالة حقيقية، تجمع بياناتها، تربطها، تحدد أولوياتها، وتتخذ قرارًا تغذويًا تستطيع الدفاع عنه علميًا — شيء آخر.

لهذا صُمم برنامج:

الممارسة السريرية في عيادة التغذية العلاجية
Clinical Nutrition Practice

من اللقاء الأول إلى القرار التغذوي والمتابعة

برنامج تدريبي حضوري مكثف، صُمم لسد الفجوة بين المعرفة الأكاديمية والممارسة الفعلية داخل عيادة التغذية العلاجية.

على مدار 4 أيام | 24 ساعة تدريبية، لن نتعلم «نظامًا غذائيًا لكل مرض»، بل سنتدرب على كيف نتعامل مع الحالة نفسها.

خلال البرنامج ستتدرب على:

التقييم التغذوي السريري للحالة
Nutrition-Focused History • Anthropometry • Biochemical & Clinical Assessment • Medications & Supplements • Red Flags & Referral

تقييم الأطفال والنمو
Growth Charts • WFA • HFA • WFH • BMI-for-Age • Z-Scores

التفكير السريري واتخاذ القرار التغذوي
Clinical Reasoning • Problem Prioritization • Nutrition Diagnosis • PES Statement • Requirements • Nutrition Intervention & Care Planning

من الاحتياجات إلى خطة قابلة للتطبيق
Meal Planning • Goals • Individualization • Monitoring & Reassessment

التعامل مع المريض… وليس الحالة فقط
Nutrition Counselling • Readiness to Change • Resistance • Non-adherence • Relapse • المعتقدات الغذائية الخاطئة • المريض المتشكك • التوقعات غير الواقعية

العلاقة مع الطعام والأكل العاطفي
Food Relationship • Emotional Eating • Professional Boundaries • Referral

المتابعة والتوثيق السريري
ADIME • Follow-up Notes • Weight & Non-Weight Outcomes

بالإضافة إلى:

InBody & Body Composition Workshop

قراءة وتفسير تقارير InBody • BIA • مصادر الخطأ • TBW/ICW/ECW • SMM • PBF • Segmental Analysis • Trend Interpretation
+ تطبيق عملي على الجهاز

Body Contouring & Fat Reduction Workshop

Patient Selection • Indications & Contraindications • Safety • Expected Outcomes & Limitations
+ تطبيق عملي على الأجهزة

والأهم؟

لن تبقى هذه الموضوعات منفصلة عن بعضها.

سيشمل البرنامج Case-Based Clinical Practice لربط التقييم والتشخيص والتدخل والتواصل والمتابعة والتوثيق في مسار سريري متكامل.

⸻

4 أيام | 24 ساعة تدريبية

📅 مبدئيًا: 18 • 20 • 25 • 27 أكتوبر 2026
🕙 10:00 صباحًا
📍 طرابلس | مقر شركة المهندسون العرب الطبية

عدد المقاعد: 25 مقعدًا فقط

💰 رسوم البرنامج: 350 د.ل
التسجيل المبكر: 290 د.ل لأول 10 مشتركين

إعداد وتقديم:
آلاء بلّق
أخصائية تغذية علاجية مرخصة | محاضِرة في المجال التغذوي

بالتعاون مع شركة المهندسون العرب الطبية

📲 للتسجيل والاستفسار:
WhatsApp | +218 94 669 7639
Telegram | @dt_alaabalq

المعرفة تعطيك المعلومة؛ الممارسة تعلّمك ماذا تفعل بها.

⸻

السلام عليكم ورحمة الله وبركاته

جتني أسئلة هلبا من الغزالات بخصوص تخصص التغذية العلاجية، وقلت تعالوا نحكوا عليه شوية ونوضحوا أهم جوانبه.

نادرة، نبي ندخل التغذية العلاجية لكن خايفة مانحصلش التعيين!

الخوف طبيعي، لكن فرص العمل مش مقتصرة على التعيين الحكومي، فيه مجالات مختلفة تقدري تسعي فيها وتطوري من روحك، والأرزاق على الله، والمهم الاجتهاد والصبر.

نادرة، كيف بديتي وطوّرتي من نفسك في تخصصك؟

التخصص يحتاج تعلّم مستمر، وقراءة وبحث ومتابعة للدراسات العلمية، وحضور ورش العمل والمؤتمرات والكورسات على قد ما تقدري، باش تطوري من نفسك وتبني خبرتك واسمك في سوق العمل.

نادرة، قراية التخصص صعبة؟ وشن درتي في الإنجليزي؟

التخصص يحتاج فهم ومراجعة أول بأول، وفيه مواد علمية وطبية وكيميائية. والإنجليزي مهم جدًا لأن أغلب الأبحاث والمراجع العلمية بيه، لكن تقدري تطوري مستواك بالتدريج، حتى لو بديتي من الصفر.

نادرة، كليتك صعبة ولا سهلة؟ وهل فيه حد قبلك دعمك وشجعك؟

كلية لكلية تختلف، لكن التنظيم والاجتهاد فيه فرق بصراحة . وبالنسبة للدعم، وجود ناس يشجعوك يساعدك، لكن حتى لو ما لقيتيش الدعم الكافي، كوني أنتِ الداعم الأول لروحك، وما تقارنيش رحلتك برحلة غيرك.
الحمدلله عليتي الداعمة ليا والدفعات يلي قلبي في بنات دعموني ويعرفو روحهم ، ودكاتره الكلية ،وصاحباتي

تعالوا يا غزالات نحكوا على التخصص!

تخصص التغذية العلاجية جميل جدًا من جميع الجوانب، ومش مجرد رجيم وإنقاص وزن، هو نمط حياة صحي ورسالة للتثقيف الغذائي ونشر الوعي بين الناس.

مدة الدراسة غالبًا أربع سنوات، بما يعادل 8 فصول دراسية، فصلين في السنة، حسب نظام الكلية.
وستة الأشهر الامتياز والتدريب ،مرات المدة تختلف من مكان لـ مكان
في المستشفيات ، العيادات زي ماقلت المدة تختلف من الكلية لـ الكلية
التخصص يجمع بين الكيمياء والرياضيات وعلم النفس والعلوم الطبية، ومن مواده: أساسيات التغذية، والتغذية خلال مراحل الحياة من الجنين والطفولة لعند كبار السن، والتغذية الوقائية والسريرية والرياضية، والتغذية والمناعة، والتقييم والتثقيف الغذائي، ومراقبة جودة الغذاء، والتدخلات بين الغذاء والدواء، والوبائيات، وعلم الأدوية، وعلم الأنسجة، والتشريح ووظائف الأعضاء، والكيمياء الحيوية، وتحليل الأغذية وكيمياء الأغذية، وتغذية المجتمع، والتغذية الأنبوبية والوريدية، وغيرها من المواد.

شن هي فروع التغذية العلاجية؟

منها تغذية الأطفال، والتغذية الوريدية والأنبوبية، والتغذية في العناية المركزة، والتغذية السريرية والوظيفية، والتغذية الرياضية، وغيرها من المجالات التخصصية.

هل أخصائي التغذية مجرد دكتور رجيم؟

لا يا عزيزي، أنت مش مجرد شخص يعطي جداول غذائية، ولا دورك مقتصر على المصحات! أخصائي التغذية العلاجية يشتغل ضمن الفريق الطبي، ويتعاون مع أطباء الغدد والسكري والباطنة وغيرهم، حسب حالة المريض واحتياجاته.

تتعامل مع حالات زي أمراض الكلى والكبد والقلب والسكري وارتفاع ضغط الدم، بالإضافة للسمنة والنحافة وسوء التغذية، وكل حالة عندها احتياجاتها وخطتها الخاصة.

التغذية العلاجية أوسع وأعمق من هكي هلبا ، وكل ما تتعلمي تحسي روحك تبي تتعلمي أكثر، وتقري وتبحثي وتتابعي الدراسات العلمية؛ لأن العلم يتطور باستمرار.

وين تقدري تخدمي بعد التخرج؟

في المستشفيات والمصحات والعيادات، والمراكز الرياضية في مجال التغذية الرياضية، والمدارس وبرامج التوعية، ومجالات الرقابة على الأغذية وسلامتها وجودتها، والبحث العلمي والتغذية المجتمعية، حسب المؤهل ومتطلبات كل وظيفة.

الحياة بعد التخرج كيف تكون؟

الحياة بعد التخرج ممكن تكون صعبة شوي وتبي صبر، ولازم تسعي وتحاولي تبني اسم لنفسك في سوق العمل، وتطوري من مهاراتك، وتحضري ورش ومؤتمرات وكورسات على قد ما تقدري.

وحاولي من فترة الدراسة تهتمي بالإنجليزي، والتدريب العملي، ومهارات التواصل والبحث العلمي، وتتعلمي كيف تفرقي بين المعلومة الصحيحة والمعلومات المنتشرة من غير دليل.

وفي النهاية، نصيحتي لكل غزالة تفكر تدخل التغذية العلاجية: ادخلي التخصص عن حب وقناعة، وماتخليش الخوف من التعيين يوقفك، لكن في نفس الوقت كوني واقعية، واجتهدي وطوري من نفسك، واعرفي إن الشهادة بروحها مش كفاية، وإن النجاح يحتاج علم وخبرة وصبر وأمانة في التعامل مع الناس.

الأرزاق على الله، وكلها توفيق من ربي، وماتنسوش التوكل على الله في كل خطوة، ونسأل الله البركة في مسيرتكم العلمية والمهنية، ويجعل علمكم نافعًا للناس. 🤍
نادرة — أخصائية التغذية العلاجية

كبرت وعرفت إن أساس سعادة الإنسان مش ديما في الحاجات الكبيرة
مرات السعادة الحقيقية تكون في روتينك اليومي،و التفاصيل البسيطة اللي تحطها في يومك 🩷

روتين شغلك،
أكلك الصحي،
رياضتك،
اهتمامك بجسمك،
عنايتك بعقلك ونفسيتك،
وقربك من ربي ودينك 🤍

لما تنظم يومك، وتهتم بنفسك، وتخلي حياتك متوازنة، حتى أبسط التفاصيل تبدأ تعطيك شعور بالراحة والرضا.

السعادة مش معناها إن كل أيامك تكون مثالية،
لكن إنك تبني لنفسك روتين صحي ومتوازن يخليك تحس إنك مهتم بروحك وحياتك.

رتّب يومك، اهتم بنفسك، وخلي لنفسك نصيب من الراحة والحياة 🩷

تخصص يلي دخلته لا كان حلمي ولا رغبتي، ولا كنت مفكره حتى في افكاري 1%، وكنت نقول مستحيل نميز في تخصص إلا الطب البشري، وما نشوفش في روحي إلا دكتورة غادي.

دخلت تخصص التغذية العلاجية بعد ما تعرض أقرب شخص ع قلبي لمرض ما نعرفش كيف نوصفه، ضمور في خلايا الدماغ، وشخص هذا قعد سريري، لا يتحرك ولا يقدر ياكل ولا يدير أي شيء بروحه.

وجدتي كانت محتاجة لأخصائي تغذية يهتم بيها ويتابع تغذيتها وحالتها، ومع الأسف ماكانش متوفر، وحتى لو فيه كان في طرابلس.

ومن هنا دخلت التخصص…

التخصص يلي تخليك الظروف تدخل ليه وانت شاد ع قلبك وتبكي ع فراق حد تحبه، ربي يوفقك فيه ويخليك تتفوق فيه، حتى وانت في وقت ما كنتش قادر حتى على روحك.

حرفيًا هديكا السنة كانت صعبة عليا هلبا، لدرجة حسيت الدنيا ضاقت بيا، وقلت مش حنقدر نقرا ثاني، ولا نقدر نتميز.

وفي السيم الثاني توفت حناي، وفي وقت امتحاناتي بالذات… لا عرفت نقرا، ولا نوقف، ولا نكمل، غير نبكي.

كل يوم نمشي للامتحان ونبكي في الطريق ونقول:
يارب عقابها خير، وارحم جداي وسامحها. 🤍

تقريبًا كل امتحاناتي بكيت فيهم، ونفسيتي مش أحلى حاجة، لكن كملت.

وتوا في سيم التخرج، كل ما نشوف كبار السن ولا نقرا عليهم، نبكي هلباااا.

جداي يلي سمتني نادرة، وكانت دايمًا توصّي فيا: كوني نادرة، وديري للخير، وخليك كويسة وملائكة الرحمن. 🤍

شغفي مرات نفقده، مرات نتعب، ومرات نقول خلاص مش قادرة نكمل، لكن صوتها دايمًا في بالي، كأنه يناديني في كل وقت ويقولي: كملي.

وكل امتحان من غيرها، وكل خطوة كملتها، وكل مرة قريت وأنا مكسورة، نحس كأنها كانت جنبي وتدفع فيا باش نكمل.

تخصصي مش رغبتي، ولا طموحي، ولا حتى كنت نتخيل روحي يوم من الأيام فيه.

لكن توا نحاول ع قد ما نقدر نكون شخص كويس، يكون عنده أثر، وينفع غيره، ونكون أخصائية تقدر تساعد حد في يوم من الأيام وما يخشش حد نفس التجربة يلي عشتها.

يمكن التخصص هذا ما كانش حلمي في البداية، لكن يمكن ربي اختارهولي لسبب أنا وقتها ما كنتش فاهمته.

واليوم، وأنا في سيم التخرج، نقدر نقول إن الطريق هذا، بكل صعوبته وبكل وجعه، علّمني هلبا.