የእጽዋት አስተርጓሚው የኤ.አይ ሞዴል   እጽዋት ውስጣዊ ፍላጎታቸውን በኤሌክትሪክ ምልክቶች አማካኝነት ማስተላለፍ እንደሚችሉ የተገነዘበው ኤሌክትሪክ ፕላንት (Electric Plant) የተባለ ስታርታፕ የእጽዋትን ቋንቋ መተርጎም የሚችል ቦምባዲል (Bombadil) የተሰኘ የቋንቋ ሞዴል (LLM) ይፋ አደርጓል።   በቀድሞ የዳርፓ (DARPA) የኒውሮሳይንስ ሊቅ እና ባልደረቦቻቸው የተመሠረተው ይህ ኩባንያ ከ125 በላይ የሚሆኑ የእጽዋት ዝርያዎች ውስጥ የሚዘዋወሩትን ስውር ማይክሮ-ቮልት የኤሌክትሪክ ምልክቶች በመያዝ የውኃ፣ የብርሃን እና የንጥረ-ነገር ፍላጎቶቻቸውን በቅጽበት ይተረጉማል። ቴክኖሎጂው አርሶ አደሮች ምርታማ እንዲሆኑ፤ የውኃ አጠቃቀማቸውን በ20 በመቶ እና ከዚያ በላይ እንዲቀንሱ ያስችላቸዋል።   ቴክ ክራንች በድረገፁ እንደዘገበው ይህ ፈጠራ በተጨማሪም የደን ልማት ባለሙያዎች የእጽዋትን ፍላጎትን በትክክል ተረድተው በወቅቱ ምላሽ እንዲሰጡ በማገዝ ስራ ያቀልላቸዋል ተብሏል፡፡