لما تلاقي الدنيا ماشية حلو معاك في كل حاجة أوعى تفتكر إن ده بمجهودك أنت وبترتيبك أنت وبس أوعى تفتكر إنك حاجة وتقعد تفخم في نفسك وتنسى إن كل ده في الأصل توفيق وترتيب من ربنا وإنك مهما عملت ومهما أخدت بالأسباب فالأسباب لوحدها عمرها ما كانت كفاية من غير توفيق ربنا خليك دايمًا فاكر إن الفضل لله أولًا ثم اجتهادك وكل حاجة تانية مجرد أسباب ومتخليش نجاحك ينسيك مين اللي سهّل لك الطريق لأن في لحظة ربنا قادر يغير كل حاجة فاحمد ربنا دايمًا وخليك متواضع لأن التوفيق نعمة والنعمة تستحق الشكر قبل الفخر .

من الحاجات المطمئنة جدًا في الدنيا وسبب أساسي للراحة النفسية إن ربنا سبحانه وتعالى عالم ومُطّلع على كل اللي بيحصل. {وَسِعَ رَبِّي كُلَّ شَيْءٍ عِلْمًا} ربنا عالم إنك واجهت ضغوطات كتير، وعشت مشاعر سلبية كتير، وخسرت كتير، وندمت على حاجات كتير. ربنا عالم بسعيك، وسلامة نيتك، وهيجازيك على ده.. انت حاولت وبتحاول وربنا عالم إنك حاولت وبتحاول وده كفاية 🩶

البشر حظ ونصيب يختارهم الله لك إما درسًا، أو سندًا🤎