من يا باب اسولف بيك غريب وقصتك تهضم ابن معصوم اخو السلطان وأختك سيدة حب قم يا ربيب اهل السمه أمرك عجيب المثل قدرك وسفه يتسمه الغريب وحدك تقيم العزاء وتصب دموع ودمعه دمعه تكتلك لجسم السليب گلبي بعتبتك نادة ولگلبي انطي أمراده امرادي دمعة عيني وغربه لغريب السادة بجيني كربلاء يا قاسم العطاء ____ الگضه من عمري اعرفنه ولكن اجهَل القادم لذالك راح اشد گلبي واشمره بعتبة القاسم بزودك وزود اهلك اسنيني مشن الحلوه والمره على حبكم گضن الفاتن اعرفهن ولكن بيه خوف يا بلية امحضر المثلي الزمن بالماضي راحم بيه يا سيد الحنية ارحملي باقي سنيني وتمم خدمتي اعليه يا رحمه السماء يا قاسم العطاء __ يا قاسم جنت ساكت وفعلك صرح بأسمك سكتّ الساني لا يحجي من يخدم خيم عمك الحچي لاهل الحچي ما بي صدك والبچي لاهل البچي هذا العشك لا افرط حبي بالگال وگلت كون اعيش بنارك وسكته أحترگ جفوف الگمر من طاحن بسكتتهن شكد صاحن گضن عمرهن خدمة وسر العشگ ما باحن الگال وگلت بلاء يا قاسم العطاء ____ من طبع السگاية البيك صب بيه أدب من جون اسگي الروح يا قاسم ودليني على اليبجون يالخذت من عمك الكافل طبع اسگي روحي بأسم ابوفاضل دمع أذني سدها اعللبشر بس ياحسين بأذني يا قاسم اريدن تنسمع غيرني من تسگيني حب وادب خل ديني هوسة وضياع العالم بأهل الصدك دليني دليني عالبكاء يا قاسم العطاء

https://t.me/hassuin_allami

قصة ساگي من هاشم غريب وبالمدن هايم على ريحة علي واسمه استوطن سيدي القاسم متخفي بأرض غربه يعيش ابن الكرام الأرض ارضه السمه لاهله واله جهلو مقام جليل وينجهل گدرك على الدنيا السلام اه..جن گبر الزهراء مجهول وعن اخوانه ادروبة اتطول يشتاگ وما عنده حلول القاسم والرضا كلمن بقة بنار كلمن مُجبر امهاجر على اديار خوان الزمن فرقله خوان وضل خالي النزل من لمة الاطهار ___ طيب والنسل شاهد منو الاخ ومنو الوالد وشكو سلطان بالدنيا على بيبانهم ساجد ولد موسى الكظم غيضه ركايز للوجود قطب الرحمه اساميهم زيارتهم خلود يسعدوك ويبچوك ويلاگوك بورود اه.. بلطف الكاظم احله سنين رحمتهم تنصد بالعين يحبون الباچي اعلحسين يحبون اليجي ودمعه بالعيون لمصاب الحسين وغربه ام عون للصار بضلع فاطمة الزهراء لعمهم مُحسن الما شالته امتون __ يخفي بدمعه وبكسره خايف لا يبان امره هاي احواله لو هلت شهادة فاطمة الزهره مثل ما منعوا الزهره انمنع من البكاء بين اخوانه امنيته ويقيم الها العزاء مثل ما اخفت السطره بجاها بالخفاء اه.. لثارات الزهراء مجمور يدري اشجم ضلع المكسور وجن حيدر ساكت مجبور اه يا فاطمة ويا عملة الباب بگلوب الهواشم عايفة صواب واه يا غربه البالحله مهضوم و محد شاركة اعللزهره الامصاب __ واجت مولودته وكبر بأذنها وبالدمع قرر يسمي طفلته فاطم ويواسي لفاطمة اكثر طفلة كبرت حگها تسئل ليش ما عدها عمام والزمن رجع سنينه لطفلة سئلت بالخيام اين عمي ابوفاضل والعطش جاوب سهام اه..صوت اطفال تنادي بأه عماه يا ساقي عماه وين الجان يرف الواه ووبلغها بنسبها طيب الذات وهل لفاطمة المعصومة دمعات وي كل فاطمة هذا الزمن جار وزاد ابنته جرح الفاطميات