تـــــدنه يمــه يمي أرد اوصــيك زينب من زغرها و شايطه عليك تشــــبگ جــفگ ألــه تنام و تهيد وبسمها هواي تـفرح من أناغيك يمــه أسمـــعني يايمه هـــواي تخاف بضلمه اذا تبعد عــليها تموت وتكسر كلبي وتهضمه حزينه عليها. السبي يباريها الهزايل بأجر. وشني البيديها . . ــــــــــــــــــــــــــــــــــــــــــــ يمه أختــك حــنينه هـــواي وزيد بمـــولــودها بــجه علــيها مـــحمد كال يصب دهــرها جروح بجروح وتشوف إخوتها تحت الخيل تنمد تجيس الحيره خاطرها بــس حســين كاســرها ماتگضـــي نعـــاويــــها ولا طـــابت مــحاجرها على تله تنـادي. حدانه الحادي صريع أبن أمها. يجدي الهـادي . . ــــــــــــــــــــــــــــــــــــــــــــــــ مو شغلت عطش و خيام وحبال ولا لمـــن تغــير حـــــال من حال هيــه المــشكله المــــاعدها وليان وبديــرة غــرب مـــتكفله عيــــال محــد نـازع بكـــــدهـا كــــله وكـــربله ضدها وعـــيون الخلگ صلفه وتــندار عـلى والـــدها غريبه بنيتي. تأمل جيتي وتصيح اطفالك. أريدن عمتي . . ــــــــــــــــــــــــــــــــــــــــــ اختصرلك يمه حجي والحجي يطول من جــر الحــبل معــضدها مـــشلول أيــــام الـــــدلال ويــاك خ تعـــــيش لان بأجــر وراك تنـــــام بالچـــــــول الشام يريدله كعده يمه وچبــدك يمرده ماريدن يطول بچاگ وحيلك لخـتگ تهده الفطمها عيونك. تروح بدونك شيصـــبر ليلك. لمن ينخونك محمد حسين