"Murdalar gapirmaydilar"

Muhabbatda gap-so'zga o'rin yo'q, bo'lmasa, qadri qolarmidi?! Sevgi ma'budining manglayi qonga belangan. Hech qanaqa so'zni tan olmaydi. @remarkdan_qaydlar

G‘alati tendensiyani kuzatdim. Fakt emas. Lekin qiziq narsa. Bovommi, bovosini davrida To‘xtasin, O‘lmas, Tursin degan ismlar ko‘p bo‘lgan. Bovomni davrida esa Baxtiyor, Erkin, Ozod. Mani davrimga kelib, ismlar chiroyli bo‘lishiga, jarangiga, ayniqsa ma’nosiga e’tibor qaratila boshlandi. Qizimdan misol. Nima demoqchiman ? Ismlarga qarab bir xalqning nimadan qo‘rqqanini qisman o‘qisa bo‘larkan. Bovomni, bovosini davrida meditsina yaxshi rivojlanmagan, irsiy kasalliklar rivojlangan, chunki qarindoshlar bilan nikoh ko‘p bo‘lgan. Natijada bola nobud bo‘lishi ehtimoli ortgan. Endi ismlarga qarang: To‘xtasin, O‘lmas va hokazo. Bovomni davri esa totalitar tizim eng avjiga chiqqan pallaga to‘g‘ri keladi. Endi qo‘rquv o‘zgargan, ism qo‘yayotganda tirik qolishini emas, qanday yashashini niyat qilishgan. Yana ismlarga qarang: Erkin, Ozod. Xususan bobomni ismi Baxtiyor. Bitta ismni ortida butun bir asrning tibbiyoti, siyosati va umidini ko‘ryapman. Qizimizga ism qo‘yayotganda bunga e‘tibor ham qilmagandik. Yana qaytaraman fakt emas. Shunchaki qiziq.