Телеграм канал «»

پڵتۆک... لە پەراوێزی کونفڕانسی "هەنگاوێک بەرەو لووتکەی شێعری نالی"** ــــــــــــــــــ ✍️ #جەمیل_موحەممەدی ــــــــــــــــــ ڕەنجی باوباپیری تۆ ئەم نیشتمانەی دا بە تۆ کوردە وریا بی نەکەی باپیرەکانت ڕەنجەڕۆ #کاکە_ئەحمەد_موفتی‌زاده "زمانی شێعریی نالی، زمانێک بوو کە تا پێش خۆی، کەس شێعری پێ نەوتبوو و دەسپێکی ڕەوتێکی نوێ لە ئەدەبیاتی کوردیدا بوو. هەر مەکتەبێکی تازە و هەر خوێندنەوەیێکی نوێ کە سەر هەڵدەدا، زۆربەی کات یەک کەس دامەزرێنەریەتی و لە دوای خۆی کەسانێکی تر ئەم ڕێگە دەگرنە بەر. ئاساییە کە هەرکەسێک قسەی تازە و ئەندێشەیێکی جیاوازی ببێت، عالەمێک دوژمنی لێ پەیدا ئەبێت و سەروبنی پاساویان ئەوەیە کە چون لەسەر مەنتقی باوباپیری ئێمە نییە، هەڵە و بەدەڵە و رەتی دەکەنەوە". ئەم باسە لە هەموو بوارەکانی تریشدا هەر بووە. واتە لە بەستێنی هەر زەمان و کۆمەڵگایەکدا کە بکرێ ئاڵ‌وگۆڕێک پێش بێت، ئەم جۆرە دژایەتی و ڕووبەڕووبوونەوانە بە هەر هۆکارێکەوە بێت، پێش دێت. ئەمەوێ بابەتەکە گرێ بدەمەوە بە بەستێنی ئێستای کۆمەڵگای کوردی و ئەوە کە ئەو بەرەنگاربوونەوە هەنووکە بە جۆرێکی تر لە ئارادایە. نە هەر بێگانەوەبوون لە خۆ، بەڵکوو ڕووبەڕووبوونەوە و بەرخۆدانێکی نەرێنی لە جیلی خوێنەوار بە گشتی و ڕۆشنبیران!! بە تایبەتی، بە نسبەت زمان و ئەدەبیاتی کوردی، لە بەرانبەر ئەدەبیاتی فارسی (لە ڕۆژهەڵاتدا) هەیە. دیارە ئەم بابەتە دەبێ لە چەن فاکتی جیاواز، وەک نەبوونی دەسەڵاتی کوردی، قەیرانی پەروەردەی کوردی و... لێی بکۆڵڕێتەوە، بەڵام ئەوەی جددیتر و بەردەستترە بۆ تاکی کورد، ناسینی ئەو دەردانەیە کە تەنگی بە شوناسی کوردی هەڵچنیوە و بەپێی ئەو ناسینە، دەبێ دەرمانیشی بۆ دابین بکریێت. چون ئەم باسە، پەراوێزی زۆری لێ دەکەوێتەوە، هەر بۆیە لە بازنەی زمان و شێعر و نالی تێناپەرێین. ئەو بێگانەبوونەوە بە زمان و ئەدەبی کوردی، لەویادا زەقتر دەبێتەوە کە تاکی کورد، مەولانای ڕۆمی بە موعجیزەی ناوەحی دەزانێ و حافز و سەعدی و... بە داشداری... کاتێکیش دەتەوێ لە نالی بەرگری بکەی، هەر وەک ئەو سەردەمەی کە نالی تێیدا دەژیا و دەسپێکی ڕەوتێکی نوێ بوو، دژایەتیت دەکەن. دیارە هێزی کۆلۆنیالیزمی ئەوی تر بۆ داگیرکردنی مێشکی منی کورد، لە نەبوونی دەسەڵات و میدیا و سیستەمێکی پەروەردەی کوردیدا، سەرکەوتووتر بووە و تاکی کوردی لە خۆیدا تواندووەتەوە و ئەوەندە سەرخۆش و بێهۆشی ئەدەبیاتی ئەوی ترین، کە بە سیخورمە و هاوار و... خوماریمان لە گۆ ناچێت. ئەمە بەواتای ئەوە نییە کە ئێمە دژی ئەدەبیاتی ئەوی تر (لێرەدا فارسی) ڕاوەستاوین، بەڵکوو ناعەقڵی و نامەنتقیتر ئەوەسە کە ئەدەبیاتی خۆت لە تاق بنێی و خزمەتی زمان و ئەدەبیاتێکی خاوەن دەسەڵات و میدیایەک بکەی کە سەرەکیترین هۆکاری گەشە نەکردنمانە. ئەگەرچی بایەخداربوونی "واتا"یە کە بایەخییش بە وتە دەدات و زمان لە زاتی خۆیا بۆ ئەوە نابێ کەسی پێ سەربخەی یان  کەسی پێ سووک بکەی؛ بەڵام لەم بەستێنەدا کە زمان کۆڵەکەی مانەوە و نەتوانەوەی هەر گەلێکە و مرۆڤ بە شێوەی سروشتی هاوزاتپینداری لەگەڵ زمانەکەی خۆی زیاترە، پێویسته پاراستنی وەک ئەرک و مافێکی نیشتمانی چاو لێبکەین، ئەو نیشتمانەی کە خۆشەویستیی وی، بەشێک لە ئیمانە و بە دروشم و ئیددیعا ناسەلمێنرێت. ئەدەبیاتی مەولەوی و حافز و... ئەگەرچی جیلوەدەری عەشقی حەقێقیش بن، بەڵام هیچ‌کات نالییەکی کورد لە زیندانی داگیرکەردا، بە مەرام و زەوقی ئەوان لە عەشق نادوێت... هەر بۆیە دەبێ لە ئێستای دۆخی کۆمەڵگای کوردی، ئەوی تر باشتر بخوێنینەوە و شی بکەینەوە، تاوەکوو جیهانبینی و ئاگاییمان بەرانبەر به هەرچییەک کە لە دەورووبەرمان ڕوو دەدات، زیاتر بێت. نالی، ئەو شاعیرە دوورەوەتەنەی کە گۆڕغەریبە و لە وڵاتانی ناکوردی شەڕی شوناس دەکات و بە گژ گەمە و گاڵتەی ئەوی تر دەچێ، بەسە بۆ  ئیمڕۆی هەر خوێنەوارێکی ژیر و نمەکشناسی کورد، کە لەو داوەی ئەوی تر بۆی ناوەتەوە، گیر نەکات. ** : عوبەید ڕەحمانی http://T.me/Mizankurdi 🌍 Telegram Mizan 🌍 YouTube Mizan 🌍 Facebook Mizan 🌍 Instagram Mizan 🌍 Web Miza 🌍 Mizan Kurdi 🌍 Mizan Arabic 🌍 Mizan Quran

هەنگاوێک بەرەو لووتکەی شیعری نالی 🎙 #عوبەید_ڕەحمانی پێویستە نالی بخوێنینەوە و بیناسینەوە تا زۆری خۆمان بە کەم نەزانین. http://T.me/Mizankurdi 🌍 Telegram Mizan 🌍 YouTube Mizan 🌍 Facebook Mizan 🌍 Instagram Mizan 🌍 Web Miza 🌍 Mizan Kurdi 🌍 Mizan Arabic 🌍 Mizan Quran