Телеграм канал «رِســالة ✨»

«ابني، بعد لا تضم عليا… إذا تعبت، آني أبوك. وإذا ضاقت بيك الدنيا، بابي مفتوح إلك قبل لا يكون عندك دينار واحد».

قريت الرسالة أكثر من مرة، وضميت تلفوني.

الله يرحم كل أب فارگ أولاده، ويحفظ كل أب بعده عايش، ويطوّل بأعمارهم بالصحة والعافية.

تره مرات الأب ما يريد من ابنه فلوس، يريد بس يطمن إنّ ابنه بخير… حتى لو ابنه صار رجال وعنده بيت وعائلة.

اللهم اغفر لي ولوالديّ، وارحمهما كما ربياني صغيراً، واغفر للمؤمنين والمؤمنات، والمسلمين والمسلمات، الأحياء منهم والأموات.

إذا أبوك بعده موجود، لا تنتظر منّه يطلبك… اتصل بيه، اسأله عن حاله، وروح شوفه.

يمكن هو محتاج يسمع صوتك أكثر من أي شي ثاني بالدنيا.

الأب نعمة… واللي بعده عنده أب، يعرف شكد هاي النعمة عظيمة.

أول راتب استلمته، وعمري 23 سنة، گالي أبويه:

— ابني، كل شهر حولي 50 ألف دينار.

گتله مستغرب:
— ليش يابه؟ شتسوي بيهن؟

گال بكل برود:
— هاي حگ التربية.

ضحكت، عبالي ديتشاقة، بس هو ما ضحك، ومن ذاك اليوم صارت عادة… كل يوم 27 من الشهر، من ينزل الراتب، أحوّل لأبويه 50 ألف دينار، وأكتب بالملاحظة: «حگ التربية».

وهو يرد كل مرة بنفس العبارة:
— وصلت، الله يرزقك ويحفظك.

ولا مرة زاد عليها كلمة.

حوّلتله من چنت عزابي، وحوّلتله من تزوجت، وحتى بأشهر الزواج الأولى، والديون فوگ راسي والمصاريف ما تخلص.

وحوّلتله بالشهر اللي انولد بيه ابني، رغم إنّه ما بقى براتبي غير 75 ألف دينار.

مرتي چانت تكلي:
— عمي متقاعد وعنده بيت وراتب، شيسوي بالـ50 ألف كل شهر؟

وأصدقائي يضحكون ويگولون:
— أبوك مسويلك ضريبة شهرية لو شنو؟

وأني أضحك وأگول:
— أبويه هيچ طبعه، شنسوي وياه!

مرّة تأخرت عليه يوم واحد، وبالساعة 7 الصبح اتصل بيّ:
— ها ابني، هو ماكو شي؟ عسى ما شر؟

حوّلتله الفلوس، وگعدت أضحك بيني وبين نفسي:
«والله أبويه أدق من المصرف بمواعيد التحويلات!»

ومرّت السنين، سنة ورا سنة… لحد ما كملت 12 سنة على هالسالفة.

بس محد يدري شنو مخبّي إلنا باچر.

قبل 3 أشهر، الشركة اللي أشتغل بيها بطلوني!

انصدمت، وضعت، وما عرفت شلون أتصرف. ما گلت لأحد، حتى مرتي ما كلتلها.

كل يوم ألبس وأطلع من البيت الساعة 7 الصبح، مثل كل يوم دوام. أروح أگعد بسيارتي يم كوفي، وأبقى للظهر، وبعدين أرجع للبيت وكأني راجع من الشغل.

چنت خايف… مو بس من المصاريف والديون، چنت خايف من اللحظة اللي أضطر بيها أگول لأهلي إنّي ما عندي شغل.

وجا يوم 27…

وما نزل راتب.

أول مرة من 12 سنة، ما حوّلت لأبويه ولا دينار.

گلت بيني وبين نفسي: باچر أتصل بيه وأشرحله، وأشوف شلون أدبّر أموري.

بس بعد العشا، دك تلفوني.

أبويه.

ردّيت، گال:
— ابني، ما وصلتني الفلوس.

گتله بصوت مرتبك:
— إي يابه، نسيت، باچر إن شاء الله أحوّلهن.

سكت شوية، وبعدين گال:
— تعال هسه، وحدك.

رحت لبيت أبويه، ودخلت للصالة.

لكيته گاعد، وگدامه دفتر قديم وظرف بني.

أشرلي على الدفتر وگال:
— افتحه، ابني.

فتحته…

لكيت بيه تواريخ، كل شهر و تاريخ مكتوب 50 ألف دينار، واسمي.

بس الشي اللي حيّرني، إنّه يم كل مبلغ مكتوب شنو صار بيه.

«براد مي للجامع».

«سلة غذائية لعائلة متعففة».

«كفالة يتيم».

«مساهمة بعلاج مريض».

«توزيع مي على العمال بالصيف».

بقيت أگلب بالصفحات، لحد ما وصلت للنهاية.

144 شهر… يعني 144 تحويل.

رفعت راسي وگتله:
— يابه، شنو هذا؟

باوع علياوگال:
— ولا دينار من فلوسك دخل جيبي، ابني.

حسّيت بشي يعصر گلبي.

كمل:
— تدري براد المي اللي يم الجامع القريب من شغلك؟ اللي تشرب منه كل يوم؟

گتله:
— إي يابه، شبي؟

طلع تلفونه وشوفني صورة البراد، وعليه ورقة صغيرة مكتوب بيها:

«صدقة عن ولدي، الله يحفظه ويرزقه».

بقيت اباوع بالصورة، وما گدرت أحچي.

سنين وأنا أشرب من هذا البراد، وأدعي للي حاطّه وما چنت أدري إنّه أبويه… وإنّه كل يوم يسويلي خير وأنا ما أعرف.

گتله وصوتي يرجف:
— يابه، ليش ما گليتلي؟

ابتسم ابتسامة هادئة وگال:
— إذا گتلك، جان سويتلي حساب، وآني ما أريدك تحس إنّي آخذ منك شي وأرجعه إلك. أريدك تتعلم العطاء، وتعرف إنّ رزقك مو إلك وحدك.

وبعدها سحب الظرف البني ونطانيا.

گال:
— وهذا إلك.

فتحته…

لكيت بيه 36 مليون دينار عراقي.

رفعت عيوني عليه، مصدوم، وگتله:
— يابه! شنو هاي الفلوس؟ منين جبتها؟

گال:
— من أول راتب استلمته، آني چنت أحط 250 ألف دينار كل شهر على صفحة.

وكمل:
— گلت يمكن يجي يوم تصيرلك مشكلة بيه، أو تحتاج بيه أحد، وما تحب تحچي. فگلت أخليلك شي يفيدك بذاك اليوم.

گتله ودموعي بدت تنزل:
— يابه، شلون عرفت إنّي ما عندي شغل؟

گال:
— ابني، 12 سنة كل يوم 27 تحوّل إليّ، وما تأخرت غير مرة وحدة. هالشهر ما وصلت الحوالة، وعرفت أكو شي مو طبيعي. أني أبوك، أعرفك من نبرة صوتك قبل لا تحچي.

بهاللحظة، ما گدرت أتحمل.

نزلت راسي وبچيت مثل الطفل.

أبويه قرّب مني، وحط إيده على چتفي وگال:

— ابني، الـ50 ألف آني ما چنت محتاجهن. ولا آني جنت أريد فلوسك، ولا جنت أريد أثقل عليك.

سكت شوية، وبعدين گال الجملة اللي مستحيل أنساها طول عمري:

— آني چنت أريد أعرف كل شهر إنّك بخير، من دون لا أسألك وتگلي: تمام يابه، وإنت من داخلك مو تمام.

والله يا جماعة، بهاي اللحظة حسّيت إنّي طول هالسنين چنت أحسب نفسي دا انطي لأبويه، بس بالحقيقة هو اللي چان دا ينطيني…
ينطيني درس بالعطاء، ودرس بالأبوة، ودرس بالمحبة اللي ما تحتاج كلام.

بعد شهرين، الله كرمني وحصلت شغل جديد.

وأول يوم 27 من الشهر، حوّلت لأبويه 50 ألف دينار، وكتبت بالملاحظة:

«حگ التربية».

ردّ عليّ مثل كل مرة:
— وصلت، الله يرزقك ويحفظك

وبعد دقيقة، وصلتني منه رسالة ثانية…

أول مرة يكتبلي شي غير هالعبارة:

“زیارت عاشورا”

با صدای علی فانی
تنظیم مهدی شکارچی
میکس و مسترینگ حسن پور محمدی
ضبط استودیو نور یاس
تهیه کنندگان امین پرواس، علی فانی

* سرعت خواندن ، مناسب برای قرائت روزانه (کمتر از ۱۲ دقیقه)می باشد.

@AliFaniOfficial

@YouTube_Xbot - 29:23, 27.4 MB

هذه ليلةُ الجمعة ويُستحبُّ فيها زيارة الإمام الحسين(عليه السلام)

تقبّل الله منكم
الفاتحة لأموات المؤمنين والمؤمنات وأخص بالذكر أخي محمد سجاد

الثغرة التي يدخل منها الشيطان إلى قلبك! ⚠️

هل تساءلت يومًا لماذا ذكر إبليس الشكر حين توعّد بإغواء بني آدم فقال:
﴿ثُمَّ لَآتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ وَلَا تَجِدُ أَكْثَرَهُمْ شَاكِرِينَ﴾؟

من مداخل الشيطان أن يُنسي الإنسان نعم الله عليه، فيغفل عن السمع والبصر والفؤاد، وعن نعم كثيرة اعتاد وجودها حتى لم يعد ينتبه إليها.

ويزيّن له الطمع والتطلع الدائم إلى ما لا يملك، حتى يستغرق في ملاحظة ما ينقصه، ويغيب عنه ما بين يديه؛ فيضعف رضاه، وقد يقع في دوامة السخط والتذمر وكفران النعمة.

💡 الشكر من أسباب الثبات ومقاومة مداخل الشيطان؛ أن تعرف نعمة الله، وتحمده عليها، وتستعملها في طاعته.

وقد قال النبي ﷺ في شأن المؤمن:
«إن أصابته سرّاء شكر فكان خيرًا له، وإن أصابته ضرّاء صبر فكان خيرًا له».