# Yetti yilki yo'qotgan yo'limni topolmayman, Umrim jon talvasasi, o'limni topolmayman. Bir zindonga tushganman, qo'limdadir kaliti, Ammo eshik ochishga qo'limni topolmayman. Tangrim yuz o'girganmi yo menga yuz burmaydi? Tavbalarim kapalak, bir kun yodda turmaydi. Kalxatday jonni cho'qib, musicha ko'rinaman, Yuz kabani buzganman, nechun jazo bermaydi? Bir ayol ko'kka boqar, uchib yurganim shundan, Tomiri yo'q, og'ochman, ko'chib yurganim shundan. Bu dunyosi-ku yolg'on, she'rlarimga andorman, Haq qoshida bir pulman, cho'chib yurganim shundan."