Телеграм канал «ПАЙДАЛУУ ИЛИМ»

«Раббиңер силердин жүрөгүңөрдөгү нерсени эң жакшы билет. Эгер силер жакшы адамдардан болсоңор, анда Албетте, Ал Өзүнө кайрылып, тообо кылуучуларды Кечирүүчү.»
(Исра сүрөсү, 25-аят)

Мааниси:

Адамдардын сени кандай көрүп, сен жөнүндө эмне ойлогонуна көп көңүл бурба. Анын ордуна, Аллах сени адамдардан жалгыз калганда кандай абалда көрүп жаткандыгына көңүл бур.

Сенин чын жүрөктөн кылган ниетиңди, эч кимге көрсөтпөй өзүңдөгү кемчиликтерди оңдоого аракет кылып жатканыңды, жүрөгүңдү жаман сапаттардан тазалоого болгон аракетиңди Аллах билет жана эч бири Анын алдында текке кетпейт.

Ошондуктан адамдардын сен жөнүндө айткан сөздөрү, ойлору жана күмөндөрү сага зыян келтирбесин. Аллах менен болгон мамилеңди оңдо. Андан кийин өз жолуң менен жүрө бер. Анткени Ал сенин ичиңдегини баарынан жакшы билет.

«Аллах Тааланы зикир кылуунун мыкты түрлөрү:

1. Намаз
2. андан кийин Куран окуу;
3. андан кийин жалпы зикирлер: истигфар айтуу, Пайгамбарга ﷺ салават айтуу, хаукала («Лаа хауля ва лаа куввата иллаа биллаах»), тасбих, такбир, тахмид, тахлил ж.б.»

[Мажму‘ул-Фатава, 19/121]

Ибн ас-Саади (رحمه الله ):
«Шүгүр кылуунун эң жакшы түрлөрүнүн бири — Аллахты көп зикир кылуу».

Ибн аль-Каййим (رحمه الله):
«Зикир зикир кылган адамга күч-кубат берет. Ал тургай, адам зикирдин жардамы менен, зикирсиз өзү аткара албаган иштерди да аткара алат».

«Раббибиз ыймандуу пендесин дүйнөдөгү бир нерседен тыйса, анын ордуна ага андан да жакшыраак жана пайдалуураак нерсени берет.

Бирок адам өзүнүн чыныгы пайдасын билбейт. Раббисинин берешендигин, даанышмандыгын жана ага болгон назик камкордугун да толук түшүнө бербейт.

Ошондуктан пенде өзүнөн эмне алынганын жана анын ордуна эмне сакталганын салыштыра албайт. Анткени адам тез келген нерсени, ал тургай ал начар жана зыяндуу болсо да, жакшы көрүүгө жакын».

📖 «Аль-Фаваид», 57-бет.

Кээде сенин «жоготууң» деп ойлогонуң — Аллахтын сен үчүн сактап жаткан жакшылыгы болушу мүмкүн. 🤍

telemetr.me/Meerbek_kelsinbek