جرب كده تعيش في الدنيا ما تختارش.. تسعى بس ما تختارش.. تدعي بس ما تختارش. الراحة إنك ما تختارش. (وَرَبُّكَ يَخْلُقُ مَا يَشَاءُ وَيَخْتَارُ ۗ مَا كَانَ لَهُمُ الْخِيَرَةُ ۚ) لــ - وجدان محمد

• حلوة الطرحة الكبيرة بس ماينفعش معاها أكمام قصيرة وتسيبي نص إيدك مكشوفة. • حلو الخمار بس ماينفعش معاه ميكاب. • حلو النقاب بس ماينفعش معاه دريس ضيق و طرحة صغيرة. حلو جداً إنك تبقي عارفة إن الحجاب فرض بس ماتنسيش إنك هتُسألي عملتي الفرض إزاي ... مش أي حاجة و خلاص. سارعي و سابقي 💜💜💜 ﴿وَالسّابِقونَ السّابِقونَ۝أُولئِكَ المُقَرَّبونَ۝في جَنّاتِ النَّعيمِ﴾ الجنة درجات خلي هدفك الفردوس و اتقي الله في نفسك و أحسني في عبادتك و خليها على أكمل وجه.💜💜💜

مهموم؟ مخنوق؟ 💔 حاسس إن فيه حاجة تقيلة على قلبك ومش عارف ترتاح ⁉️ تعالى أقولك على دعاء عظيم علَّمهولنا النبي ﷺ، لو فهمت معانيه وعشت بيها بقلبك، هتحس بمعنى عظيم من معاني التوكل على ربنا. 🤍 دعاء تقول فيه: «اللَّهُمَّ إِنِّي عَبْدُكَ، ابْنُ عَبْدِكَ، ابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ. أَسْأَلُكَ بِكُلِّ اسْمٍ هُوَ لَكَ، سَمَّيْتَ بِهِ نَفْسَكَ، أَوْ عَلَّمْتَهُ أَحَدًا مِنْ خَلْقِكَ، أَوْ أَنْزَلْتَهُ فِي كِتَابِكَ، أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ، أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجَلَاءَ حُزْنِي، وَذَهَابَ هَمِّي». تخيّل إنك بتسأل ربنا يجعل القرآن ربيع قلبك، وينوّر صدرك، ويجلو حزنك، ويُذهب همك! 🥹🤍 يعني مش مجرد إن الهم يختفي، لكن قلبك نفسه يلاقي حياته وراحته في كلام ربنا. والنبي ﷺ أخبرنا عن فضل الدعاء ده، وقال: «ما قالهنَّ أحدٌ قطُّ إلا أذهب اللهُ همَّه، وأبدله مكانَ حزنِه فرحًا». ولما الصحابة سمعوا الدعاء ده، قالوا: يا رسول الله، ينبغي لنا أن نتعلم هؤلاء الكلمات؟ فقال ﷺ: «أجل، ينبغي لمن سمعهن أن يتعلمهن». 🤍 احفظ الدعاء ده، وافهم معانيه، وعلّمه لغيرك؛ يمكن يكون سببًا في تفريج همّ إنسان غالي عليك. شير البوست، يمكن دعاؤك يكون بداية راحة لقلب حدّ تعبان. 🤍 #رسايل