Kutish Biron-bir natijaga erishish uchun hech qachon boshqalarning xarakatini yoki javobini kutmaslik kerak. Bu narsa menga va faqat menga kerak, natijaga faqat va faqat men javob garman, demak men oʻzim xarakat qilishim kerak degan qatʼiy fikr bilan yashash va ishlash kerak. @managersblog

Yaxshi lider va yaxshi menejer Yaxshi lider boʻlish uchun boshqalarga xizmat qilish kerak, beminnat yordam berish kerak. Odamlarning muammolarini eshitib, kerakli yoʻnalish koʻrsatish kerak. Agar oʻzingiz yordam bera olmasangiz, yordamchi boʻlishi mumkin boʻlganlarga yoʻnaltirib qoʻyish kerak. Yaxshi menejer boʻlish uchun esa jamoangizni koʻproq oʻzini oʻzi boshqarishiga sharoit yaratib berishga harakat qilish kerak. Yechim qabul qilishda oʻzlariga qoʻyib berish kerak. Kerakli natijani hamma toʻgʻri tushunganiga amin boʻlganingizdan keyin, unga qanday erishishni oʻzlari hal qilishiga va kerakli qaror qabul qilishlariga yoʻl qoʻyib bering. @managersblog

Kasbiy yoʻriqnoma Har bir lavozim uchun kasbiy yoʻriqnoma tuzilishi kerak. Standart degan narsa bor. Bu yoʻriqnomada lavozim egasi qanday huquq va majburiyatlarga egaligi, unga boʻlgan talablar, ishga olish va boʻshash tartibi va hokazolar koʻrsatib oʻtiladi. Yangi olingan ishchi albatta u bilan tanishib chiqishi kerak. Kasbiy yoʻriqnomada talablar aniq va puhta koʻrsatilishi shart. Bir voqeani aytib bermoqchiman, shu mavzuga oid. Mijozlarga xizmat koʻrsatish boʻlimi lavozimi uchun moʻljallangan kasbiy yoʻriqnomadagi talablarda umumiylashtirib «soha boʻyicha malaka» va «xizmat koʻrsatish boʻyicha tajriba» boʻlishi shart degan qismlar boʻlgan. Nomzod shulardan biriga toʻgʻri kelsa ham, ishga olish mumkin. Tashkilotimizning boshqa boʻlimida ishlaydigan bir xodimning lavozimi qisqartiriladigan boʻldi. Mehnat kodeksi asosida bunday xodimga tashkilotda mavjud boshqa boʻsh oʻrinni taklif qilish kerak. Garchand ushbu xodim kasbiy yoʻriqnomada koʻrsatilgan talabga toʻla mos boʻlmasa ham unda koʻrsatilgan «soha boʻyicha malaka»ga ega boʻlganligi uchun oʻsha boʻsh boʻlgan mijozlar bilan ishlash boʻlimiga ishga olishga majbur boʻlgan. Mana shu sabab, tashkilot oʻz oʻrniga mos boʻlgan nomzodni umuman toʻgʻri kelmaydigan joyda ishlatishga majbur boʻlgan. Agar kasbiy yoʻriqnomada aniq talablar qoʻyilgan boʻlganida bunday holat yuzaga kelmagan boʻlardi. @managersblog