ساڵەهای ساڵ هەڵوەدا بووم من بەدووی یارێکەوە دەردی دنیام دی نەبێ ماندوو بە ئازارێکەوە عومری خۆم بەخشی هەتا ئاسوودە بێ و دڵخۆش بژی دەیگوت: هەرگیز چاک نەپەرژاوی بە هیچ کارێکەوە گشت ژیانی خۆم بە نێو کرد هەست بکا هاوشانمە وای شکاند شانم کە خۆ نەگرم بە دیوارێکەوە دەستی خۆمم بەستەوە تا ئەو بتوانێ هەڵفڕێ هێندە لێم دوور کەوت گەرووم نووسا بە هاوارێکەوە ساڵەهای ساڵ هەوڵی وەم دا بارەکەی ناڕاست نەبێ دەیگوت: ئای چەند نالەباری تۆ لە هەر بارێکەوە! ئاگرم بۆ ئەو دزی و دامێ گوڵی شۆڕانی پێی هەر گلەی بوو چت نەهێنا بۆم لە هیچ شارێکەوە باڵی کوللەم نایە کۆڵ و کردمە دیاری لەبۆی تاقەتی چەندە مەگەر مێروو بە کۆڵبارێکەوە پووشی دنیام کۆ وەکرد هێلانەیەک بۆی چێ بکەم باگژەی هێنا و بەسەرما هات بە ئەتوارێکەوە زەحمەتم کێشا شەو و ڕۆژ تا بە ئاواتی بگا یەک سپاسی قەت نەکردم هەر بەسەر زارێکەوە #ئاران https://t.me/M_Aran

ژیان گۆڕێکی خاڵییە ئەوەی نەزانێ چۆنی پڕ بکاتەوە ڕۆژێک لە قووڵاییەکی سامناکدا دەگەڵ مەرگ بەتەنیا دەمێنێتەوە. #م_ئاران https://t.me/M_Aran

نەکا بەدبەختی خودا بێت؟ وا لە ڕەگی گەردن پێمان نزیکترە! #م_ئاران https://t.me/M_Aran