قُلْ لِلْحَمِيرِ وَإِنْ تَعَالَى صَوْتُهَا مَا قَصَّ أَجْنِحَةَ الصُّقُورِ نَهِيقُ

- رب العباد بيصغر دائرتك قبل لا يضاعف إنتصاراتك إذا الناس اللي حولك جالسين يطيحوا ويتساقطوا ! انتبه ، في شيء بيتغير في حياتك أنت تحس إنها خسارة ، ناس كنت تحسبهم إنهم بيقعدوا معك للأبد ، ولكن فجأة اختفوا وراحوا ، صداقات حسبتها بتدوم للأبد لكن فجأة بتكتشف انها جالسه تذوب . علاقات كنت بتعتمد عليها ، ولكنها سكتت . المشكلة ان أول فكرة بتجي في بالك إنك تبدأ تسأل نفسك أنا ايش سويت غلط ! ليش الناس اللي كنت أعتمد عليهم وواثق فيهم اختفوا ! بس رب العباد مابيشيل الناس من حياتك علشان يعاقبك ، ولكن علشان يجهزك ، انو مو أي حد قادر يشيل ثقل المكان اللي أنت رايح له ، ومو كل واحد قادر يتحمل النسخة الجديدة منك ، ولو قعدوا ياراح يبطؤوك ، أو راح ينهاروا تحت ضغط بمرحلة عمرهم ما انخلقوا لها أساسًا . الصاروخ ياصديقي علشان يطلع وينطلق لمستوى معين يحتاج يتخلى عن اجزاء منه علشان يوصل للمستوى اللي القطعة الرئيسية الوحيدة اللي تقدر توصله . في بعض الناس في حياتك ، مهمتهم كانت إنهم يوصلوك لمكان معين اللي يقدروا عليه ، بعدها ماهم قادرين يتحملوا المرحلة الجديدة في حياتك ، شوف أغلب القصص المشهورة حتى قصص الأنبياء أغلبهم خسروا حاجة قبل مابدأت الرحلة وحياتهم تتغير ، وكل واحد في هذي القصص دخل لمرحلة عظيمة خلدت في التاريخ من بعدها . التصغير لدائرتك مش انتكاسه ولكن فلتر من رب العالمين علشان ينقي الناس اللي حولك .

‏مِن حيثُ تُعلي الأمنيات