لە مانگی ئۆکتۆبردا، گۆڤاری زانستیی «توێژینەوە ئێتنیکی و فەرهەنگییەکان» (Journal of Ethnic and Cultural Studies) وتارێکی منی لەژێر سەردێڕی «فەتوا وەکوو ئامرازی سەروەری: ئیلاهییاتی سیاسی و سڕینەوەی نەتەوەیی کورد لە ئێراندا» بڵاو کردەوە. ئەم وتارە تیشک دەخاتە سەر ئەوەی کە چۆن لێدوان و ڕاگەیاندنەکانی ساڵی ١٩٧٩ی ڕووحوڵڵا خومەینی سەبارەت بە کوردستان، فەتوای لە فۆڕمێکی فیقهی لەناو نەریتی یاسایی ئیسلامدا گۆڕی بۆ ئامرازێکی فەرمانی سەروەری (حاکمییەت) لە چوارچێوەی دەوڵەت-نەتەوەی مۆدێڕندا. لە ڕێگەی شیکارییەکی دەق و گوتاریی بەستێنبەندکراوەوە، وتارەکە وتەکانی خومەینی شانبەشانی بڕگەکانی یاسای بنەڕەتی، نووسراوەکانی تایبەت بە «ویلایەتی فەقیهـ»، کردەوە قەزاییە شۆڕشگێڕییەکان، دژکردەوەی کورد و بەڵگەنامەکانی مافی مرۆڤ تاوتوێ دەکات. توێژینەوەکە ئەو باسە دەخاتە ڕوو کە دەسەڵاتی تێکهەڵکێشکراوی خومەینی وەکوو فەقیهـ، ڕێبەری شۆڕش و سەروەری نوێ، جیاوازیی کردەیی نێوان بۆچوونی ئایینی و بڕیاری حکوومەتیی لەناو برد. داخوازییەکانی کورد بۆ بەفەرمی‌ناسینی سیاسی، لە قاڵبی چەمکەکانى کوفر، نیفاق، یاخیبوون (بەغی) و هەڵگەڕانەوە لە ئایین (ئیرتیداد)دا داڕێژرانەوە؛ ئەمەش ڕەواییەکی تێئۆلۆژیک (ئایینناسانە)ی بەخشییە سەرکوتی نیزامی و قەزایی شۆڕشگێڕانە. بە پشتبەستن بە ئەدەبیاتی یاسای ئیسلامی و هەروەها چەمکەکانی «توندوتیژیی ئیلاهیاتی»ی واڵتەر بنیامین، «ڕەگەزپەرستیی دەوڵەتی»ی میشێل فووکۆ و «شیاویەتیی شیوەن بۆگێڕان» (Grievability)ی جودیت باتلەر، وتارەکە نیشانی دەدات کە چۆن فەتوا وەکوو فۆڕمێکی ناوبژیوان لە نێوان پۆلێنبەندیی ئایینی و توندوتیژیی دەوڵەتیدا کاری کردووە. ئەم نموونەیە تیشک دەخاتە سەر مەترسییەکانی گرێدانی ناسیۆنالیزمی پیرۆزکراو بە دەسەڵاتی زۆرەملێی دەوڵەت-نەتەوەی مۆدێڕنەوەhttps://ejecs.org/index.php/JECS/article/download/2988/743/12436

`

انتگراسیونیسم و تهدیدهای آن برای موجودیت سیاسی ملت کورد | قسمت چهارم در این پایانی نیز به دو موضوع اساسی پرداخته می‌شود: مفهوم سیاست کوردی به‌مثابه بدیلی برای دولت استعماری و اصلاح‌طلبی در شرق کوردستان به‌عنوان یکی از اشکال انتگراسیونیسم. نویسنده: کمال سلیمانی خوانش متن: خانم سوسن محمدخانی غیاثوند